حب بطعم مر "بالدارجة المغربية"

البــــــارت 53

البــــــارت 53:

          • طبعا ستخافين  ياصغيرتي  انه الحب 
من لم يخف  من الحب يكن مغفلا •

قاطع أفكارها..  لالكول لي تحط على الجرحة شوطها..  غمضاات عينيها مباغياش تشوف فيه.. ضمد ليها حراجها لي كانو خفاف..  وجا نايض باسها فراسها..

مراد:  هادوك الافكار لي فراسك حيديهم

" هزات  عينيها فيه وبتحدي مسحات جبهتها البلاصة فين باسها .. خرج ساد الباب حتى لغدا ويجمعو الناس لي مقابلين  الدار  الروينة لي دارت  .. 

خبطات راسها  مع المخدة وگاع الدموع لي كانت حابسة بداو كينزلو وحدة تابعة التانية..  هانها بطريقة مترضاها حتى إمرأة..  كتفكر لو كان جات شي بنت ليل وعرضات راسها عليه أكيد مكان ايرفض..

ناسية بلي هديك هي خدمتهم مدام رفضها هي الا وانه مباغيش يقيصها بلا شرع وقانون.. 

نهار جديد.. 

ليل كامل منعسات كي طلع الفجر ناضت لبسات حوايجها ديال البارح قلبات على الساروت ديال طوموبيل ديالو..  هزاتو ومشات لدار خلاتو تم مقطوع حتى من تيليفونو داتو معاها..  سدات عليه گاع البيبان لي كيخرجو من الدار.. دات معاها السوارت كون لقات دير مكتر متردد..  هي فكرات تغرق ليه الدار بالما ولكن لقاتها فكرة غبية داكشي علاش ترجعات ومشات بحالها..

دخلات  كتسلت لايشوفها شي حد مرتاحت حتى سدات عليها الباب ديال بيتها.. بدلات حوايجها ولبسات بيجامتها نعسات.. عندها موعد عند دكتورها مع 12:00  ليل كامل  متغمضو عينيها ودابا 07:00 الصباح

كمال: نجلاء باقا ناعسة؟!

جواد:  شكون عرف معاش دخلات لبارح لدار

رانيا: أنا شفتها دخلات بكري قبل متوصل الطناش ديال ليل

كمال: ايوا علاش باقيا ناعسة

راينا: دوا... اه دوا لي كتشرب كينعسها بزاف

جواد: عيطي عليها تفطر

راينا:  هي لولة الحاج

ناضت بلهلا يطريه ليها.. طالعة تفيقها.. وكلها كتقفقق لتكون ماشي فدار وأش أتقول ليهم وحتى مراد مبات فيها..

ليل كامل وهي واقفة فالبالكو كتسنا شي  واحد يبان حتى دخلها احمد تنعس واخا تعكسات ليه فالاول غير حمر فيها عينيه  دخلات..

دقات عليها حتى عيات ملي ملقات حتى رد فتحات الباب ودخلات وهي كترعد.. مبقا ليها والو ويسكت ليها القلب بسبابهم اتموت قبل الوقت.. غير شافتها ناعسة رتاحت..

رانيا: نجلا

نجلاء: اممم

رانيا:  العشرة دابا مبغيتيش تفطري معانا  جدودك كيتسناوك باغين يدويو معاك فشي موضوع 

نجلاء:   سيري قولي ليهم مبغاتش

رانيا: اويلي  على مبغاتش انا راس ومكنقدر نهزو قدامهم نوضي الله يرضي على بنتي

نجلاء: اوووف مبقات راحة معاكم لا نتوما لا ولدكم

راينا: اييييه ابنتي سمعيهم ليا  الله يكتر خيرك

نجلاء: خالتي

رانيا: نعام

نجلاء: شحال الساعة

راينا: 10 ونص

نجلاء: باقي لوقت  واخا انا جايا غير سيري

راينا: معاش جيتي لبارح لدار

نجلاء: مع الفجر

راينا: اويلي "ضربات فخاضها" فين كنتي بايتة

نجلاء: مع ولدك

راينا: أش درتي المسخوطةة دويي

نجلاء: وسمكتيني أش عندنا منديرو علاش ولدك كيقد على شي حاجة بداك الفولة لي عندو

رانيا:  تي علامن كتدوي على مراد!

نجلاء:  لا  على عمي أحمد

"  محسات غير وهي مطيرة عليها بقرصة  خلاتها تغوت "

رانيا : شتك مبقيتي تحتارميني

نجلاء: أييي  وا خالتي ونتي گالسة عليا بطون الاسئلة فالصباح أش بغيتي نگول ليك خليني غير نصحصح مزيان

رانيا: دوشي تفيقي  وتبعيني

نجلاء  : نتوما باغيني نسكن فهاد دوش واحد فالصباح وواحد فليل فيا الجربة انا

رانيا: إمتا دوشتي فليل ونتي جيتي مع الفجر

نجلاء: لا لا بقا ليك دخلي ليا مع الجلدة والعظم الله يهديك أخالتي