البــــــارت 25:
فأحد المطاعم الراقية بالمدينة واخدين طابلة على واجهة البحر
ليلى: هاد الضيف ديالك مكيلتازمش بالوقت تعطل جوج دقايق ومزال العاطي يعطي
نجلاء : تبتي شوية ونتي اكطيري الله يستر راه اسطنبول هادي فين عمرك شفتي شي طريق خاوية
ليلى: اووففف مليت انا بغيت نفطر هاهي وصلات تلات...
قيس: سلام وعليكم
نجلاء : " وقفات تسلم عليه" كيداير لباس غبورات هادي
قيس : اودي يالله لقيت الوقت مزيراني الخدمة وحتى الشركة شحال مطليت عليها " دور نظرو لليلى " تسنيتي بزاف على ما اظن " هز ايدو يشوف الساعة " اووووه خمسة دقايق كاملة بزاف گاع
ليلى: "قلبات عينيها مغوبشة عرفاتو شاد فيها" اضحكني
بتاسم ليها وگلس مقابل معاها حتى جا سيرفور طلبو فطورهم كياكلو ويدويو من غير نجلا لي فيها طبع متدويش على المائدة حتى تكمل ماكلتها
ليلى: اه نتا هو لي وصلتني ديك المرة ياك
قيس: هو انا
ليلى: صدفة غريبة ولكن مكملناش تعارفنا ياك
قيس: نكملوه دابا
ليلى: اممم هي نتا مغربي الاب وتركي الام
قيس: "بإبتسامة" تماما
ليلى: شحال فعمرك؟
قيس: 38
ليلى: انا عندي تلاتة وعشرين زعما باقا مكملتها شحال بيناتنا؟
نجلاء : "من تحت سنانها" تفرقي على راجل باغيا ديري ليه لاكارط ناسيونال
قيس: " ضحك عليها حتى تسدو عينيه" بناتنا 15 عام ابنتي
ليلى: بففف بزاف ولكن علاش مبايناش فيك
قيس: يمكن حيت كنضحك بزاف؟ اولا!
ليلى: "بسهو" اه ضحكتك زوينة
نجلاء : كح كح كح " ضرباتها لرجلها عافطة عليها" اش كتقولي المستوهة كوليه حسن كوليه
ليلى: " بهمس "دخلي سوق راسك نتي تزوجتي وطلقتي بغيتني نبور احم احم فاش قلتي عندك شركة!؟
قيس: " هز سيرفيت مسح جناب فمو وشبك ايديه وابتسامة جانبية مزينة شفايفو " شركة انتاج
ليلى: " بالغوات" نووووو سي با فغي ! نتا منتج واااو اتس سو بيوتيفيل
قيس: امم اه
ليلى: الاسم ديالها اشنو هو؟
قيس: القمر
ليلى: "بحزن" جاني كاستينغ منها لواحد الدور ولكن ماتقبلت شركتك هي طوب وديجا الاعمال ديالك ناجحة ولكن مكتعطيو فرصة لشباب
قيس:ماشي ديالي بوحدي عندي شريكي متكلف بهاد الامور انا خدمتي الادارة
ليلى: "تقلب ليها المود" مزيان
فالاول لقاء شافها خدا عليها انطباع خايب ديال بنات الليل مع العلم لدابا باقي ولكن شي حاجة فشكل فيها بحالا بنتو قدامو طلبات منو الشوكولا وقال ليها لا كليتي بزاف ... بتاسم لبرائتها وشخصيتها شاف شغفها فتأدية داك الدور لي مكان من نصيبها...
قيس: تبغي تكوني بطلة مسلسل الجديد لي ايكون من انتاج شركتي؟
ليلى: رييييليييي؟
قيس: وي
محسات الى وهي دافعة داك الكرسي لايحاه ونايضة معنقاه بالفرحة
ليلى: اووووه تانكيو تانكيو سووووو ماش اممم ڤيري اكسايتيند
نجلاء : شفتك قلبتيها انگلش
ليلى: هههه راه ملي كنتحمس كنتلاح للونگلي دريكت كيف ما ملي كنتعصب كنتلاح لدريجة
نجلاء: الله ياودي شكون لي معارفك فاش كتعصبي
ليلى: ولكن بلاتي كيفاش نتا قد مراد فين كتعرف نجلا
نجلاء : " ضربات جبهتها على كلاخها" طبيعي راه كانو كيقراو فمدرسة وحدة وانا مدرسة لي قريت فيها كانت حدا الجامعة
ليلى: بناتكم 11 عام نتي وخويا اول مرة نرد ليها البال اممم نتا صاحبو ياك
قيس: تقريبا
ليلى: " بتشكيك " نتا هو الصديق ديال نجلا لي كان كيغير منو مراد!
نجلاء: " فمحاولة منها تبدل الموضوع " ايوا قيس رتاحيتي شوية كنعرفك كتبغي امريكا كتر من تركيا
قيس: رتاحيت ولكن كنفكر نستاقر فالمغرب هاد الفكرة ولات كدور فراسي بزاف
نجلاء: كنعرف ماماك كترتاح غير فتركيا
قيس: هادشي لي ممخلينيش ناخد القرار
ليلى: كدور عينيها بيناتهم بجوج كأنها كتحاول تأكد شكوكها عارفا مراد شحال هدا مكان كيتحامل مع شي دري والسبب هي نجلا خافت يكون هو قيس ويكون لغيرة خوها سبب
أنت تقرأ
حب بطعم مر "بالدارجة المغربية"
रहस्य / थ्रिलरهي فكرة مني جامعة #الواقع_و_الخيال #المنطق_و_اللامنطق #الحب_و_الخيانة في آن واحد قصتي كتناول مختلف المواضيع الإجتماعية لي كتهمني أنا ونتي وهي.. ابطالها أشخاص عاديين ليسو بمتاليين لكن واحد منهم عيب هي أنانية.. متكبرة.. مغرورة.. مكتعرف...
