البــــــارت 46:
على مائدة الفطور گالس هو وبنتو كياكلو فنفس الوقت كيتصفحو فالجريدة.. واخا دينا مفاهمة والو كدور عينيها على التصاور و قفات على صورة ديال ليلى حلات فمها فيها كتبقلل بعينيها.. قبل ما تدوي
دينا: بابا
قيس: اممم
دينا: كتعرف هاد الشريرة " حطات صبعها على الصورة "
قيس: لِيلى
دينا: لاااء سميتها شريرة
طوا الجورنال حطو فوق الطبلة هزها من قدامو دورها ليه يشوف وجهها
قيس: فين كتعرفيها
دينا: جات عند ماما لبارح
قيس: تنسيم!
دينا: اه و كانت باغيا تضربني
قيس: " عنقها عندو " دابا نتفاهم معاها أجي نفطرو
رجعها قدامو..
دينا: بغيت طوست بالفغوماج و أتاي
قيس: هي لولة
عطاها تفطر بداكشي لي بغات .. وهو رجع هز الجورنال كيكمل الخبر لي قرا ولي فنفس الوقت حطو حتى الحوار لي جرا بينها وبين الصحافة .. تفاجئ بمعاملتها ليهم كان كيظن اتكون فضة ومتجاوب على الاسئلة والاهم متحتارمهم صراحة فاجئتو بتصرفها وفنفس الوقت ستغرب لهضرة دينا عليها.. خوا راسو ورجع يكمل فطورو
دينا: بابا
قيس: نعام
دينا: الشريرة " ليلى " منين كتعرفها نتا
قيس: من عند ختها
دينا: شكون هي
قيس: دابا نعرفك عليها اتعجبك كتر من هاد الشريرة
دينا: مبقيتش انقرا القصة ديال ليلى وقيس
قيس: علاش
دينا: حيت قيس ديال عبلة وليلى ديال مجنونها
قيس: السبب
دينا: مبغيتش ليلى تكون ديالك
قيس: صاف الالة نقراو ديال عبلة
دينا: " بتاسمات ليه " انمشيو لبارك ياك
قيس: نمشيو
دينا: وأمين
قيس: علاش مكتقولي لأمين شرير حتى هو مكيتعامل معاك مزيان
دينا: حيت حيت
قيس: أشنو
دينا: تنسيم قالت ليا ملي نكبر انتزوز بيه
قيس: تزوجي بيه!
دينا: اه انتزوزو بزوز " كتنطق حرف الجيم بالزاي "
قيس: الله الله من امتا هادشي
دينا: من شحال هدا
قيس: لا لا نتي مبقات تيقة فيك
دينا: باااااابااااا
قيس: وانا كنقول مال بنتي ملي تفيق وهي باغيا تمشي عندو
ناض غادي و كيدوي بوحدو مخليها جامعة دمعتها فعينيها تقيصها تبكي ..
أنت تقرأ
حب بطعم مر "بالدارجة المغربية"
Mistério / Suspenseهي فكرة مني جامعة #الواقع_و_الخيال #المنطق_و_اللامنطق #الحب_و_الخيانة في آن واحد قصتي كتناول مختلف المواضيع الإجتماعية لي كتهمني أنا ونتي وهي.. ابطالها أشخاص عاديين ليسو بمتاليين لكن واحد منهم عيب هي أنانية.. متكبرة.. مغرورة.. مكتعرف...
