البــــــارت 28:
سالاو فطورهم ورجعو لدار اليوم مكانت ليلى خدامة
ليلى: كون غير دوزنا النهار معاه
نجلاء: قيس مغادي يصلاح ليك غير گلسي
ليلى: يحسن ليه الشرف انا نشوف فيه
شداتها من ايديها گلسات حداها ودوات بجدية
نجلاء: نتي ختي وغادي نبغي ليك غير الخير عارفاها ياك
ليلى: عارفا
نجلاء: ايوا متأمليش قيس ماشي من داك النوع
ليلى: كيفاش!
نجلاء: ماشي من النوع لي كيدير علاقات بزاف وماشي من النوع لي متفتح وماشي من نوع لي يخلي مراتو تعرا و... خلاصة ماشي من النوع ديالو نتي
ليلى: ولكن انا..
نجلاء: معجبة بيه!
ليلى: ماشي لديك الدرجة نتي عارفاني كنبغي غير ندوز الوقت وصاف وانا مغادي نبغي نضيع الكريار ديالي انا يالله بديت مزال موصلت لوالو اكيد مغاديش نفكر فالزواج والاستقرار انا صغيرة بزاف
نجلاء: داك شي علاش كندوي معاك الحياة طويلة قدامك والف واحد يتمناك ولكن متمنايش قيس اتبكي بزاف أليلى هو مغاديش يشوف فيك نظرة خايبة ومغاديش يستاغلك ولكن مغادي يكون ليك
ليلى: شكون فكر فشي إرتباط ولا غيرو انا غير..
نجلاء: مبغيتش تبريرات انا مبغياش هاد العينين يبكيو عارفاك مغادي تحملي
ليلى: واخا فهمت
نجلاء: يالله تلاحي عليا اش بان ليك ندويو مع تنسيم ملي جيت مدويت معاها نتي كتشوفيها
ليلى: الصراحة لا من شحال هدا ولكن من قبل كانت كتقول علاقتها مع يوسف متوترة هاد الفترة وكتفكر فالطلاق
نجلاء: ايولي اش وقع شفت كولشي كيفكر فالطلاق هاد الايام باراكا غير أنا
ليلى: بلاتي اري تيليفونك نصوني عليها ديالي طافي
نجلاء: لهيه هزيه
ناضت تاخدو فتحات الساك حتى كتشوف لي ايخليها تستغرب
ليلى: نجلااا
نجلاء: اشنو
ليلى: اشنو هو هاد Aphrofem
نجلاء: دوايا
ليلى: ماشي ديال الاكتئاب اول مرة نشوفو عندك
نجلاء: كنستعملو لحاجة اخرى ماشي لإكتئاب سيفطناك تجيبي تيليفون لصقتي على الدوا وا بنتي انا تعالجت منو
ليلى: تعالجتي ولكن وليتي مزاجية بلا قياس طبيب ديالك التيتيز امتا اتمشي عندو باقي متبع حالتك!
نجلاء: يارب الصبر، اش دخلك جيبي تيليفون نعرفو البنت مالها غابرة كانت موالفة تدوي معايا ديما
ليلى: اوووف هاكي
نجلاء: على السلامة
شداتو بين ايديها كدوز فنمرتها كتسمع الخط كيتقطع عاوداتها بزاف المرات فالاخير زفرات بضيف ورجعات حاولات حتى كتلقا التيليفون طفا
نجلاء: واقعة شي حاجة ؟!
ليلى: مالك!
نجلاء: كتقطع عليا فالاخير طفات تيليفون
ليلى: نمشيو عندها
نجلاء: لا خلي حتى لغدا
ليلى: اك اش بان ليك نصونيو لماما
نجلاء : لي بغيتي
أنت تقرأ
حب بطعم مر "بالدارجة المغربية"
Детектив / Триллерهي فكرة مني جامعة #الواقع_و_الخيال #المنطق_و_اللامنطق #الحب_و_الخيانة في آن واحد قصتي كتناول مختلف المواضيع الإجتماعية لي كتهمني أنا ونتي وهي.. ابطالها أشخاص عاديين ليسو بمتاليين لكن واحد منهم عيب هي أنانية.. متكبرة.. مغرورة.. مكتعرف...
