____________{ الفصل الاول }____________
•حبــك أذلنــي
البــــــارت 44:
نجلاء: اوووف راسي
مراد: وصلنا نزلي
نجلاء: هاااء بالزربة
فتح لاسانتيغ وهبط منزل معاه التقدية حل عليها الباب هبطها كتمشي وتجي بوحدها والطالون مكمل عليها..
شدها من كتافها باش مطيح حاطا تقلها عليه فالنفس الوقت مدور ايدو على خصرها.. فتح الباب لاح تقدية حداه وهزها اتبقا تماوت عليه ايجمعها معاها.. دخل لاحها فوق الفوتوي
مراد: گلسي هنا
نجلاء : هاد الدار فيها لابيسين!
مراد: فالجردة لور علاش؟!
نجلاء: والو غير سولت
مراد: متحركيش من هنا
"جا نايض غادي يجيب اللبن باش تفيق حتى كتجرو عندها من التيشورت لايحاه عليها..
مراد: أش ك...
" هزات أطراف إيديها حطاتهم على فمو مقاطعاه "
نجلاء: شوش
ورجعات كدوزهم على وجهو طلعات لعينيه كتشوف فيهم قبل متحط شفايفها على ديالو مغمضة عينيها بلاما دير والو
خدا هو البديرة كيحرك فيهم بريتم بطيء كانت قبلة بعيدة كل البعد على الشهوة او ما يسمى بالرغبة الجنسية لا كيبوسها بحالا خايف عليها منو .. يمكن فاش كنفقدو الشخص لي كنبغيو عاد كنحسو بالقيمة ديالو!
ولكن كيبقا السؤال هو لارجعنا كسبناه مرة تانية واش انحافظو عليه؟! ولا أنديرو نفس الخطأ لي طحنا فيه فالاول؟!.. بعد عليها ملي حسها اتخنق.. جا نايض رجعات جراتو عندها..
نجلاء: ضحك ليا
مراد: !!
نجلاء: بغيت نشوف غمزاتك هااء
مراد: " بلا هواه بتاسم حتى بانو "
" تهزات شوية باستو فيهم..و بتهديد قالت.. "
نجلاء: من حقي انا بوحدي نشوفهم مفاهمين هاااء متضحك لحتى واحد
طلع فيها حاجبو يمكن هادي أول مرة تبين ليه غيرتها.. طول علاقتهم .. ديما هو لي كيبين ليها غيرتو.. معرف يضحك عليها ولا على راسو لي الى بقا تابعها غادي تخرجو على طوعو وأكيد ليلة مغادي تسالي على خير ..
مراد: شي حاجة أخرى؟!
نجلاء: بوسني مزال شوية
أنت تقرأ
حب بطعم مر "بالدارجة المغربية"
Mystère / Thrillerهي فكرة مني جامعة #الواقع_و_الخيال #المنطق_و_اللامنطق #الحب_و_الخيانة في آن واحد قصتي كتناول مختلف المواضيع الإجتماعية لي كتهمني أنا ونتي وهي.. ابطالها أشخاص عاديين ليسو بمتاليين لكن واحد منهم عيب هي أنانية.. متكبرة.. مغرورة.. مكتعرف...
