البــــــارت 72:
ليلى: فين انا شكون نتا
قيس: انا لي اي.. "سكت قبل ميكمل" مجاتش عندك تنسيم
ليلى: "حكات عينيها بإيديها باقا مبوقة بالنعاس" لا مجاتش
قيس: تكون مشات عند نجلاء
ليلى: معرفتش فين هي!
قيس: بحالنا بحالك
ليلى: واخا انوض نقلب معاكم معندها فين تمشي
وقفات على الفراش كتجبد فراسها ناسية باش ناعسة اولا مهتماتش اصلا لحوايجها عندها عادي هادشي.. هزات شعرها جامعاه لفوق.. ولبسات بينوار عاقداه على خصرها.. مخلياه حال عينيه من وقاحتها وكيفاش كتجبد قدامو مدايرة ليه حساب بحالا هو ماشي راجل
ليلى: زيدو قدامي نقلبو عليها
قيس: تفضلي
ليلى: الى لقيتها كاينة غير فدار ومخصرين ليا نعاسي غير هداك ليلكم ميطلع فيه النهار
قيس: كتفيقي ديما هكدا !
ليلى: بحال داكشي
خرجات قدامهم غدا عند نجلا دقات الباب بشوية مجاوبتهاش عرفاتها اتكون ناعسة.. حلات عليها الباب بغاو يدخلو خنزرات فيهم
ليلى: بقاو هنايا لا تشوفو شي حاجة ماشي هادي هديك
قيس: كتر من هادشي مكنظن
" طلعاتو ونزلاتو ركزات نظرها على رجليه.. سرطات ريقها ودخلات سادة الباب من موراها مخلياهم كيتسناو .. الضو شاعل والفراش خاوي..
ليلى: فين اتكون حتى هادي
بان ليها الدوش قدامها.. دخلات تقلب فيه حتى كتصدم من لي شافت قدام عينيها.. رجليها فشلو طاحت گالسة فالارض هي غوتة وحدة وكلمة وحدة خرجاتها من فمها
ليلى: قييييييييييييييييييس
" دخل كيجري كي سمع الغوات لي يمكن وصل لگاع لي فدار.. شافها طايحة فالارض.. دور عينيه كتبان ليه تانية فالبانيو ديال الما لي ولا حمر بالدم.. هزها خرجها منو وهو كيضرب على وجهها والو مكاين حتى رد فعل.. إيديها الدم باقي كيجري منهم.. الجرأة معندوش باش يشوفها واش حية ولا مية ومباغيش يحط هاد الاحتمال.."
قيس: ليلااااااااا جيبي سوارت طوموبيل بالزربة
"شكون سمع ليه عينيها مركزين على نقطة وحدة عقلها غاب مباغياش تفكر گاع بلي اتخصر ختها.. خلاها مجبدة فالارض ومشا عندها خصر عليها تصرفيقة يالله تفيقها.."
قيس: مكاين الوقت لي نضيعو غادي تموت عاونيني وجيبي ليا السوارت واخا
"دورات عينيها ليه ورجعاتهم ليها عينيها حمارو ودموعها نزلو "
ليلى: نجلا
ناضت كتجري بلا عقل غادية دير أش قال ليها..ودموعها سابقنيها تلاقات مع باباها وماماها نازلين من الدروج مجاوبات حتى حد.. خدات كونطاكت هبطات .. لقاتو هازها خارج بيها ولوخرين موراه كيتباكاو برا.. دخلات لگاراج خرجات الطوموبيل حتى لعندو.. ايديها كتحس بيهم مدياولها .. نزلات ركبات مع نجلا اللةر وخلاتو هو يسوك
ليلى " كتضرب على وجهها" نجلا فيقي عفاك اختي فيقي
قيس: شوفي تنفسها واش كاين
ليلى: " حاطا صباعها على الجرح كتحاول تحبس الدم" معرفتش معرفتش
قيس: قربنا نوصلو نشاء الله ميوقع ليها والو
أنت تقرأ
حب بطعم مر "بالدارجة المغربية"
Gizem / Gerilimهي فكرة مني جامعة #الواقع_و_الخيال #المنطق_و_اللامنطق #الحب_و_الخيانة في آن واحد قصتي كتناول مختلف المواضيع الإجتماعية لي كتهمني أنا ونتي وهي.. ابطالها أشخاص عاديين ليسو بمتاليين لكن واحد منهم عيب هي أنانية.. متكبرة.. مغرورة.. مكتعرف...
