البــــــارت 81:
دازت عشية عادية بين العائلة والحباب وخصوصا صحابها كاملين رجعو تجمعو.. يوسف كيبان مرتاح من عينيه وحتى تنسيم لي كتبان سعيدة تحلو مشاكليها واخا ماشي جدريا ولكن تعتبر تخطات ازمتها مع راجلها .. ولدها كيلعب حداها.. ليلى لي هي ليلى مخاصمة مع قيس كتسناه غير يقول شي كلمة تسمعهم ليه.. وحتى هو مداير فيها عقلو عارفها برهوشة.. عمها ومراتو كيبان عليهم تفاهم.. جدودها لي بعاد عليها كيلعبو السطرنج.. باباها معنقها حاطا راسها على صدرو كيدويو فمواضيع مختالفة لقات الطمأنينة لي كتمناها ولقات بلي كلامو على حق مدام الفرص كيتعطاوها دابا جوج دمرات علاش متستغلهمش.. وتبني حياتها من أول وجديد تنسا أي حاجة متعلقة بالماضي براكا غير تلت سنين ضاعت من حياتها حتى هي باغيا ولد ولا بنت يعمرو عليها وزوج لي يحتارمها ويقدرها ماشي واحد يتلاعب بمشاعرها هي صعيبة ولكن ماشي مستحيل باش تفتح قلبها مرة تانية لواحد اخر.. هزات راسها فيهم
نجلاء. بحالا نسيتو واحد الموضوع مهم
قيس: أشنو هو
نجلاء: المشروع لي انديروه فالمغرب!
ليلى: اه أش فكرك فيه
نجلاء: غادي ندير راسي مسمعت والو.. احم احم سمعوني كاملين الله يخليكم
كمال: أش واقع
نجلاء: قررت قرار لا رجعة فيه
عماد: الله يسمعنا خبار الخير
نجلاء: غير الخير ابابا
جواد: القرار
نجلاء: غادي نستاقر فالمغرب من بعد اليوم
ليلى: من امتا كتفكري فهاد الموضوع
قيس: صدمتينا
نجلاء: باش نبدا حياة جديدة مخاص تبقا عندي حتى ذكرى من الماضي وانا هاد الدار، الشركة طوموبيل كولشي كيفكري بيه عفاكم مترفضو ليا طلبي
كمال: نتي كبيرة وواعية عارفة مصلاحتك ولكن كيفاش اتسكني بوحدك فدولة تانية
نجلاء: جدي هاد دولة لي كتدوي عليها راها اصلي ايييه معندي جنسية مغربية متافقة معاك ولكن عروقي ودمي من المغرب اساسا لغة لي ادير ليا عائق راني عارفاها
عماد: لي بغيتيه ديريه
نجلاء: الى بغيتو نقدرو نستاقرو كاملين تم
جواد: خدمتنا كاملة هنا
نجلاء: اسم العلاوي معروف على صعيد الدولي ماشي غير الوطني سلعتنا مستحودة على العالم كامل اساسا تأسيس شركة فالوطن مغادي يشكل لينا حتى مشكل والموظفين الى بغاو يديرو انتقال راه جنسياتهم مغاربة ماشي الكل ولكن الاغلبية يعني حتى مشكل مكاين
عماد : القرار نهائي كيكون عند مديري الشركة وبما ان اسهمك نتي الاعلى إضافة حتى لمراد هاد القرار كيتفضل تاخدوه بجوج
نجلاء: "بعصبية" ايييه براااكة أي حاجة خاص يتدخل فيها ويكون رأيو هو المهم فين هو باش ناخدو برأيو ديك الشركة انا لي خدمت عليها وطلعتها حتى وصلات لهنا اش كيعرف هو من غير يسني على ورقة ولا جوج ويمشي
أحمد: ولكن كندويو من ناحية القانونية
نجلاء: حتى انا كندوي من ناحية القانونية لا مشيت انا اضيع مكاين لي يسيرها والموظفين ايديرو مبغاو فيها.. لو كان مهتم مغادي يجي نهار لي نبغيوه وميكون معانا "خدات نفس" عيت انمشي نعس أساسا انا تاخدت قراري اخر سيمانة ليا فهاد الدولة هي هادي غير بين ما وجدت السكنة ديالي وصاف
أنت تقرأ
حب بطعم مر "بالدارجة المغربية"
Детектив / Триллерهي فكرة مني جامعة #الواقع_و_الخيال #المنطق_و_اللامنطق #الحب_و_الخيانة في آن واحد قصتي كتناول مختلف المواضيع الإجتماعية لي كتهمني أنا ونتي وهي.. ابطالها أشخاص عاديين ليسو بمتاليين لكن واحد منهم عيب هي أنانية.. متكبرة.. مغرورة.. مكتعرف...
