حب بطعم مر "بالدارجة المغربية"

البــــــارت 20

البــــــارت 20:

التيليفون كيصوني ومع دايرة ليه اغنية ديال الزدحة وداكشي محسات نيت غير وهي مزدوحة على الارض 😂 ..  ضربات بإديها فوق الفراش قبل متطلع ليه وهي مقندشة اعدا حاجة عندها هي يصوني عليها شي حد وهي ناعسة ومولفة ديما دير مود افيو قبل متنعس غير ليوم كيفاش  حتى نسات الله واعلم  جاوبات وهي عاقدة حواجبها

ليلى: انا بغيت ليك البرود الجنسي كيف ديما قاطع  عليا نعاسي

مراد: حمدي الله  لملتك راني بعيد عليك اما سنانك يتحسبو قدامك.. فين كاينة نجلا

ليلى: فجهنم السفلى فين اتكون ناعسة الله ينعس عليك جنابك

مراد: معامن جات عندك؟

ليلى: مع فرقة الكرة لي والد نتا وياها؟ معامن اتجي بوحدها

" دار عين ميكة على هضرتها لوخرى ومعيورها عارفاها باقا مقلوبة مع نعاس"

مراد:  كيجي عندها شي حد ولا هي كتخرج عند شي حد؟!

ليلى:  امتا جات باش يجيو عندها ولا تمشي عندهم ياك عندك نمرتها لاش مخصر ليا نعاسي!  كتسول فيا انا بوديكارد ديالها

قطع عليها داكشي لي بغا يعرف عرفو مكاين لاش يكتر الهضرة على والو.. اما هي كي شافتو قطع متسوقاتش ورجعات طفات تيلي تكمل نعاسها..

دخل لدارو فوقت متأخر طلع نيشان لبيتو  كي وصل محس غير بإبتسامة مزينة شفايفو قادوه رجليه لفراش .. تحنا طبع قبلة على خدودها .. مع نعاسها خفيف دغيا فاقت عرفاتو غير هو  ريحتو تمخشات فيه كتر معنقاه  من كتافو الضخمين مقارنة مع ايديها الصغار

قيس: شنيولة  مخلية الضواو شاعلين كنتي كتسنايني؟

دينا: اممم كنت كنتسناك ملي  تعطلتي نعست

قيس: " باسها عاوتاني من نيفها" نبدل حوايجي ونعسو واخا

دينا: هزات ليه راسها بأه كي دخل لدريسنغ ناضت لابسة بانطوفتها .. غادية لحمام تقدي حاجتها.. كي سلات حلات لباب لقاتو حتى هو خارج.. هزها فوق كتافو غادي بيها لفراش حطها ورجع نعس حداها حاط راسها  على على صدرو.. حتى هي زيرات عليه قبل متنطق

دينا: مقريتش ليا اليوم قصة كيف موالف

قيس: نقراوها ليك الالة اشنو بغيتي ليوم

دينا: اممم تسناني انا غادي نمشي نجيب ليك اش تقرا  ونجي

قيس: متعطليش

دينا: نزلات من الفراش ولبسات عاوتاني بانطوفتها.. غادية كتجري لبيتها جابت ليه الضحكة بديك الجرية.. دقائق قليلة ورجعات معاها رواية قصيرة باللغة الانجليزية

قيس: " شاف فالرواية ورجع شاف فيها "  الى قريتها ليك اتفهميها زعما

دينا: لا نتا اتقرى و تشرح  ليا  اشنو كيقولو

قيس: واخا الالة اجي عندي بعدا  ..

دار ايديه على بلاصتها فين كانت ناعسة  حتى طلعات ليه مخطية رجليه كتمشى على الفراش حتى وصلات لبلاصتها.. جرها حطها بين رجليه ونعسها على وسط رجليه وراسها على كرشو  وكتاب بيناتهم بجوج.. اممم قراي سمية الرواية نشوفك واش مكلخة نيت ولا مجتهدة

دينا: ههه ساهلة سميتها قيس وليلى بحال سميتك خاصك غير ليلى

قيس: وهي الصراحة خاصني هاد لِيلااا   (كيف ديما كيكسر الحرف اللول من الاسم)

دينا: انا هي ليلى ديالك

قيس: " ضحك ليها ورجع شد ايديها بين ايديه قبلها من الداخل  ومن برى قبل ميعقد حجبانو"  شكون دار ليك الصباغة لدفارك

دينا: درتها  بوحدي هي والعكر وحتى يلانير أأ زعما الايلاينر

قيس: وشكون وراهم ليك؟؟

دينا:  واش مباغيش تقرى ليا الرواية؟؟

قيس:  احم احم كان يا مكان في قديم الزمان وسالف العصر والاوان...

يالله بغا يكمل هبط راسو ليها لقاها نعسات.. كيف ديما تقول ليه قرا ليا كي يبدا بجملتو الشهيرة تنعس وشحال من مرة تقولب حتى كيوصل لنص الرواية يطل عليها يلقاها نعسات وبعد المرات كيكملها ولكن من بعد ولا حافظها..  😂😂

مد ايديه طفا الفيوز  هي فحظنو  كلا مرة يزير عليها بحالا غادي تهرب