حب بطعم مر "بالدارجة المغربية"

البــــــارت 18

البــــــارت 18:

ركب فاللوطو غادي لشركة حتى كان ايدوز الخط ليها وهو يقول بلاش عارف راسو ايغلط معاها  فالهضرة قرر يقاد امورو ويمشي عندها..  ولكن قبل ايصوني على ليلى يستفسر منها  اكيد اتكون عارفاها فتركيا... 

ليلى كي سلات التصوير قتارح عليها جان يمشيو يسهرو قبلات لأن هدا شحال  مخرجات..  والاهم من هادشي هو انها  من نهار قرات معاه السيناريو ديال المسلسل او قبل گاع من نهار عارفاتهم شركة  الانتاج على بعضيااهم وهي حاطة عليه  العين وحالفة بحلوفها حتى طيحو وتصاحب معاه واخا غير شهر المهم خاصها لي يونسها  وربي الكبير.. البنت عينيها خضرين ولي شافتو تبغيه.. كتخلي الواحد حتى يبدا يتعلق بيها ودير  ليه عامرة فخاوية ..

وخصوصا ان مهنتها كتطلب يكون الزين عاد  الموهبة حيت  كيكون المظهر مهم  باش داك الشخص تجي معاه الكاميرا ..

واساسا الدراما التركية غالبا گاع لي داخلين لمجال التمتيل  يا كيجيبيهم من ملكات الجمال بالنسبة للممتلات  او من عروض الازياء بالنسبة للممتلين قليل لي كيكون عندو موهبة وفنفس الوقت الجمال..

على أيٍ كي دوا معاها جان لي كانت هدرتهم فحدود الخدمة وغالبا كيدويو فاش كيكونو كيوجدو لمشهد الموالي.. زائد مكيعرفو على بعضياتهم الا  القليل  بالرغم من ان تصوير بادي هادي كتر من عشرة اشهر وهاهما فنهاية التصوير عاد دوا معاها وطلب منها انه يخرجو بعيد على اجواء التصوير.. فأكيد مغادي تفلت عليها هاد المناسبة تودعاات معاه باش تمشي توجد راسها وهاهي وصلات لفيلا ديالها دخلات طلعات نيشان لبيتها.. فالطريق كتحيد حوايجها فطريقها لحمام دخلات ضرباتها بتدويشة تحيد عليها ستريس ديال هاد نهار ختارت غوب فالحمر فالجناب عليها بحال سيور كيتجمعو من التحت لي كيعطيها شكل معجد وفوق الكتاف ايضا  .. جمعات خصلات شعرها الاشقر  كوب شوڤال  الطريقة لي بينات عنقها الطويل ودوك العضيمات لي زادوها جمال على جمال خلات لافخونش هابطة من التحت لي عجداتهم غير شوية بينو ليها عمرها الحقيقي والطفولي فنفس الوقت.. ميكاب ناعم مع احمر شفاه ساخر وطالون فالنواغ مع ساك لي قصير بزاف من ناحية الصمطة.. هبطات كتلعب بشعرها وتنقز بانت ليها نجلا قدام التلفازة لي مشافتهاش ملي دخلات مشات عندها كضحك ونجلا كطلع وتنزل فيها.. تحلف عليها برهوشة

نجلاء : فين غادية

ليلى : عندي غونديفو مع الكراش

نجلاء : دغيا درتي الجديد

ليلى: واشمن الجديد راه بطل المسلسل لي كنمتل معاه

نجلاء : فضايحك راه كترو وسيري تاني سكري حتى تجيبي الكاو باش يجي خوك يفرشخك

ليلى: وصاف راك عارفاني مغادي ندير شي حاجة لي ندم عليها واصلا انا ماشي سكايرية غير كدوق

