البــــــارت 91:
تلافتو عندها كيشوفوها غادية تجري عندها هي لخرة مكتعرف تبسح.. كيفاش اتعتقها.. قبل ميغوتو عليها تحبس كانت تلاحت فالما لي كان فايت جوج أمتار ونص .. بحال والو يموتو فيه بجوجات.. لاحت نجلاء داكشي لي فإيديها ودخلات كتجري لدار كتغوت على شي واحد يعاونها متقدرش عليهم بجوجات خصوصا كانو بعاد عليها فضلات تطلب النجدة عاد تمشي تشوف أش واقع
نجلاء: قايييييييس يوووووسف فيييينكم
"خرجو عندها من الكوزينة وعلى خصرهم طابيلية ديال الطبخ كيبتاسمو كيشوفو وجهها مخطوف قبل ميدوي شي واحد"
نجلاء: أيغرقو مكتعرفش تعوم ايخرقو سربييو
يوسف: شكون كيغرق
نجلاء:" بنفاد صبر " دينا دينا وليلى ايغرقو
قبل متكمل هضرتها خرج كيجري غادي لمسبح كتبان ليه ليلى هازا دينا معنقاها كتحاول تعتق راسها وغير مكتزيد تغرق .. قبل ميزيد يفكر تلاح كيسبح عندهم بكل جهدو خدا دينا هي لولة لي كانت مغيبة.. طلعها لفوق يالله ايرجع عند تانية مكتبان ليه فوق الما.. تلاح يوسف غطس لعمق كيقلب عليها..طلع هو لفوق عند دينا.. حط ايدو على نيفو وهو كامل كيترعد عينيه حمارو كي جغمة دم الى وقعات لبنتو شي حاجة يحماق كي لقا التنفس عندها.. فتح ليها فمها شوية باغي يدير ليها تنفس إصطناعي مرة.. وجوج وتلاتة حتى تهزات على الارض كتخرج داك الما لي شربات من نيفها وفمها..دورات وجهها عليهم كيبان ليها باباها حداها وهي تبدا تبكي كتهز وتحط غير بوحدها.. عنقها عندو كيمسح ليها على راسها..
قيس: موقع والو صاف متبكيش
" شكون يجاوبو جسدها كامل كيتهز ويتحط تجمع عليها كولشي بالخوف معرفات مدير من غير البكا بقا معنقها مدة وهي كتهز وتحط حتى تهدنات شوية.."
دينا: ليلى فين هي
قيس: دور راسو كيقلب عليها كيلقا نجلا ويوسف مجموعين عليها نساها هو گاع رجع هز راسو كتبان ليه تنسيم حداهم وأمين معنقها كيبكي تخلع من المنضر
قيس: هي بيخير
تنسيم: معرفتش
قيس: بابا بقاي مع تنسيم انا حدا ليلى واخا
تنسيم: أجي ندخلو ايضربك البرد واخا
دينا: وليلى
تنسيم: بيخير هي متخافيش
دينا: واخا يالله
أمين: ماما ليلى باقيا مغمضة عينيها وبابا كيبوسها انا شفتهم
تنسيم: غير كيفيقها حيت ناعسة
أنت تقرأ
حب بطعم مر "بالدارجة المغربية"
Misteri / Thrillerهي فكرة مني جامعة #الواقع_و_الخيال #المنطق_و_اللامنطق #الحب_و_الخيانة في آن واحد قصتي كتناول مختلف المواضيع الإجتماعية لي كتهمني أنا ونتي وهي.. ابطالها أشخاص عاديين ليسو بمتاليين لكن واحد منهم عيب هي أنانية.. متكبرة.. مغرورة.. مكتعرف...
