البــــــارت 99:
حلات عينيها كتبتاسم السيمانة سلات هدا أخر نهار ليها فهاد الدولة أكيد غادي ترجع حيت عائلتها باقا فيها يعني لازم تزورهم ولكن تعتبر بلي صاف مبقا ليها والو فيها الاستقرار من اليوم ايكون فالاصل ديالها
دخلات لحمام تاخد دوش على الخفيف.. كي خرجات مشات عند ليلى لي بانت ليها حالة فمها كي البگرة .. رشات عليها الما من شعرها عارفاها كتموت ماشي كتنعس
نجلاء: هيهو فيقي اتمشي علينا الطيارة وبنادمة
ليلى : غير شوية عفاك خمسة دقايق صاف
نجلاء: خمسة دقايق بالحساب
ليلى: واخا
خلاتها ودخلات لدريسينغ.. لبسات سروال تجين مع تيشورط وسبرديلة خدات ساكها حطات فيه اي حاجة اتحتاجها فالطائرة.. لبسات عبايتها ودارت زيفها وصلاة الصبح.. كي سلات خرجات عند ليلى لي باقيا كتشخر
نجلاء: "بالغوات" ليلىىىى
ليلى: فقت فقت تفو على گنس
ناضت لحمام غسلات وجهها وحكات سنانها.. لبستات بحال نجلا الاختلاف عند ليلى هو تيشورت ميني بوط كيف ديما وتجاكيط الكوير ميني حتى هي.. الباليزات كانو واجدين من لبارح.. خدات ساكادو ديالها حاطت فيه كتابها لي اتقراه وطابليط ديالها.. جرات باليزتها معاها.. كي حلات لباب بان ليها يونس حتى هو جاي.. شافت فيه
ليلى: هبط معاك حتى هادي شكرا مسبقا
يوسف: خدام ديال باك انا
ليلى: لا ولكن نسولوه مكاين حتى مشكل فين هي تنسيم
يوسف: كتلبس
ليلى: أنا غادية عندها سير سير يالله باش منتعطلو هبط هادشي باقي ليك الضوبل ديالها
يوسف: كنتعجب كيفاش غادية بوحدة
ليلى: لوخرين هبطهم قيس لبارح بقات غير هادي من نسيبك أش نديرو
يوسف: الله يصبرو مسكين
ليلى: الله يصبرك نتا لباقي مشفتي باليزات مرتك على هاد الحساب جابت معاها جوج ليها ووحدة كبيرة لأمين فاش جات من تركيا
خلاتو ومشات عندها لبيت دخلات بلاما دق لقاتها فالحمام گلسات كدور عينيها على البيت قبل متخرج
ليلى: لبستي خلاص بقات ساعتين ونص لطيارة
تنسيم: يقدنا الوقت
ليلى: انا متحمسة بزاف لهاد السفرة
تنسيم : حتى انا متصوريش أش داز عليا حتى قنعتو
ليلى: قصص لازاجة ديالك معندي مندير بيهم أمين لبستيه
تنسيم: كيلبس بوحدو
ليلى: غادي نمشي عندو هو بعدا كيدوز ليا عليك نتي.
أنت تقرأ
حب بطعم مر "بالدارجة المغربية"
Misterio / Suspensoهي فكرة مني جامعة #الواقع_و_الخيال #المنطق_و_اللامنطق #الحب_و_الخيانة في آن واحد قصتي كتناول مختلف المواضيع الإجتماعية لي كتهمني أنا ونتي وهي.. ابطالها أشخاص عاديين ليسو بمتاليين لكن واحد منهم عيب هي أنانية.. متكبرة.. مغرورة.. مكتعرف...
