حب بطعم مر "بالدارجة المغربية"

البــــــارت 14

البــــــارت 14:

عوجات شفايفها بملل و ناضت تاخد  دوش تحيد عليها هاد التوتر لي ولات عايشاه.. كي سالات خرجات بالبينوار تاكل  داكشي لي  موجد حمدات الله ان عندها فوطة صحية فالساك لي جابت معاها اما تبقا مقطوعة...  كلات حتى شبعات ولبسات حوايجها صونات على قيس باغا هاد شهر لي بقا ليها تغبر من قدامو مباغا تشوف وجهو..  جرحها عميق واخا كتصنع القوة ولامبالاة وحتى البرود  ولكن مكتحملش راسها  فاش كتشوفو  كيأدي راسو..

عارفا بلي كتستفزو وتخرج اسوء ما فيه ولكن ليدار الذنب يستاهل العقوبة هي مرخيصش عندها راسها باش كلا مرة تغمض عينيها وتمشي معاه فبحر الملذات  كأنو مواقع والو.. 

لي مزال مصبر غرورها هو عارفة بلي كيبغيها ولو ممتأكداش ولكن كتيق فقلبها اشنو كيقول ليها وهادشي  باش كيعجبها تلذذ بإنتقام منو وفنفس الوقت كتكره حبها ليه لي كيخليها تصرف بلا عقل..وحدة طبيعية لي المفروض خانها راجلها كانت تطلب الطلاق ودير ليه اكبر شوهة فالعالم هي علاش تسترات على الموضوع لا وعطاتو شرفها لدابا باقا مصدومة من قلة عقلها كيفاش فالصباح كان عندها قرار بالطلاق فالعشية دوزات معاه ليلة كأنو مناقصهم حتى خير كيفاش مزاجها تقلب لهاد الدرجة هادو كاملين تساؤولات لي ملقات ليهم الجواب

اما الشرط لي شرطات كان  غير باش تلعب ليه على الاعصاب هي متميزة وكتبغي التمييز ومراد بالنسبة ليها هو لي كيستاهل يشكل جسدها .. موضوع تنعس مع غيرو  مستحيل تفكر تنفدو واخا نفترضو انو يقبل هي  ناضجة على هاد الافكار السيبيانية ماشي فطريقها لإنتقام منو ترجع  عاهرة ..

دوات مع قيس محتاجة تبدل الجو بما ان هو غادي لتركيا  علاش لا متستغلسش الفرصة وتمشي  معاه  ترتب افكارها..

طلبات منو يقطع البيي لغدا فالصباح ولاكان راجل يتبعها لاماخلاتو يلوح حوايجو فالزنقة..

كيجيها وقت كتولي باغياه بحال يومين قبل دابا ووقت كتولي كارهاه بحال دابا بالضبط  اييييه هي مزاجية وتقدر تكره الحاجة ومن بعد شوية تبغيها والعكس صحيح..

ولكن ماشي لهاد الدرجة ضحكات على راسها وقالت بسباب لي غيگل اكيد الهرمونات  مخربقين ليها..

  دوزات الخط لشيفور ديالهم يجي يديها لقاتو اصلا كاين فالطريق  عرفاتو بلي الى مشا مغادي يرجع وكانت متوقعة انو ايسيفط شي حد يجيبها بتاسمات بإستهزاء على اهتمامو المزور لي كون كان  حقيقي مغادي يكون بين ايديين  العاهرات تلاثة سنوات متواصلة غريب  اهتمامو  الممزوج بالخيانة

وصل عندها الشيفور هزات ساكها وخلات گاع داك التخربيق لي كان جايب زعما عوال على عطلة قصيرة  ههه نسا بلي هادي نجلا ماشي  شي وحدة اخرى مشات  لدار هزات الحوايج لي اتحتاج لأنو اترجع لأمريكا عاد اتمشي للمغرب...  كي وجدات حوايجها  فالشانطة لي اتدي.. نعسات شوية بين ما وصل وقت الطيارة..

فاقت على تيليفونها كيصوني كان قيس لي قال ليها توجد راسها  قريب يوصل عندها.. دخلات لحمام  دارت روتينها الصباحي ومشاات لدريسنغ خدات سروال كيطما كحل مع قبية نفس اللون وسبرديلة فالبيض جمعات شعرها كوب شوفال رشات ريحتها ومرطب شفايف فضلات تخلي بشرتها بلا مكياج اساسا معندهاش عيوب  بزاف الله يبارك فمصحات التجميل اي مشكل عندك فبشرتك كيهنيوك منو  خداات ساك كبير شوية حطاات فيه مستلزماتها وهزات شانطتها وخرجات لحدا الباب لقات قيس كيتسناها سلمات عليه بالبيز لأنو عندها عادي

وركبات معاه مسافة طريق كانو فالمطار  كي وصلو ليه وقبل متقلع الطائرة  هزاات تيليفونها كتسوني ليلى ابيل فيديو لأنو اتگلس معاها فدارها..  ماشي بزاف تفتح الخط

ليلى:  منهار دفنوه مازاروه لاش كتسوني عليا اش باغيا 

نجلاء :  ايييه اختي سمحي ليا غير ول بارح دويت معاك نسيتي 

ليلى:  اممم نسيت اوزلديريرم ( اعتذر) 

نجلاء :  دغيا قلبتيها تركية

ليلى:  طلقيني قولي اش باغيا راني فالبوز ديال الغدا باقي عندي شي مشاهد نصورهم

نجلاء :  غير لي بغا يدير الصواب ويعلم قبل ميهجم مهم  ليل انكون عندك  انا وواحد الصديق لي دويت ليك عليه

ليلى: يا بنت الحرام نتي مزوجة اش جايا ديري مع الرجالة باغيا مراد ينوض عليا الحرب العالمية الثالتة

نجلاء : اشمن مراد ولا الزبل  وطلقنا اعباد الله طلقنا

ليلى: افف انا مالي فيكم تلاحي حتى توصلي وعاودي ليا بالتفاصيل

قطعات ليلى ورجعات تكمل خدمتها اما نجلاء  ضارت عند قيس كيشوفو مخرج عينيه فالتيليفون  ومات ليه براسها زعما مالنا؟!

قيس : انا عارف مراد عندو ختو ولكن باش تكون تيتيزة بحال هكدا مكنتش عارف

نجلاء : منصحكش اودي اقيس منصحكش

قيس: علاش

نجلاء :  هادي لي كنتي كتشوف فيها واخا تبان ليك  من ملاميحها البراءة ولكن راه الشيطان يتعلم منها مكاين شي تركي متلات معاه وماتصاحبوش من الاخير قلبها جوطية كي يسالي المسلسل تسالي معاه فهمتي

قيس:  اودي شكون جبد شي تصاحيب ولا  غيرو

نجلاء :  نتا تعرف

ماشي بزاف حتى حلقات الطائرة فالسما.. قيس خدا  الكاسك كيتصنت  لموسيقى بين ما وصلو   اما نجلاء  حيت مناعساش مزيان دغيا غفات