حب بطعم مر "بالدارجة المغربية"

البــــــارت 15

البــــــارت 15:

مسافة طريق كان قدام لاباغطومو ديالها كي وصل طلع كيجري لقا الباب  مفتوح دخل يالله ايزيد خطوة كتبان ليه فالارض مكمشة على وضعية جنين كتنين بصوت ضغيف والدم تحتها نازل ..  معرف كيفاش هزها وغادي لأقرب اوبيطال

مسافة طريق .. نزل كيغوت على ليزانغيميغ لي عندهم حراسة ليلية دخلوها مباشرة لمستعجلات وهاهو كيتسنى على نار..  غادي جاي فالكولوار  من بعد مدة مطويلاش خرج عندو الدكتور لي اشرف على حالتها

الدكتور:   مكاين لاش تخاف المدام ولات بيخير  حتى الجنين بيخير غير هو خاصها الراحة التامة خصوصا وان الحمل باقي مستاقر يالله فالاشهر الاولى

مراد:  شكرا ادكتور نقدر نشوفها

الدكتور:  بالطبع،  غادي ناخدوها لغرفة عادية وشوفها غير هو واحد  ساعين  بين ما سالا السيروم  وتقدر تخرج بالشفاء

وما ليه مراد براسو وتسنا حتى خرجوها عاد مشا  معاها لغرفة لي حولوها ليها تنهد وكلس فوق فوطوي حداها مغمض عينيه راسو كيحس بيه ايطرطق..

  كيبغي وحدة ووحدة اخرى حاملة منو لي لدابا باقي معرف كيفاش دارتها ليها.. وحتى علاقتو بيها مطويلاش.. ديما كان حارس على الموضوع  ومكيمارس حتى كيشوفها خدات مانع الحمل قدام عينيه وحتى هو كيكون داير احتياط .. والاهم معارف اش غادي يدير بهاد لبيبي وحتى الام ديالو   ميقدرش يتزوج بيها ويعيشو حياة طبيعية وفنفس الوقت ميقدرش يقتل ولدو من لحمو ودمو

خدمتو ولا هاملها فهاد الاواخر مبقا كيمشي لشركة بزاف ..  شوية ديال الوقت  بدات كتفتح فعينيها وتحاول تعرف فين هي غير عقلات على راسها واشنو اخر حاجة وقعات ليها بدات كتبكي  شافها زفر نفس سخون وناض عندها

مراد:   شوووش مواقع والو نتي بيخير وحتى لبيبي بيخير تهدني

سيلين:  هيء هيء واش بصح

مراد:   غير تهدني كي وقع بعدا حتى نزفتي؟!

سيلين:   كنت كنجمع دار هيء هيء و بغيت نبدل الريدوات وانا نطيح  من الكرسي صونيت ليك

مراد:  نتي حاملة اش داك لشي ميناج بحالا مولفة تديريه

سيلين:  صاف متغوتش عليا باش عرفت ايوقع هادشي 

مراد:   تهدني ويالله نديك لبلاصة لي اترتاحي فيها

سيلين:  فين؟؟ 

مراد :   غادي تگلسي معانا فدار مع الوليدة هي لي اترد ليك البال
ك
سيلين :  صاف واخا

عونها وقفات وحيت حوايجها كانو توسخو خرجها بلبسة ديال الاوبيطال فوقها قبيتو..  كي وصل لدار طلعها لبيت ضياف خلاها ترتاح.. ومشا هو لبيتو دخل  نيشان لفراشو بلاما حتى يحيد صباطو ولا يبدل حوايجو  خشا وجهو وسطو  كيقلب على ريحتها كي لقاها فوسادتها غطس راسو فيها ونعس عليها  ..  عيان بزاف كي لقا ريحتها طاحت عليه الراحة مكملات حتى خمسة دقايق نعس 

وهكدا دازت ليلة هازة معاها هموم ناس كتيرة فإنتظار  غد افضل