البــــــارت 07:
على طابلة گالسة كتاكل بهدوء حتى كسر الصمت
احمد : نجلا بنتي واقع شي مشكل بينك نتي و مراد
نجلاء : عمي انا ومراد طلقنا
احمد : "بصدمة" كنت كنظن انو سوء تفاهم ميوصلش لطلاق ؟؟؟ اشنو وقع ابنتي عاودي ليا
نجلاء :" شدات ايديه باستهم بإبتسامة" مسيو احمد مكاين لاش تعمر راسك بينا متخافش انا عارفا اش كندير
احمد : "نوعا ما فهم انو كتحاول تعاقبو على شي خطأ" الله يرضي عليك ابنتي
نجلاء : نخليكم دابا خاصني نمشي لخدمة
احمد : كاين اجتماع مجلس الادارة ياك
نجلاء :غادي تمشي معايا
احمد : توحشت الخدمة
رانيا : "بغنج" انا لمن اتخليني كنت طامعة نخرجو بجوج
احمد : غير سيري ابنتي انا خاصني ندير الخاطر لمدام
نجلاء : هههههه واخا اعمي
بتاسمات ليهم وهزات البوشيط ديالها من فوق الطابلة غادا كتمشى بشموخ كيف عادتها كانها كتگول لعالم كاينا نجلا من بعد ماماها لأنو نفس النفخة ونفس المشية حتى الطولة ... هزات لوطو ديالها الوجهة لشركة
مسافة الطريق كانت فالشركة بلاصات اللوطو فالباركينغ هبطات وهي هازا نيفها لسما... لدرجة حتى وحدة فالشركة كتحملها... تعجرفها ونظراتها كيحسو بيهم على انها كتستحقرهم وتنقص منهم وهادشي بالذات لي كان مع نهى فاش خدمات مع عماد...
... فطريقها لمكتبها لي لاسق مع ديال طليقها كيفصل بيناتهم غير حائط من زجاج لأنو تقريبا گاع المكاتب لي كاينين فالشركة على هاد الشكل... قالت ليها سكريتيرة انو عندها ضيف... بتاسمات حيت عرفاتو ايكون غير هو ضورات وجهها بلاما تعيق بان ليها مراد جاي وعاقدهم... دوات بنبرة صوت مسموعة
نجلاء : جيبي ليا جوج كيسان القهوة دابا
السكريتيرة : اك مدام
نجلاء : مدموزيل من ليوم قولي ليا مدموزيل " شافت فمراد لي وقف عليهم" ولا لا اخويا
مراد: نجلاااااا
نجلاء : الضيف ديالي كيتسناني نتلقاو من دابا "شافت فساعة لي فإديها" نص ساعة
فتحات باب المكتب وخبطاتو بالجهد ضد فيه دخلات بان ليها قدامها... هي و قيس صحاب بزاف كان كيقرا مع مراد ايامات تانوي كاملة.. مراد مكانش علاقتو بيه مزيانة بحكم بحوج كان مستواهم قريب بزاف لبعضياتهم من ناحية القراية وهادشي لي حتى واحد فيهم مكان باغيه كلا واحد باغي يكون حسن من التاني دازت هاديك الفترة وخداو الباك ديالهم ... مشا عاش قيس فترة فتركيا بحكم جنسية الام ديالو تركية كانت كتعاني من سرطان التدي ولكن الحمد لله قدرات تشافا .. نقاطعات الهضرة بيناتهم هو ونجلا لي كانت اي دري كيقرا مع مراد كتربط معاه علاقة صداقة بشي طريقة.. حتى صونا ليها ايامات قليلة دابا عاد رجعو كيتواصلو وهو لي كلفاتو بالمهمة باش يصور مراد... لأنو مكتيق فحتى راجل خدام عندهم وعارفا ايبيعوها ليه بسهولة وعمر كانت اتاخد دوك تصاور وبما انها زاعمة عليه وعشرة نيت صونات ليه يكلف واحد من رجالو يتبعو وياخد ليه صور يصيفطهم ليه وهو يرجع يسيفطم لنجلاء ...
بتاسمات ليه ومشات گلسات قدامو
نجلاء : فكرتي فهضرتي
قيس : واخا نكون مكلخ منرفض عرض من طرف العلاوي
نجلاء : غادي نكونو شراكة فالمشروع ديال اطفال المتخلى عندهم ... انا منخارطة فعدة جمعيات... ولكن الفلوس مكافياش خاص بزاف ديال الخدمة والاهم يتبناو خريات على الاقل وحدة فكل مدينة
قيس : غادي نمشيو لمغرب ياك
نجلاء : بغيت نعاون بلادي بشي حاجة من غير الفلوس
قيس : حتى انا توحشت البلاد نديروها حجة وزيارة
نجلاء : واخا ولكن كاينة معانا متطوعة اخرى
قيس : مرحبا بيها شكون هادي
نجلاء : بنت خالتي رانيا.. عاودت ليها على البروجي وقالت ليا اتعاوننا عندها خبرة فهاد الموضوع بحكم انها ممتلة فطبيعي تبان فأعمال خيرية باش تلمع الصورة ديالها
قيس : امممم خت مراد ياك
نجلاء : علاش انا عندي جوج خالات مهم دابا تابعني اجتماع
قيس : امتا انمشيو لمغرب
نجلاء : تقريبا من دابا شهر نيت تكمل ليلى المسلسل لي كتصور
قيس : اممم اك باش نشوف الوالدة قبل منسافر
نجلاء : العجب شحال هدا ونتا فتركيا مع ليلى ومعمر جمعاتكم شي صدفة تلاقاو بحكم دومين ديالك قريب ليها هادي مفهمتهاش
قيس : عندي شركة انتاج ولكن مكنديرهاش انا داخل غير بالفلوس مستتمرهم فيها وصاف حتى خدمتي فالادارة ممدخل راسي فصداع الممتلين
وغيرهم كاين لي كيختار طاقم العمل كامل.. اما الخدمة الاصلية مهندس.. حتى نتي شحال هدا كان عندك طمووح انك تولي من الشرطة العلمية اش وقع دابا تنازلتي على حلمك
نجلاء : وايييه مهم هو دابا انا نجلا العلاوي الفام دافيغ ياك جايا معايا بعدا
قيس : بنت العلاوي كيجي معاها كولشي
"وقفو بجوج باسها من خدها من بعد ما قال ليها تسلم على العائلة كاملة بحكم كتجمع صداقة مابين عائلة العلاوي والايوبي ومشا بحالاتو"
رجعات هي لبيروها جبدات غوجاليفغ كتقادو على شفايفها الاجتماع مبقا ليه الا 5 دقائق ويبدا... هزات عينيها فاش حسات بالباب تفتح وتسد بالجهد
أنت تقرأ
حب بطعم مر "بالدارجة المغربية"
Mistério / Suspenseهي فكرة مني جامعة #الواقع_و_الخيال #المنطق_و_اللامنطق #الحب_و_الخيانة في آن واحد قصتي كتناول مختلف المواضيع الإجتماعية لي كتهمني أنا ونتي وهي.. ابطالها أشخاص عاديين ليسو بمتاليين لكن واحد منهم عيب هي أنانية.. متكبرة.. مغرورة.. مكتعرف...
