البــــــارت 51:
كلات حتى شبعات هزات راسها فيه لقاتو كيشوف فيها قالت ليه براسها زعما مالك..
مراد: نوضي تنعسي
نجلاء: مفياش
مراد: الشيب الخضر هاد النهار ناض ليا معاك نوضي يالله
هزات كتافها كتأفأف وهو مشا جمع داك البلاطو غادي بيه لكوزينة..
نجلاء: فين غادي
مراد: أش بان ليك
نجلاء: أتنعس معايا ياك
خرج بلاما يجاوبها.. كي رجع لقاها غادا جايا فالبيت .. كتدوي مع راسها بصوت خفيف .. طفا الضو وخلا غير ديال الفايوز لي شاعلين.. نتابهات ليه ومشات كتجري لفراش.. دارت ليه بلاصتو حداها وحطات ايديها عليها باش يجي عندها..
تنهد كيفكر أش اتكون نهاية هاد النهار.. مشا حداها حط راسو على الفراش مغمض عينيه حتى كيحس بيها حطات راسها على صدرو.. هبط فيها راسو كيتسناها تدوي
نجلاء: بغيت نعس على صدرك بحال شحال هدا
مراد: " هز إيدو حطها على كتافها " مشات السكرة
نجلاء: تقريبا ولكن ماشي كاملة
مراد: " عنقها عندو مزير عليها " هاد الفعايل ماشي دياولك عارفة هادشي ياك
نجلاء: بغيت غير نسا شوية
مراد: ماشي بهاد الطريقة متشبهيش ليا
نجلاء: مكنفكرش نشبه ليك
دورات راسها عطياه بالظهر قبل مطفي الضوو لي حداها .. شاف حتى عيا وطفا الفايوز لي حداه بقا كيشوف فيها كيحاول ينعس.. محس الا وإيديه غادين لشعرها لمسرح على المخدة كيلعب بيه همس بحروف ممسموعينش
مراد: توحشتك
" عضات شفايفها باغيا تمنع الدموع لي تجمعو تاني فعينيها.. هي ماشي قد الفراق وعمرها اتكون قدو.. قلبها كيضرب كل ما صباعو داعبو شعرها ..
دورات راسها ليه كتشوف فعينيه نايمين فيها.. حطات شفايفها على شفايفو فنفس الوقت كتبكي على قلبها لي مطيح عليها الذل .. تقلب فوقها مخليها تحتو كيبوس وكلا شفة كيعطيها حقها.. ماشي غير هي لي ماشي قدو حتى هو ميقدرش .. بجوج بيهم كيعيشو حب مر.. ممنوع.. محرم.. سام.. وكيف قال قبل معندو بداية ومعندو نهاية..
شاف راسو ايبدا يفقد السيطرة.. وحتى هي بدات كتسيح معاه.. بعد من عليها حاط وجهو فعنقها مخليها كترد النفس لي كان قاطعو فيها.. بعدات وجهها عليه كتشوف فعينيه
نجلاء: علاش حبستي
" رجع باسها من شفايفها وهز عينو فيها "
مراد: نعسي انجلا نعسي متعدبينيش كثر
نجلاء: أنا باغيا ونتا باغي إذن..!
مراد: أتندمي
نجلاء: مغاديش نندم
مراد: أتجرحي
نجلاء: كثر من هكدا !
مراد: أتكرهني
نجلاء: كنكره حبي ليك ماشي نتا
مراد: أتكرهي حتى راسك هاد المرة
" قربات من عندو حاطا شفايفها على عنقو بايساه..و طلعات لودنو بغصة قالت "
نجلاء: كنبغيك
مراد: وكتكرهي حبك ليا !
" دفعاتو من عليها لايحاه بعيد ناضت كتمشي وتجي شادا راسها بين ايديها كتنتف فشعرها وايديها بداو كيترعدو كثر "
نجلاء: "بالغواات" ياااك لهاااد السبببب خنتينييي علاش كترفضني دابا علااااش
أنت تقرأ
حب بطعم مر "بالدارجة المغربية"
Mystère / Thrillerهي فكرة مني جامعة #الواقع_و_الخيال #المنطق_و_اللامنطق #الحب_و_الخيانة في آن واحد قصتي كتناول مختلف المواضيع الإجتماعية لي كتهمني أنا ونتي وهي.. ابطالها أشخاص عاديين ليسو بمتاليين لكن واحد منهم عيب هي أنانية.. متكبرة.. مغرورة.. مكتعرف...
