حب بطعم مر "بالدارجة المغربية"

البــــــارت 04

البــــــارت 04:

بعد يوم متعب من اجتماع لإجتماع وأخيرا قدرات تلقا راحة خصوصا وانها من نهار دفنو الام ديالها مزارتهاش ليوم كان نقطة تحول بالنسبة ليها ليوم اتدير بالهضرة لي كانت كتسمع هادي تلت سنين بكات وشكات ونعسات على قبرها حتى فشات گاع داكشي لي كانت كتحسو ..

وهاهي وسط دارها كي رجعات طلعات لغرفة نومها بدلات حوايجها ديماكيات وجهها جمعات شعرها على شكل گرينات وخرجات لبالكو تشم الهوى ... صونات لبنات لي لتحت يطلعو ليها سلاد دو فغوي كتحس براسها اتموت بالجوع مكلات والو هاد النهار من غير ديك القهوة لي شربات فصباح طلبات غير سلاد بين ما تجمعات العائلة تهبط تعشا معاهم ...

وسط سهوتها كتحس بواحد معنقها من كتافها خاشي وجهو فعنقها كيستنشق ريحتها...

غمضات عينيها مزيرة على شفايفها مخلياه يدير ما بغا.. گلس حداها بعد ما دور وجهها عندو شدو بإيديه كيشوف فيها بإعجاب كبير... كيحماق عليها ملي كتكون طبيعية بلا صباغة... وزيد عليها الگرينات لي دايرا حمقوه رجعوها فعينيه نجلا ديال شحال هدا والكوميبنيزو لي لابسة جات مواتياها كتر من لقياس صدرها معصور فدار تيشورط باغي ينقز لعندو عنقها لي طويل كيبان ليه بوضوح هو والفلقة ديال صدرها ... تنهد مبغاش يزيد يهبط عينيه كتر باش متلفوش كتر من هكدا...

ضحكات بإستهزاء من عينيه فهماتو معدب... دوراتها فعقلها مزيان وگالت علاش لا متعيشوش ليلة ولا فالاحلام والغد ليه تصدمو بالواقع وكيف مكان مستحيل تخلي زواجهم يسالي بلاما يعرف اش غادي يخصر من بين إيديه..

وهكدا متبقاش فييرج ويزيد يتعدب كتر حيت اطوماتيكمو البنت فاش كتطلق من راجلها وهي ماشي عزبة كيشوف كترة الدخول والخروج عقلو كيمشي ليها نيشان...

نجلا فكرات هكدا حيت واخا يطلقو هي مستحيل تخليه يتهنى ويعيش مزيان وعلاش لا تزوج مرة اخرى وتستاقر مع راجلها فالدار ماهو كيف ماهي دارو راه دارها ..

هادشي فاش عقلها فكر.. بتاسمات ليه بخبث وهي تهز إيديها كتدوزها على لحيتو بحنان وتشوف فيه ببراءة متصنعة...

نجلاء : مال حبيبي

"غير كيتنهد وهو كيشوف ويسمع نطق بهمس"

مراد: بغييتك

"عضات على شفايفها وقربات لودنو همسات ليه"

نجلاء : حتى انا

"ختماتها بعضة من ودنو وبعدات باستو جنب شفايفو"

مراد:يالله ايقرب وجهو ينقض على شفايفها بعداتو ووقفات

نجلا: من لبارح مطاحت الدغمة ففمي خلينا غير نتعشاو

مراد : هز راسو موافق على طلبها