حب بطعم مر "بالدارجة المغربية"

البــــــارت 29

البــــــارت 29:

فالكوزينا كتقاد العشاء مع الخدمات وفنفس الوقت  گالسة معاها سيلين  هزات راسها ملي سمعات تيليفون كيصوني.. مسحات ايديها ومشات ليه كي قرات السمية بتاسمات وجاوبات بالزربة  دارت الاوط باغلوغ ورجعاات تكمل شغالها

ليلى  : ماما توحشتتتتك

رانيا:  حتى انا امتا اتجيو خلاص الدار خوات بلا بيكم

نجلاء: فالقريب

رانيا:  نجلا كتشربي دواك ياك

نجلاء:  وصاف اخالتي مكفاكش كلا نهار كتصوني تفكريني فيه  راني مناسياهش

ليلى: ماما عاودي لينا  كاين الجديد عندكم؟

رانيا  : اش ايكون والو

ليلى: زعما مراد الحالة ديالو كي دايرة

رانيا: خلي داك الجمل راگد 

  نجلا خنزرات فليلى يالله اتدوي  سمعات لي خلاها تحل فمها على وسعو..

سيلين كانت گالسة حدا رانيا وكتسنط لمكالمة كاملة ستغلات سيرة مراد لي مفتوحة وكي بان ليه دخل لدار  داز من حدا الكوزينة غادي لدروج اكيد لبيتو عيطات ليه

سيلين:   مغاااااد شيغييييي اطط

بتاسمات بإستهزاء وناضت كتجري فرحانة بهاد النصر لي دارت وفنفس الوقت هربات من نظرات رانيا لي عرفاتهم ايكونو باغين ياكلوها مشات لصقات فكتافو طالعة معاه فالدروج قبل ميحيد ليها ايديها من كتافو ويلصقها مع الحيط

مراد: فعايل القحاب فتناهم شحال هدا " صغر عينيه فيها " كنظن نتي ذكية كفاية باش تعرفي بلي گلاسك هنا الا باش تكوني تحت عينين هاد الناس كاملين اولا!

سيلين: "  عضات شفايفها بألم وزادت وسعات بتاسمتها "  ملي ورينا وراقنا لبعضياتنا نحب نخبرك بلي الولد ولدك واخا دير مليون تحليل " مع غمزة " 

مراد:  واتقة من راسك

سيلين: أكيد

تخطاها وطلع  الى دار فيها راسو  يلوحها من داك الدروج.. حتى هي مكانت من العاگزين  تبعاتو باغياه يتعصب ويجي عليها المهم تخرج من الدار فأي طريقة وعلاش لا يضربها ويطيح ليها داكشي لي فكرشها كيف ما كان الحال ميت ميت هادشي لي كان كيدور فعقلها.. وقفات عن الباب ملي تخبط فوجهها.. بتاسمات كي عادتها خاصها تستاغل فرصة عصبيتو  وتوصل لي بغات.. رجعات فتحاتو هاد المرة بلا مدير الحس.. طلات براسها لقاتو خاشي وجهو فالفراش ناعس على كرشو ومن الفوق عريان دخلات كتسلت گلسات فالجنب ديالو.. كدوز اطراف صباعها على ظهرو قبل متنطق..

سيلين:   ملي كتبغبيها لاش تخونها اش نعتابرو خيانتك مرض اولا عقلية ذكورية!  اشنو فرأيك؟

مراد:  "تحت سنانو"  خرجي

سيلين:   اك اك Ί ùήȡέŕşţάήȡ, Ί мίşş ħέŕ   "فهمت توحشتيها"

مراد:   خرجيييييي

سيلين: يعني هو ليش الرجال بخونو لما يكونو كيبغيو حد معين مفهمت ممكن تشرح ليا

مراد: الصمت

سيلين: يعني معقول مراتك مكتشبع رغباتك   الصراحة Ί'м şόŕŕч ғόŕ чόù "حزنت عليك"   ولكن انا موجودة لهاد السبب يعني لا تحزن هههه

مراد:   فين باغيا توصلي !؟

سيلين: بغيت نوصل ليك نتا ووصلت ليك يعني ما في شي مهم الان

  "فلحظة تقلب من على الفراش وناض حط ايديه على عنقها  ولكن ممزيرش بزاف" 

مراد :  اشنو كيدور فراسك!

سيلين: بغيت نخرج من هاد الدار ومن عائلتك تخنقت

مراد:  هنا گلاسك حتى ندير  ΆȡΉ

سيلين: على اساس لا بقيت  فداري  مغادي يتعرف شكون باه

مراد:  كاين فرق تگلسي فدارك وانا معارف عليك والو و تگلسي هنا قدام عيني

سيلين: خنقتيني صاف حيد اييديك انا خارجة

مراد: سدي من مراك الباب ولاباقا وصلتي لهاد البيت رجليك نهرسهم ليك