البــــــارت 06:
نجلاء : مراااااد فيييق
مراد : "بتاسم وهو مغمض عينيه " كنت كنتسناك نتي لي تفيقيني
نجلاء : رجعنا لفشوش عاوتاني
مراد :" عض شفايفو جا فوقها كيرمش بعويناتو شعرو هابط على عينيه " نتي ديما هاكدا
نجلاء : "بغنج" كيفاش زعما
مراد : حلوة "باسها من شفايفها"
نجلاء : لبسالة لا يالله نوض لبس عليك خاص نمشيو نخدمو
مراد : فين هي بوستي ديال الصباح
"رجعاتو هو لتحت وطلعات فوقو شدات وجهوو بين ايديها هبطات بشوية باستو جنب شفايفو وجات طالعة شدها من شعرها ورجع هبطها عندو دخل معاها فقبلة عميقة كيحاول يشبع منها قدر الامكان ماهي بحالا كانت ميتة عاد رجعات حياة وولات نجلا ديال شحال هدا كي سالاو .. ناضت كتقاد فالكسوة
نجلاء : بدل حوايجك باش نوريك المفاجئة محضراها ليك
مراد : انا جاي
" زفرات ملي مشا بدا كيطلع ليها هادشي فراسها ... فتحات المجر جبدات دوك الاوراق حطاتهم فوق الطابل لاحت حداهم ستيلو... من بعد محتافظات بالظرف لي فيه صور كيوضحو خيانتو ..
كتمشي وتجي غير بوحدها باغا غير امتا تسالي هاد المسرحية وتخرج من الدار ... ماشي بزاف حتى كان واقف قدامها مأنتك على الحالة والروايح يتشمو من فين لفين والكلاص جاي معاه كتر.. هو من النوع لي كيلبس سبور بزاف "
مراد : اشنو اتوريني
نجلاء : الوراق لي قدامك قراهم وتمعن مزيان منصحكش تسرع خود راحتك فيهم
" هز حاجبو مفاهم والو وهي كيدير ليه بعينيها زعما گلس حتى هي گلسات حاطة رجل على رجل كتفرج فصدمتو راسما ابتسامة مستفزة... بحالا ماشي هي هديك لي عاد دابا كانت كتسايرو وتغنج وتحلون فالهضرة كيف بغات
مراد : اشنو هادشي واش حماقيتي
" خدات ليه الوراق من بين ايديه شاداهم عندها عارفا معندو عقل ويقدر يقطعهم خصوصا انو عندها غير هاد النسخة"
نجلاء : انا انسولك ونتا جاوبني متحاولش تكذب اك
مراد : "سرط ريقو" سولي
نجلاء : مع شحال من وحدة قتلتيني؟؟!
مراد : الصمت
نجلاء : نبدل صياغة السؤال شحال من مرة خنتيني ؟؟!
مراد : الصمت
نجلاء: اش كتجيك سيلين؟؟! "بإستهزاء" عشيقتك ياك
مراد : نتي مني...
نجلاء : "لاحت لوراق قدامو" وقع مكاين لاش تبرر او تشرح شي حاجة غير اتصغار فعيني كتر من هكدا "طلعاتو وهبطاتو"
مراد : نجل..
"جبدات الظرف لي فيه الصور ديالهم لاحتو قدامو"
نجلاء راجلي العزيز مبغيتش نضطر نسلك طريق القانون... يا اتوقع ونسدو الموضوع... يا هاد الصور ايتقدمو المحكمة بتهمة الخيانة الزوجية هي اكيد مغاديش تشد ولكن بدكائي الصحافة والاعلام ايجيبو خبار مراد العلاوي سو الله يخليك كيف تلاقينا خوت نتفارقو خوت نتا عارف وانا عارفا نتقبل اي حاجة الى الخيانة
مراد : ولبارح؟؟!
نجلاء : خديت حقي كيف ما خديتيه نتا ( ببرائة مصطنعة) درت شي حاجة مخاسش دار
مراد : "كيترعد بالاعصاب " ميمكنش نطلقو كتفهمي مستحيل
نجلاء : الكرة دابا فالملعب ديالك من الاحسن تفكر مزيان صمعة العائلة بين ايديك وبطبيعة الحال لا كنتي باغي جدي وجدك يبقاو بيناتنا وميودعوش
مراد : نتي ديالي "بالغوات" دياااااالي كتتفهميييي
نجلاء : "بالغوات" اناااا مدياااال حد دياااال راااسي الشمااااتة".. "زفرات بهدوء محاولة منها تهدن " .. وقع ولا دابا انشر الخبر فمواقع التواصل مع الدليل
مراد : وقف ولاح داك الكرسي لبعيد ولا غادي جاي فالبيت والاعصاب شادين فيه عينيه حمرين بالفقصة.. كيفاش يتطلقو مقادرش يتقبل انو ايتفارقو من بعد مظن ان علاقتهم ولا فيها بصيص الامل انها تنجح... محس الا وهو هاز ايديه حتى لفوق خاشيها فكادر تصويرة ديالهم بجوج خيدينها نهار عرسهم... ايديه ولات كتشرشر بالدم... مع ديجا كان سخون
نجلاء : تقدر توقع باليسرية ولا تبصم حسن؟ اش قلتي؟
شاف فيها بعتاب كبير بصح هو خانها ونعس مع وحدات اخرين من غيرها ولكن كتبقا هي لي ختارها تكون مراتو انانية هي طول عمرها انانية مفكراتش فيه كرجل عندو شهوة يعيا يصبر الا وغادي يتقادا.. مفكراتش بلي يكفي انه صبر طول تلت سنين.. عمرو عاتبها على اهمالها ليه ولا مبالاة بإحتياجاتو .. كان ليها هو السند هو الاخ هو الصديق فضل انو يخوي رغباتو فبنات ليل على انه يزيد يأزم مراتو كتر ويطلب منها ابسط حق من حقوقو.. الحرقة لي حاس بيها دابا عمر تنسا ليه دوقاتو مرارت الحب اضعاف السنوات لي فاتو طلعاتو لسما السابعة وفلحظة نزلاتو لتحت الارض
"دخل الحمام ضمد جرحو.. غسل وجههو كيحاول يهدن راسو... كي خرج مشافش فيها هز الوراق وقع عليهم بدون اي كلمة... سالا خبط الباب وخرج من بعد مهز الكونطاكت ديال طوموبيل اش عندو ما يقول مزال واش عندو ما يبرر ما هي عذرها اكبر من عذرو بسنوات ضوئية ولكن فالاول والاخير بجوج بيهم غالطين من راسهم لرجليهم ولكن شكون يتنازل ويقول حتى انا خطأت
أنت تقرأ
حب بطعم مر "بالدارجة المغربية"
Mistério / Suspenseهي فكرة مني جامعة #الواقع_و_الخيال #المنطق_و_اللامنطق #الحب_و_الخيانة في آن واحد قصتي كتناول مختلف المواضيع الإجتماعية لي كتهمني أنا ونتي وهي.. ابطالها أشخاص عاديين ليسو بمتاليين لكن واحد منهم عيب هي أنانية.. متكبرة.. مغرورة.. مكتعرف...
