حب بطعم مر "بالدارجة المغربية"

البــــــارت 19

البــــــارت 19:

دخلات لحمام كتجري  تستفرغ هدا حالها فكل مرة شربات محس براسو غير وهو موراها كيطلع ويهبط بديك الكسوة وكيف كتبينها بنت 18 عام وداخلو كيگول مستحيل يكون دوز شي ليلة مع هادي  باقا صغيرة عليه وبزاف.. سلات غسلات وجهها وجات خارجة بان ليها  كشيوف فيها تجاهلاتو وكملات طريقها قبل متخرج شد فكتافها دورها عندو حتى تخبطات مع صدرو عاد بعدات عاقدة حواجبها ..

الحوار باللغة التركية...

ليلى: كنعرفك؟

قيس: نفس السؤال

ليلى: مفهمتش

_قيس: واش فايت تشاوفنا من قبل

ركزات مزيان فملامحو ومن بعد نفات براسها .. بتاسم ليها  ومشا كمل سهرة ديالو كيحاول ميفكرش فيها.. حتى هي مشات شدات بلاصتها كتشطح بكتافها مع صوت الموسيقى..  لمعرف اشمن وقت هزات ساكها ودوات لجان فودنو بلي غادي تمشي.. جا بغا يوصلها خنزرات فيه قبل متقول

_ليلى: شوف ليك نتا لي يوصلك عاد وصلني انا ( هادي گالتها بالداريجة) الحمار لي قالها ليك

ضربات فيه ومشات من الباب الخلفي احتياطا لا يكونو الصحافة فالباب امامي.. تركيا هادي وصحافة ديالها بحال ديال المغرب متعرفيهم من كيخرجو ليك 😂.. طول الكلسة لي كانت الفوق مبقات  شافت قيس واصلا مدارتو  فبالها  واخا عجبها .. ماشي بزاف وهي وافقة كتسنا فطاكسي حيت مجابت لوطو ديالها حتى سمعاات كلاكسيون عاد دارت تشوف لقات راسها وسط الطريق..  هو كي شافها هبط عندنا ببتسامتو لي كطير العقل ودوك السنينات الصغار المسطرين احح قلبي وخلاص

قيس:كتسناي شي واحد

ليلى: اه طاكسي

قيس: تبغي نوصلك

ليلى: مكاين لاش نعذبك

قيس:  مكاين لا عداب لا والو

بتاسمات ليه قبل متهز براسها بأاه .. مشات ركبات مع هاد الغريب لي ملاميحو جدبوها وحسات بنوع من الفرح  فاش قتارح عليها يوصلها.. هي ساهل عليها ترفض وتسنا الطاكسي ولكن هيهات ليلى مترفض دعوة واحد بوكوس وفنفس الوقت جنتلمان لي دوا معاها بأداب  .. حسات بسؤالو  ديال واش كنتعارفو غير حيلة باش يدوي معاها وحتى هاد يخرج قدامها فليل حيلة ولكن وكلات امرها لله وركبات وهي كتاخيل  .. المستقبل البعيد وهي  فوق العمارية  .. مفاقت من احلامها الوردية حتى دوا معايا باش تقول ليه العنوان..

قيس:  اييه شرفيني بمعرفتك

ليلى:  اشنو بغيتي تعرف

قيس:  لي بغيتي،  مثلا  سميتك

ليلى: ليلى

_قيس: لِيلى ( بكسر الحرف الاول ومد الياء هكدا نطقها)

ليلى:(بتاسمات من طريقة باش نطقها) ونتا

_قيس: قيس

ليلى: امم ليلى وقيس ههه حبيت

شاف فيها  ورجع شاف فالطريق عرفها عجباتهم سمياتهم لي شكون فينا مكيعرف ملحمة قيس وليلى 😂 هي دماغها مشا مباشرة ليهم وتمنات تعيش قصة حب بحالهم ماشي ضروري تكون معاه المهم هو تحس بداك الشعور السامي لي مزال معرفات ايمتا تجربو وتحس بحلاوتو كيف  متحس بمروريتو 

قيس: شحال عمرك أ لِيلى

_ليلى: 23 ممتلة ومغربية الاصل باش نختاصر عليك  وعليا الطريق

" كي سمع اخر كلامها تلافت عندنا كيشوف فيها معمق قبل مينطق "

قيس:   اشنو كنيتك؟؟"هادي قالها بالدريجة"

"مدات مجابت وجاوبات بنفس اللهجة لي هي الدريجة " 

ليلى:  العلاوي علاش؟

قيس: " وقف قدام دارها تلافت شاف فيها"  وصلنا

هزات عينيها فيه كتشوفو كيفاش عرف الدار وهي قالت ليه غير المنطقة فين ساكنة تنهدات قبل متقول ليه بسلامة وفداخلها كتمنى يعطيها امل ويطلب منها اقل حاجة رقمها.. ولكن خاب ضنها كي نزلات وسدات الباب محاشاها ليها.. زادت داخلة لدار وهي  متقلة مشيتها .. هو مكيشوف كاع فيها ودماغو كيدور..

بتاسم بإستهزاء قبل ميرجع يديماري لوطو غادي فحالو.. زفرات بعنف وسدات الباب بالجهد كاعية  وگاع دوك الفرضيات لي كانت فدماغها انو بغا سبب باش يدوي معاها ويوصلها تبخرو.. طلعات لبيتها حيدات حوايجهاا لبسات بيجامة نعاس.. ديماكيات وجهها بلاما تغسلو العگز ومديير 😂

( البنات عندكم ديرو بحالها وخا ديماكيو وجهكم غسلوه  باش تجنبو ينوضو ليكم الحبوب  .. من الاحسن تستعملو تونر من بعد ماشي ضاروري تكونو شارينو يكفي يكون ماء الورد ولا حاجة اخرى من صنعكم متلا منقوع  الشاء الاخضر ولا شي حاجة على حسب المشكل لي عندك فبشرتك  اخر ايطاب يكون  مرطب مناسب لنوعها  )

من بعد مسالات  تلاحت فنعاسها كتهرنن غير بوحدها قبل متنعس.. اما هو كي شد الطريق على وجههو  إبتسامة الجانبية   محس براسو غير وهو ناطق

قيس:  باغي تحكم فطليقتك ومخلي ختك شابعة قحوب گاع الايدين لاعبين فيها غريييب..!