حب بطعم مر "بالدارجة المغربية"

البــــــارت 41

البــــــارت 41:

فبيتها من الصباح مخرجات منو دوات مع طبيبها خدات موعد لغد ليه أساسا كانت كتدوي معاه كلا نهار وكيسولها على نهارها كيف داز  وفنفس الوقت هو الصديق لي كتخوي عليه همها بلاما تخاف منو لأن كاينة حاجة سميتها "سرية المريض..  كتقول ليه أشنو دارت و فاش كتفكر  ولكن بدون ما يتدخل ولا يعطيها شي  نصيحة  باش ميأتر عليها وهكدا ايكون الكشف صحيح..  كي قطعات معاه  خدات صورة ماماها لي مزال لدابا باقيا  كية فقلبها فحياتها مغادي تقبل موتها..  احساسها داير بلا بيها بحال مرض السرطان كلا مرة كياكل شوية بشوية من ذاتها  حتى يجي أجلها.. 

معارفاش أشنو دير.. كانت فين ما ديق بيها تمشي تنعس على رجليها وتبكي عليها..  كانت  حنينة فيها بزاف..  بجوجات كانو هما الاولين والاخرين عند والديهم..  عارفين معنى ميكون عندك لا أخ لا أخت معوضوين بعضياتهم على هاد النقص واخا رانيا ونهى لوسات و كانو قرابات الى ان رانيا عندها ختها وخوها من والديها يعني مغادي تحس بيها..

خدات صورتها بين إيديها كتبكي وتضحك معاها بحالا راها قدامها..

نجلاء:   معرفاش أشنو  ندير مشكلتي كنبغيه بزاف ولكن  مكنتيقيش فيه..  ونتي عارفة التقة هي أساس اي علاقة..  روحي كضرني بزاف مغاديش نقدر نسمح ليه..  مبادئي مكيسمحو ليا..  شكون  قال ليا ها أنا بديت معاه صفحة جديدة غدا ميعاود نفس التصرف نتي عارفة  الى دارها ايكون قضا عليا بصفة نهائية.. حتى حاجة مغادي يبقا عندها معنى أنموت ديك ساعة أنموت ديال بصح..  الى تنازلت على  وسامحت وتطعنت مرة تانية بنفس الطريقة  مغادي نقدر نكمل..  "تسطحات على فراشها كتشوف فالسقف وصورة ماماها فوق صدرها كتمسح عينيها  من الدموع"  مغاديش نرجعو كيف كنا   لي تهرس مكيرجع يتقاد وانا قلبي  تهرس بزاف..  مراعاش ليا ولمشاعري بغيت  نحيد هاد القلب لي مطيح عليا الذل بغيت نحيدو من حياتي ولكن  مغادي نقدر لوكان واحد بعيد كان ممكن ولكن راه هو لي بدل ليا ليكوش ملي كنت صغيرة هو لي جاب ليا اولويز فأول مرة لي جاوني لي غيگل هو لي باسني اول واحد هو لي رشمني لول.. كيفاش نسا هادشي كامل ونحيدو من قلبي ..  أنا عييييت بزاف من التفكير خاصني شي حاجة نخوي بيها راسي بعد مدة من التفكيرهزات راسها لسما

نجلاء:  ياربي لما سمح ليا ولكن هادي أخر مرة عرفت راسي ديما كنقولها ولكن هادي لخرى صاف 

ناضت من فراشها مسحات دموعها..  مشات لحمام غسلات وجهها قادات ميكاب  ليلي مع غوجاليفغ حمر كومبينيزو فالكوير الگري مع سانتيغ ماركات بيها لطاي حد الفخاض..  ليبوط فوق الركبة فالكحل..  شعرها خلاتو على طبيعتو فاش نشف تنفخ شوية وتبوكلا عجبها بديك الطريقة كيبان فيه الفوليم..  هزات بوشيط فالكري..  وخرجاات من البيت هابطة لتحت بانو ليها مجموعين على العشا..  بتاسمات ليهم ومشات باست باباها

نجلاء:  مغادي تمشي ياك! 

عماد:  لا غير تهناي

نجلاء  :   كنبغيك أنا  "هزات راسها ليهم كاملين"  happy evening امسية سعيدة 

" مراد غاض حنكو من الداخل كيتسنا شي واحد يدوي ويسولها فين  غادية بهاد الحالة يالله ايدوي سبقو جدو  ... "