حب بطعم مر "بالدارجة المغربية"

البــــــارت 59

البــــــارت 59:

مراد: صوتك متهزيهش عليا  فكل مرة كنحاول نراعي ليك و نتي غير زايدة فيه  

نجلاء: متراعيش ليا لي بيني وبينك سالا  مبقاتش شي حاجة سميتها انا ونتا ولا حنا سالينا

مراد:  "هز ايدو كيمسح على حاجبو" سكتي أنجلا سكتي

نجلاء:  مساكتاش ومغاديش نسكت ومبغيتش نسكت خرج عليا

" دورات وجهها مبان ليها غير كاس ديال الما هزاتو خواتو عليه "  خررررج  عليا

مراد:  نجلا

نجلاء: أشنو

مراد:   هربي

هزات فيه راسها كيبان ليها وجهوو حمر وحجبانو معقودين مغادي تحس غير وهي غادية كتجري لحمام سادا على راسها الباب قلبها كتحس بيه أيسكت بالخلعة..

نجلاء: بلاما يسحاب ليك راسك خفت منك

هزات راسها مغمضة عينيها ملي سمعات الباب تخبط

نجلاء:  الله يعطيك موصيبة

حلات الباب كطل براسها عليه ملقاتوش خرجات كتمشي وتجي فالبيت معصبة غير بوحدها.. دخلات لدريسينغ..  بدلات حوايجها..  خدات كولون  وتيشورت ميني بوط  طايح على الكتاف وسبرديلة.. 

هبطات لقاعة لي عندهم لتحت ديال السبور خدات ليگو ديالها لبساتهم وبدات كتضرب فداك الكيس.. 

كتحاول ترتب أفكارها وفنفس الوقت تبرد الحرقة لي فقلبها متقبلاتهاش ومغاديش تقبلها أي أنتى كيف مكانت مغادي تقلب ولد يرفضها كيف مكان..  جنونها كاملين خرجاتهم فداك الكيس كتضرب بإيديها ورجليها كتعتابر أنها كتعرف الكيك بوكسين كانت هي وليلى فنادي مسجلين مع الكوتش تعلمو من عندو كيفاش يدافعو على نفسهم لا تحطو فشي موقف ديال إعتداء..  كتعيا وتاخد إستراحة وترجع تكمل فالاخير نعسات على طابي كتسترجع أنفاسها..

هزات عينيها للابيسين  لي قدامها.. ومشاهد من لبارح كيرجعو ليها كانت ناسياهم.. 

وقفاات مباغياش تزيد تفكر شي حاجة.. طلعات لبيتها..  دخلات لحمام دوشات شربات دواها ونعسات..

هكدا زادو ربعيام غير فدار .. الشركة مشات ليها مرة وحدة على حساب شي وراق خاص تسنيهم ..و مراد من داك النهار غبر مبقا كيجي..  لدار

نجلاء: واخالتي سربي أيدخلو دابا

راينا:  انا جاية

نجلاء: جدي واااا كمااااال

كمال: واش جاينين يخطبو فيك ولا شنو ابنتي تسناي

جواد: جيت جيت

أحمد: حتى انا جيت

راينا: ضروري نستقبلوهم فالباب

نجلاء: خالتي حشومة زعما نتي مولات الصواب..  هاااء جاو  كنسمع الصوت ديال الطوموبيلات انا هربت