حب بطعم مر "بالدارجة المغربية"

البــــــارت 21

البــــــارت 21:

نهار جديد..

كي فاق خرج  يمارس نشاطه لي شحال هو مقاطع عليه .. دخل لدار بانت ليه العائلة مجموعة على طابلة الفطور داز يلقي عليهم السلام عاد يطلع يدوش كان كيجري..  جا يدوي بانت ليه سيلين على مائدة الفطور منزلة راسها لتحت يالله بغا يدوي غمزاتو مو.. يشوف فشكون مرأس الطبلة.. كي شافو زاد عقد حواجبو.. هاهي كملات كان ناقص غير جدودو يجيو.. مشا باس ليهم راسهم واحد بواحد ..

مراد:  غسلتو عضماتكم مزيان فالحج ولا لا؟؟

كمال :  الهضرة ماشي دابا سير دوش وستر بادرك واجي ريح نصفيو الحساب غير  خوينا عليكم الدار درتي مابغيتي كملتها بولد من الحرام

مراد:  واخا الحاج واخا

قلب عينيه عاقد حواجبو عارف ومتأكد من الهضرة لي غادي يسمع وبحال والو يكون العدول قرب يوصل..  طلع مباشرة لبيتو يدوش ..

اما التحت 

التازي:  قولي  ليا ابنتي منين نتي

سيلين: فرنسية الاب وسورية الام  ولكن بقطن   فأمريكا حتى ولادتي هنا

جواد : كتفهمي الدريجة  ؟

سيلين:  اه  بفهم

جواد :  قصرتي عليا الطريق  ايوا ابنتي هاد الولد لي جابك لهنا مقال ليك عندو المرا مقال ليك بغا يحماق  باش ياخدها مقال ليك راه يبغيها ولا لا؟  واش ضحك عليك؟

سيلين: "عضات على شفايفها بإحراج"  كنت بعرف انو متزوج مع هيك ضليت معاه

كريم : اسغفر الله العظيم اللهم ان هذا منكر

جواد  : خير الخطائون توابون الحاج الطفلة دابا حاملة خاص نزوجوهم

كمال : " وجه كلامو لرانيا "  بنتي نجلا فين كاينة واش كتقول فهاد الحريرة

رانيا:( حدرات راسها حشمانة من فعايل ولدها) مشات عند ليلى

جواد : اخخ على كبيدتي غادي تكون غضبانة ياك؟ انا لي عارفها كتهز فقلبها ومتبغي تقول والو

احمد:  مغضبانة ما والو اعمي خدات طلاقها ومشات تعيش حياتها

جواد وكمال : "دقة وحدة"  الطلاااااااق

  يالله نازل سمع اخر كلمة عرفهم كيدويو عليه هو ونجلا .. خدا كرسي ديالو ريح يشوف هاد المسرحية ديالهم امتا غادي تسالي.. وكيف ما كان الحال مغادي يدير غير لقال ليه راسو 

كمال : غير قول ليا اولدي اشنو لي وصلكم لهاد الحالة 

رانيا: مكتاب الله كيتصرف اعمي

جواد : مكاين لاش نطولو الكلام نتا درتي لي قال ليك راسك..ودابا غادي تحمل مسؤوليتك.. البنت لي قدامنا غادي تزوجها وبنت عمك غادي تنساها ماهي ديالك ما نتا ديالها

مراد:   مكنفكر فزواج

رما ليهم هاد جوج كلمات وخرج بلاما يتنسنا جوابهم كاين ماهو اهم دابا.. هو مغادي ينكر ولدو ولكن باش يتزوج مرة تانية هادي صعيبة وصعيبة بزاف على اقل حتى بتبت شكوكو