حب بطعم مر "بالدارجة المغربية"

البــــــارت 43

البــــــارت 43:

مراد: غير فيقي

نجلاء: ماشي لهاد الدرجة جيت لهنا نساك لقاك تابعني  وبزااااااف

مراد: "تحت سنانو" قدامي

نجلاء: أوووو نفس الصوت

مراد: باقي عندك الشك بلي كتحلمي؟

نجلاء: هدا ماسميتو حلم هدا كوشمار لا لا كابوس خايب بزاف

"هز ليها البوشيط والمونطو حطو على كتافها.. دافعها.."

مراد:  قدامي

نجلاء:  أربي اشمن ذنب  درت انا اه اشمن ذنب حتى تجازيني بهاد راجل " طلعاتو ونزلاتو " بغيت نقول ذكر

مراد:  سنانك ايطيحو فأي لحظة متختابري صبري

نجلاء: " عقدات حواجبها و تمات غادية  كتدوي وتمتم بحدها "   ياربي لاكان حلم مبقيتش باغيا نشوفو غير نفيق

كان كالس مراقبها كيتسناها دير شي حاجة..  كيشوفها كتشرب بعقلها وح.د مطاول عليها جاتو عجب  هي من النوع لي كيسكر كيحيد حوايجو كاملين وفايت دارتها ليه.. ولكن كتبان ليه  بعقلها.. حتى سمع الشعبي.. عرفها الى بدات متسالي الى محظرو البوليس..

اللهم يعتق الموقف قبل ميوليو فالندامة.. دخلها لطوموبيل.. دار ليها السانتيغ وهي غير كتشوف قدامها عقلها باقي شاعل شوية.. ومزال واعية واخا ماشي بزاف ولكن مهم عاقلة على راسها.. دورات وجهها ليه وقالت..

نجلاء: واش أنا مغادي نرتاح منك

مراد:  خاصك تكوني تأكدتي

نجلاء: فين انمشيو؟

مراد: لجهنم

نجلاء: هااء هادي عارفينها من شحال هدا

مراد: سكتي شوية

نجلاء: اوووف طوموبيلتك سخونة بحالك شعل لاكليم

هالي مبغاش  هادي كي كتسكر كتعرا.. وهو ميقدر يغض البصر واخا يعيا .. وفنفس الوقت ميقدر يديها لدارهم.. كولشي أيفيق..  راسو كيقول ليه ديها تشوه معاهم ويتعلمو يخليوها تخرج بوحدها حتى واحد معدب راسو يقول ليه سير معاها..ونفس الوقت راس أخر كيقول أتأزم نفسيتها كتر بكلام جدودهم المسموم..

خدم  دماغو ولقا أحسن حل يديها لدار ديال أخر مرة.. مشا فالاول لسوبيرمارشي.. يتقدا أش أيحتاجو هي غير ليلا وحدة و أيرجعو.. خدا اللبن والحوت وأي حاجة ممكن تفيقها باش ميضطر  يغتاصبها ..

فتح الطوموبيل وركب بانت ليه حيدات السانتيغ  فتحات الكومبينيزو من الصدايف الفوقانين والسمطة لي كانت دايرة حيداتها وكتحاول تهبطها من كتافها.. إستغفر الله فسرو.. و لاح عليها المونطو غطاها وحيد ليها إيديها قاد ليها حوايجها..حمر فيها عينيه

مراد: ريحي  شوية

نجلاء:  والصهد الصهد أعباد الله

مراد: هادي غير سخونية جهنم