البــــــارت 69 :
منتصف الليل ناعسة هي وولدها ففراش واحد حتى كتسمع التيليفون كيصوني.. هزات بعشوائية فاتحة عين وسادة الاخرى جاوبات بلاما تعرف شكون
تنسيم: ألووو
يوسف: خرجي عندي
تنسيم: شكون معايا
يوسف: " هز حاجبو" تنسا عليك صوتي!
تنسيم: غالط فالنمرة أخويا
قطعات الاتصال ورجعات تنعس حتى سمعات تيليفون كيصوني مرة تانية جاوبات بزعافة أعدى حاجة عندها شي حد يقطع ليها نعاسها.. قبل متدوي سبق وجاوب
يوسف: انا يوسف راجلك هبطي عندي كاين فالجردة وإلا ندير ليك الشوهة هنا
تنسيم: أنا مكيناش فتركيا
يوسف: كون عرفتك فتركيا مغادي نقول ليك هبطي عندي
تنسيم: جيتي لأمريكا نووو
يوسف: كتنساك
قطع الخط.. فحين هي عاد حلات عينيها مزيان لبسات بينوان فوق شوميز ديالها وكلاكيطة.. غطات ولدها.. وهزات تيليفونها هبطات عندو كتمشى على صباع رجليها خايفة لا يفيق شي حد من العائلة وتحاشم معاهم.. خرجات عندو الجردة الريح قوي والشتا باين اطيح قلبات عليه بعينيها حتى لقاتو ومشات عندو
تنسيم: أشنو بغيتي
طلعها ونزلها من راسها لطراف رجليها .. عقد حواجبو على لباسها وهو عارف كاين رجال فالدار كون تلقات مع شي واحد فيهم فين ايوصلو صدرها قرب ينقز لعندو وفخادها باينين وداك طرف ديال التوب لي لابسة ممخبي والو
يوسف: كدوري فدار هكذا !
تنسيم: واقلة كنت ناعسة لا؟
يوسف: دابا فقتي ملقيتي تهبطي غير بهاظ نص توب
تنسيم: جايبني باش تدوي على الحوايج
" حيط الجاكيط ديالو لبسو ليها "
يوسف: هاد المرة دوزتها مرة تانية متعاوديهاش
تنسيم: إيييه فاش باغي تدوي
يوسف: سيري لبسي حوايجك انمشيو
تنسيم: فين!
يوسف: لدارنا فين
" حيدات الجاكيط من على كتافها تانياها على ايديها "
تنسيم: كنظن مفهمتيش مزيان واقلة انا وياك انطلقو صاف سالينا
يوسف: لبسي على البرد فالاول وسيري ديري إش قلت ليك
تنسيم: الراجل لي يتاهمني فشرافي نحسب ربي مخلقو نتا تاهمتيني بالخيانة واش واعي بأشنو قلتي ليا ولا لا؟
أنت تقرأ
حب بطعم مر "بالدارجة المغربية"
Mistero / Thrillerهي فكرة مني جامعة #الواقع_و_الخيال #المنطق_و_اللامنطق #الحب_و_الخيانة في آن واحد قصتي كتناول مختلف المواضيع الإجتماعية لي كتهمني أنا ونتي وهي.. ابطالها أشخاص عاديين ليسو بمتاليين لكن واحد منهم عيب هي أنانية.. متكبرة.. مغرورة.. مكتعرف...
