حب بطعم مر "بالدارجة المغربية"

البــــــارت 100

البــــــارت 100:

تحطو لي فاليز فطوموبيلات  وگلسو فطرو أخر فطور ليهم مجموعين شحال هدا كانت كتغبر ليلى ولكن كتبقا نجلا ومراد ودابا حتى ولفو الجماعة يال تنسيم ويوسف وقيس ودينا وأمين غادين يخليهم ويمشيو..  رانيا تعنق وتبكي فهاد الفترة القصيرة لي گلسو معاهم عتابراتهم ولادها كاملين مقدرات تسنتغنا على حتى حد ولكن أش دير هادي سنة الحياة  ..  ومن لول كانت عارفا بلي ولادها مغادي يگلسو معاها عمرهم كامل..  ببكاها بكات حتى البنات لي كيعنقو فيها ويمسحو ليها دموعها ودموعهم معاها..  مسكتوها غير بالكشايف..  باست ايدين جدودها لي حتى هو باين عليهم الحزن  ..  عنقات عمها وباباها وقالت

نجلاء:  كنت باغيا نجي نسكن معاك ولكن مكتابش

عماد:   نقادو أمور ديال  الشركة ونجيو عندكم

نجلاء:  هدا هو النهار الكبير

عماد:  تهلاي فراسك ابنتي واخا

نجلاء:  حتى نتا ابابا راك بوحدك لي بقيتي ليا

ليلى: بسلامة عليكم

يوسف:  تشرفت بمعرفتكم

كمال: حتى حنا اوليدي خليوها تكون ماشي أخر مرة

يوسف: إنشاء الله الحاج

ليلى: " مشات عند باباها معنقاه " تهلا فراسك وشرب  دواك واخا

أحمد:  واخا ابنتي غير  هو خوك شاطني

ليلى: مراد راجل   ايكون طفا تيليفون باغي يرتاح نتا ديها غير فراسك  

راينا: دوي معاه اليلى راه مكيعطي لراسو الراحة

ليلى:  سمع من ماما على قبلي انا وياها وداك الحمار فين ما كان راه قاد براسو 

رانيا: سيرو ابنتي اتعطلو

ليلى: " رجعات عنقاتهم بجوج " كنبغيكم بزااف

راينا: حتى حنا

بعد توديعات الجميع ركبو فالطوموبيلات الوجهة لمطار بعد الاجراءات روتينية طلعو الطيارة كلا واحد خدا المكان المناسب ليه..

ليلى: ملقيتو شكون تگلس معايا

تنسيم: يحسن ليك الشراف

ليلى:  قلت ليك وليتي لزجة ومتيقتينش  باغدوووو

المظيفة: yes

ليلى:  نقدر نبدل بلاصتي

المظيفة: مكاين حتى كرسي خاوي كنعتاذر

يوسف : نتبدل معاك  انا

ليلى: ها مكرهتش ولكن غير خليك

قيس: مباغياش تگلسي حدايا

ليلى: لا غير هو بجوج بيكم مكنستحملكم

نجلاء: هنينا ونتي فين مامشيتي دايرة الشوهة

مسافة طريق طويلة تحطات الطائرة الاراضي المغريبة بالضبظ العاصمة الاقتصادية الدار البيضاء لقاو طوموبيلاتهم كيسناو فالمطار  وحدين اخرين ماشي هدوك لي مشاو بيهم من واشنطن لمطار ديالها

نجلاء: كي خرجات خداات نفس عميق

سنان: الوجهة

نجلاء:  خليها تكون لجامع  الحسن تاني

سنان: تفضلي مدموزيل

نجلاء: شكرا من ذوقك

ركبو الكل فطموموبيلاتهم  .. تابعين ديال نجلا وسنان.. وقفات فالخلف ديال الجامع كيبان بعيد.. قربات لما من داك التل  وهي مبتاسمة

نجلاء:   الحمد لله على ما مشا مني  وعلى ما بقا ليا وعلى لي غيجيني الحياة زوينة فاش كنحمدو الله هادي قاعدة وليت كنأمن بيها  فكل شر كاين خير  "هزات راسها فالسما" شكرا حيت بعدتي عليا ولاد الحرام

#نهاية_فصل_حبك_أذلني
           #بداية_فصل_ميزني_أو_إعتزلني.