البــــــارت 76:
ناعسة على صدرو كدوز صباعها على الزغب ليه فيه متجردين من ملابسهم
تنسيم: متسناش مني نسمح ليك بسهولة
يوسف: " هبط راسو باسها فجبهتها " نتي عاد بغيتي تاخدي موقف
تنسيم: كنت واخداه وباقا عليه
يوسف: قلت ليك سمحي ليا
تنسيم: امتا قلتيها
يوسف: كنقولها دابا سمحي ليا أمراتي
تنسيم: ممسامحاش ليك
يوسف : كندوي معاك دابا بصح كون كنتي بلاصتي أشنو اديري غير قولي ليا
" هزات فيه راسها مغطية صدرها بالكوفرلي گالسة على الفراش "
تنسيم: أول حاجة نتا عذبتني شهور كتيرة بتصرفاتك لي ماشي مفهومة متسناش مني نساها ليك بسهولة
يوسف: ياك
ناضت من الفراش غاديا فالبيت لاويا عليها داك ليزار حتى لواجهة زجاجية كبيرة كيبين ليها أشنو كاين برا.. الشتا باقا كتيرة.. رجعات كتقلب على الكوزينة.. صاوبات ليها قهوة باغيا تأمل داك الجو لي مسخاتش بيه.. مدة وهي واقفة بلا ملل حتى حسات بإيديه دارو على كرشها معنقها من لور.. مدارت كتى تصرف خلاتو على راحتو حتى نطق
يوسف: مستاعد نتسنا حتى تسامحيني على خاطرك
تنسيم: اممم تفاجئت صراحة
يوسف: علاش
تنسيم: ممولفاش تعامل معايا هكدا
يوسف: فكرت ولقيت عندك الحق لي درتو فيك مكان زوين
تنسيم: كتعتارف
يوسف: " دورها عندو كيشوف فعينيها " يقدر يكون تحلو ليا عينيا ملي عرفت تقدري تخلاي
تنسيم: كنتخلاو على الحوايج لي كيمرضونا فصحتنا ونتا مرضيتي فواحد الفترة واخا مكان عندي حتى ذنب وفالاخير تاهمتيني بالخيانة أشنو كنتي كتسنا مني!
يوسف: صحيح
تنسيم: الحاجة الوحيدة لي شفعات ليك هي الحالة ديالك لي تخيلتها كيفاش اتكون مدام نتا هنا اتكون لقيتي اجوبتك ياك؟
يوسف: لقيتهم
تنسيم: متعاوداش أيوسف يوقع لي وقع متخليش يجيوني بحال هدوك الافكار
" هز إيديه دوزهم على شعرها كيحيدو ليها من عينيها ويرحعو من مور وذنها.. خدا ليها الكاس شرب منو و حطو بعيد "
يوسف: مدام ختاريتك نتي الا وراك مالكة القلب والعقل نقطع بوه من الجدر لا قيم على غيرك
بتاسمات ليه بحب قبل متعلا على صباع رجليها دخل معاه فقبلة فرنسية بإمتياز.. هذا هو حبهم وهذا حوارهم هكذا كيحلو مشاكيلهم عارفين لي ليهم ولي عليهم كلا واحد عندو حقوق على تاني.. تنسيم شخصية هادئة كتر ما تصرو كتعصب مرة مرة وتفقد توازنها ولكن دغيا كترجع لشخصيتها الهادئة والحكيمة.. من مشكل لي يعتبر كبير خلاتو يعتارف بخطأ ديالو ويطلب منها السماح خصوصا ان يوسف شخصية متعالية كيبغي راسو بزاف وعندو نفسو فوق من كولشي.. الخطوة ديال وراق الطلاق لي دفعااتهم كانت كتسنا منو يوافق عليه حيت كيف ما كان الحال لامكانت باغياه هو ماشي شخص لي يفرض عليها راسو .. عطاو لبعضياتهم الوقت الكافي باش كلا واحد يراجع راسو وافعالو مع تاني ونهار رجع رجع حيت عارف بلي من غيرها متصبر عليه..
شخصيتو مفشكلة شي مرات كيبان ليها نرجيسي ومرات اخرين دمو حار ومغيار بلا قياس رجل شرقي بكل ما تحمله الكملة نفسو ميبغيهاش طيح لأرض كيقول بلي هو عايش غير بكرامتو ويبغي يموت بيها.. ونهار طيح ليه يفضل يقتل راسو على يزيد
أنت تقرأ
حب بطعم مر "بالدارجة المغربية"
Детектив / Триллерهي فكرة مني جامعة #الواقع_و_الخيال #المنطق_و_اللامنطق #الحب_و_الخيانة في آن واحد قصتي كتناول مختلف المواضيع الإجتماعية لي كتهمني أنا ونتي وهي.. ابطالها أشخاص عاديين ليسو بمتاليين لكن واحد منهم عيب هي أنانية.. متكبرة.. مغرورة.. مكتعرف...
