البــــــارت 32:
نجلاء: سبق وقلت ليك موتك ايكون على ايدي..
حط رجليه فالارض باغي يوقف حس بمادة سائلة تحتهم هبط راسو ورجع هزهم فيها كتبان ليه هازة بريكة فوجهو مبعدة كتمشى بالور باغيا تخرج
مراد: لي سونس أنجلاء ؟!
" كيقرب ليها شوية بشوية "
مراد: بغيتي تأكدي لناس كاملين بلي نتي حمقة !
نجلاء: انا ماشي حمقة كتفهمممم.. عشت مرحلة خايبة من حياتي ولكن تجاوزتها وليوم كنعيش حياتي عادي وبكل أريحية
مراد: ولكن تصرفاتك مكيقولو هادشي
"جاي عندها بالشوية فنفس الوقت ملاهيها بالهضرة حتى شد ليها ايديها مزير على صباعها شاد ليها البريكة بيهم "
مراد: باغيا تولي قتالة !
نجلاء: نولي
مراد: أترتاحي
نجلاء: لارد
مراد: " بالغوات " دوووووي واش اترتاحي
نجلاء: ماشي سوووقك
مراد: ماشي سوقي!
نجلاء: اه
مراد: " شد فإيديها فاتحها ليا " كملي اش بديتي ياللله
نجلاء: " سرطارت ريقها " شنو
مراد: قتليني
سرطات ريقها. ايديها بداو كيترعدو وخطورة الموقف او الفعل لي كانت اتقوم به بدون وعي بدا كيبان.. معرفاتش عقلها اش قال ليها حتى فكرات تحرقو ايييه ها ماماها ماتت باباها هاملها.. يموت حتى هو! اشمن حياة اتبقا ليها.. فعمق أفكارها قاطعها كلامو لي عتابرات راسها بحالا كانت فغيبوبة.. كلامو هو لي كيفيق فيها والاهم كيفيق ضميرها.. لاحتها بعيد عليها ايديها كتحس بيهم متابتينش هما ورجليها كلها كتشطح غير بوحدها معرفاتها خلعة اولا صدمة..
نجلاء: منقدرررررررش
جات هاربة من البيت و من دار كاملة.. جرها من كتافها خابطها فصدرو إيديها مور ظهرو مزال كيترعدو
مراد: " بهمس " فين غادية
نجلاء: بعد عليا
مراد: علاش جيتي ملي اترجعي هاكدا
نجلاء: " بصوت منغنغ حابسة البكية " باركة بغيت نمشي
مراد: "عنقها مزير عليها" شوش تهدني بعدا كاملك كترعدي
نجلاء: كنكرهك
مراد: " همس فودنيها " حتى انا كنبغيك
"سكتات دقائق بينما خدات نفس وجمعات الكلمات فحلقها هزات راسها فيه .. "
نجلاء: اشنو نهاية قصتنا الطلاق وطلقنا علاش مباغياش تسالي؟!
مراد: معندها لا نهاية لا بداية اتبقا هاكدا غامضة موضحاش والاهم مسمومة
نجلاء: " بإنكسار " العلاقات السامة كتأدي صحابها
مراد: معنديش مشكل نعاني حياتي كاملة
"عقدات حواجبها كي تفكرات انها خلات وحدة اخرى ناعسة من مور غرفة بعد هادي غمضات عينيها لتواني ورجعات فتحاتهم "
نجلاء: أنا عندي المشكل
جات باغيا تبعد عليه رجع زير عليها هبط راسو لودنها وقال بصوت كيبورش ..
مراد: مقصتهاش.. مقصت حتى وحدة اخرى من غيرك
" بعدات راسها من عليه بحركة لا إرادية.. وهزاتو فيه كتشوف فعينيه بحالا كتقلب على الصدق فيهم.. باغيا تصدق كلامو وفنفس الوقت باغيا تبعد معرفاتش أشمن حب هدا لي كيخليها ضعيفة لدرجة كتقلب على ابسط كلمة تخليها تيق فيه ولو تكون كدوب مستعدة تيقها.. وفعلا لقات الصدق فعينيه زعما يكون ندم! ولكن علاش مقالش ليها سمحيليا يمكن عارف بلي الكلام مكيفيد فوالو ولكن لو كان قالها كانت تسمح ليه ! بهاد السهولة؟! - السؤال لي تعاود بزاف فراسها فكرات فيه لتواني لقات بلي معندهاش جواب حبها ليه ذلها لدرجة جواب لسؤال بسيط ملقاتوش
مدام ترددات فأكيد إحتمال كبير أنها تسمح ليه.. فين هي كرامتها؟! فين كبريائها؟! وجودها معاه كيشكل خطر عليها مبغاتش تضعف كيف كلا مرة يكفي أخر موقف صداتو إءن متجيش دابا وتخسر كولشي خاصها تحافظ على موقفها كيف مكان الحال مكيهمش لي خان مرة يخون عشرة أنت على دمتو ونعس مع بزاف.. كيفاش دابا لي مكيجمعك بيه والو مغادي يخون فيقي انجلا فيقي كيلعب بيك كيف بغا ونتي المذلولة حالة فمك بكلمة خصر ليك توازنك كامل واش هدا حب ولا ذل يارب راني كنتعدب حيد حبو من قلبي عيييت بزاف مبقيتش قادرة نتحمل
غمضات عوتاني عينيها مزيرة عليهم تحاول تلملم نفسها قبل متغلط كتر ماشي وقت الضعف دابا.. حلاتهم محاولة تشبع عينيها من الشوفة فيه.. قبل ما يغمضهم هو ويحط شفايفو على شفايفها بلا حركة حتى واحد فيهم ممانع هي غير جرعة ليهم بجوج باغين ياخدوها باش يقدرو يعيشو كتر ماشي بزاف وبعدات عليه عاطياه بالظهر ماسحة دمعة نازلة ليها تابعينها بزاف منهم
أنت تقرأ
حب بطعم مر "بالدارجة المغربية"
Gizem / Gerilimهي فكرة مني جامعة #الواقع_و_الخيال #المنطق_و_اللامنطق #الحب_و_الخيانة في آن واحد قصتي كتناول مختلف المواضيع الإجتماعية لي كتهمني أنا ونتي وهي.. ابطالها أشخاص عاديين ليسو بمتاليين لكن واحد منهم عيب هي أنانية.. متكبرة.. مغرورة.. مكتعرف...
