البــــــارت 40:
دوزات معاهم العشية كاملة فطريقها لدارها جاها اتصال من واحد من لإكس ديالها تفارقو ولكن بقات بيناتهم صداقة طلب منها تعشا معاه.. شافت راسها اتبقا بوحدها فالدار.. لبات دعوتو ليها.. مشات لدارها بدلات حوايجها.. معدبات گاع راسها فاللباس عارفاه عشا عادي.. خدات تجين طالون فوق الركبة .. تيشورت مبين البوط ومونطو فوقها على حساب البرد.. ركبات فطوموبيلتها لغيسطوغو لي ايتعشاو فيه.. خلات فيها الساروت باش يبلاسيوها ليها ودخلات كتبتاسم فالباب خداو من عندها المونطو وحيت شخصية معروفة وراوها رقم الطابلة دخلات ليها حتى كتفاجئ فيه كيتسناها وقف باس ليها ايديها بكل جنتلمانية جر ليها الكرسي تگلس وهي مبتاسمة الضحكة واصلة ليها لضرسة العقل.. "الحوار بالتركيا "
_ مكنت كنتوقع موافقتك
ليلى: نتا انسان قيم بالنسبة ليا حتى لو تفارقنا انبقا نحتارمك
_ حتى نتي أليلى حتى نتي
ليلى: اييييه السبب ديال هاد العراضة
_مكاين حتى سبب توحشتك وقلت نتعشا معاك
ليلى: مرحبا
_مسيرتك المهنية غاديا فالنجاح بالتوفيق ليك كتستاهلي الاحسن
ليلى: حتى نتا
_إيوا على ما سمعت دخلتي فعلاقة مع الممثل لي مشاركك البطولة جان يامان على ما أظن
ليلى: يوووك هاد الهضرة مكايناش غير إشاعة
_نطلعو العشاء على ما أظن
ليلى: من الاحسن جعت ههه
عيط لسيرفور خدا طلبهم وهاهو كياكلو ويدويو
ليلى: إييييه العشاء سبب على شي موضوع!
_ كنفضل ناكلو من بعد ندويو على السبب
ليلى: لي بغيتي
هزات راسها فالواجهة لي كانت قدامها على حساب المطعم الاحيط ديالو من الزجاج.. كتفاجئ بكاميرات الصحفيين خدامين كيصورو فيهم.. لعناتهم فسرها.. خبارها ديما معمرين الجورنال غير بعلاقاتها ماشي حتى بشي حاجة مفيدة.. غدا اتصبح على القيل والقال.. تقول غير هي لي باغيا ثير الجدل.. بتاسمات فوجهو قبل متنطق
ليلى: بلاما دور وجهك الكاميرات قدامنا
_ المعمول!
ليلى: نمشيو من هاد البلاصة
_ حط الحساب فالطبلة وناض هو وياها
خرجات من الباب الامامي معاه وهي ضاحكة فوجهم بحالا مواقع والو
الصحافي الاول: مدام ليلى مسلسك التلفزيوني كياخد ردود فعل جميلة الى حد الان ما إحساسك
ليلى: اه احساس زوين بزاف ونتمنا يبقى على نفس المستوى الى نهاية
الصحافي: النهاية فأي حلقة!
ليلى: الحلقة 30 اساس بدا تصوير ديالها يعني بعد عرض حلقيتين
الصحافي: هل أتى لك عرض لمسلسل اخر؟!
ليلى: جاو عروض ولكن كنفكر ناخد عطلة داكشي علاش مغادي نكون متواجدة فالموسم تاني
الصحافي التاني: بورا بي "سيدي " كنشوفوك بعد انفصالك مع السيدة ليلى للمرة الاولى واش رجعتو اجتمعتو
بورا: ليلى انسانة قيمة بالنسبة ليا وكيف خرجنا بخبر انفصالنا قلنا بلي غادي نبقاو أصدقاء طبيعي تشوفونا مع بعض
الصحافي الاول: بوا بي خرجات اشاعات بلي ناوي تطلب إيد ليلى هنام " سيدتي " لزواج
بورا: هاد الهضرة مكيناش سمحو لينا انمشيو
ليلى: هوشتاكا " مع السلامة "
ركب كلا واحد فطوموبيل ديالو مشاو فالطريق صونا ليها.. فتحات السبيكر كتدوي وتسوق فنفس الوقت
بورا: خصرو لينا السهرة
ليلى: معليش تعاود مرة اخرى نتمناو ميكتبو عناوين بايخة
بورا: هادي حاجة ضرورية
ليلى: نخليك دابا تصبح على خير
أنت تقرأ
حب بطعم مر "بالدارجة المغربية"
Детектив / Триллерهي فكرة مني جامعة #الواقع_و_الخيال #المنطق_و_اللامنطق #الحب_و_الخيانة في آن واحد قصتي كتناول مختلف المواضيع الإجتماعية لي كتهمني أنا ونتي وهي.. ابطالها أشخاص عاديين ليسو بمتاليين لكن واحد منهم عيب هي أنانية.. متكبرة.. مغرورة.. مكتعرف...
