حب بطعم مر "بالدارجة المغربية"

البــــــارت 68

البــــــارت 68:

قيس: كنقول ليك لي ايوقع الى بغيتو راه تقدرو  بجوج بيكم تجاوزو هادشي.. فحالة مكنتيش باغياه خليه يمشي ولكن لا كان العكس شدي فيه ماشي تهربيه حيت بصح عدبتيه بما فيه الكفاية

نجلاء:  غادي نفكر فهضرتك

قيس:   ديما كنتي عاقلة ورزينة خليك كيف كنعرفك  تغلبي على مرضك متخليهش يتحكم فيك

نجلاء: انحاول

قيس: بونوي

نجلاء: تصبح على خير

دخلات لبيتها وهي كتفكر فهضرتهم .. هي كتبغيه وكيبغيها والاهم نادم على فعلتو ومكرهش فرصة تانية ووقف معاها  فشحال من حاجة..

من بعد ما عرفات بخياتنو  قال ليها  مقرب لحتى وحدة إدن داكشي لي كان محروم منو ولا عندها تعالجات من ضعفها وتقدر تلبي ليه رغبتو الجنسية اشنو لي حابسها..

يكون مرضها زعما.. نفضات افكارها وهزات تيليفونها  واخا كانت مترددة فالاول  ..

ولكن زعمات وقررات تاصل بيه على الاقل تعرف بلي مواقع ليه والو دوزات الخط بقات كتسنى مدة طويلة حتى تجاوب يالله اتقول ديك"  ألو "...

سمعات أصوات لي فحياتها كاملة مكانت متوقعة أنها  تسمعهم صدمتها دابا وفهاد اللحظة  ما يمكن يتوقعها أي واحد طاح ليها تيليفون  من إيديها  ودموعها نزلو كيتسابقو..

لسانها تعقد وحتى إيديها كتحس بيهم بداو كيرجفو بنفس الطريقة الهستيرية كاملة كترعد مدة طويلة وهي على نفس الحالة والصوت مزال كيعلا.. 

إحساس خايب لدرجة باغيا توصل لداك التيليفون  تطفيه ولكن مقادراش تحرك حتى جزء من جسدها  ..

إحساس الخدلان للمرة الالف.. إحساس الخيانة لي تطعنات بيها مرة وجوج وتلاتة ودابا مليار .. يمكن اول مرة باش عرفاتها متصدماتش  قد هاد المرة..

كتحس بالموت كتطلع ليها من بين أطراف رجليها.. الدقة ملي كتكوني متوقعاها كتجي ساهلة على هاديك لي مكتكونيش دايرة ليها  الحساب ..

هي كانت عارفا فالاول بلي قد ما صبر أيخون ولكن دابا متوقعاتش تلقا  تسرفيقة بحال هادي..

بعد مدة وهي كتحاول تحرك جسدها قدرات تهبط لتيليفون تقطع الخط ودموعها مزال غير مكيهبطو كتر وكتر..

وقفات بمشقة الانفس للمرة عاشرة وهي كتحاول رجليها مكتحس بيهم ..  حاجة وحدة كتمانها دابا هي ماماها بغات غير تحط راسها على فخادها وتنعس.. الحياة كانت قاسية معاها بزاف الموت خطفات  أعز ما عندها..

ودابا كملات بأكتر واحد كتبغيه من بعد نفسها ولما لا تكون كتبغيه كتر من نفسها هي نيت..

دخلات لحمام فتحات الما فالبانيو حتى عمر وتخشات فيه مدة طويلة وهي كتشوف الفوق وتبتاسم فالاخير نطقات بجملة وحدة قبل ما تهرب بجسدها كامل تحت الما  ..

نجلاء: أنا جايا عندك أماما..