نجلاء : غير كدوقي وكيمشي ليك الفريخ اما لا كنتي  كتسكري نيت اتحيدي حوايجك

يالله بغات تجاوبها تسمع الكلاكسون بجهد عرفاتو غير هو سيفطات ليها بوسة فالهوى وهزات مونطوها غادية كتجري.. طيرة هي طيرة والو واش تقل وتمشي بالشوية.. وصلات عندو لقاتو واقف قدام اللوطو لابس الكلاس  وابتسامة على شفايفو  كتلف كي قربات ليه باستو من خدو  وبعدات كتشوف فيه.. بلاما يجاوبها فتح ليها الباب فهماتو ومشات طالعة.. حتى هو سد ليها الباب ودار ركب (الحوار بالتركية)

_ليلى:     ؟ iyi misim  ( واش نتا بيخير)

_جان: Çok iyiyim ya sen?( بيخير بزاف ونت)

_ليلى:iyi (بيخر)

_جان: Nereye gitmemizi istersiniz?
( فين بغيتينا نمشيو)

_ليلى: Seni seçmekte özgür bırakıyorum
( فين ما بغيتي نتا)

بتاسم ليها وديمارا لوطو فإتجاه ديسكو معروف فتركيا كيجي ليه غير شكون وشكون.. ختارو  طابل الفوق بعيد على ضوضاء لي كاينة فطابق التحت دومونداو على عشاهم ومشروبات.. اما فالطابل لي موراهم  كان كيتواجد واحد الشخص مع اصدقاء ديالو دماغو كيدور ملي شافها طالعة فالدروج وهو كيحاول يتذكر فين تقابل معاها.. عقلو كيحس بيه ممسوح عيا ميحاول وهو متبعها بعينيه ووالو راسو ضرو باش يعرف فين.. فالاخير قلب شفايفو وقال اتكون وحدة من بنات ليل لي كيعرف.. رد ليه صاحبو البال ونطق

أونور:  Baktığın bu güzellik kim? ounu tanıyor musun
(شكون هاد التيتيزة لي حاضيها؟ واش كتعرفها)

قيس: Sanırım onu ​​tanıyorum ama tam olarak nerede olduğunu hatırlamıyorum ( كنظن اني كنعرفها ولكن معاقلش فين شايفها)

اونور: O çok güzel ( زوينة بزاف)

قيس:(  لقا عليها نظرة متفحصة من راسها لصبع رجليها) Evet ( اه)

عند ليلى لي مدايهاش فالعالم كتاكل وتبنن تصرفاتها ديال بنت صغيرة واخا فيها هاد تحرميات كاملة ولكن محافظة على برائتها من خلال تصرفاتها وجان متبع ليها العين بإعجاب كبير وفنفس الوقت بشهوة .. حتى نطق كاسر الصمت لي بيناتهم

جان:؟Dans etmemizi ister misin ( واش تبغي نرقصو؟)

ليلى: İstiyorum ( اريد)

بتاسم ليها وخدا بإيديها قبلها قبل ما تنوض ويحط ايديه على خصرها  هابطين لطابق التحتاتي فين كتواجد ديسكو.. اما قيس كي شافهم  ناضو تحجج بالحمام وهبط تابعهم  لصال التحت مشا عند البارمان خدا مشروب وعينيه عليها حلف حتى يعرف شكون هي  وعلاش دماغو لصق عليها  ..  وعلاش كيحس بعينيه فايتين شايفينها هادشي كامل عصبو وهو مكاينش لي شافو ومعقل عليه.. بانو ليه منساجمين فالرقص وايديه كيحيطو على اماكن حساسة اللمس..

شاف فيها هي لي معلابالهاش تقول موالفة بهادشي وجاها عادي  .. خصوصا وان المكبو*ت لي معاها بحالا ز*مل عليها  حيت ايديه حتى كيبغيو يدخلو لتحت الكسوة وعاود كيبعدهم..

هي ممسوقة بلي واقع والسكرة بدات كتشد فيها واخا هي من نوع لي غير كيدوق..

حسات بجان كيقيس فمؤخرتها دفعات ليه ايديه عاقدة حواجبها.. كي هزات راسها فيه دخل معاها فقبلة كيجر فشفايفها بعنف.. دفعاتو من عليها بجهد مبعداه  غاديا هاربة كتجري