البــــــارت 48:
ليلى: اخر حاجة كنت نتصورها هي عندك بنت
قيس: كتوقع
دينا: بابا
قيس: نعام
دينا : هاد ليلى متعجبنيش گاع
ليلى: براكة عليك نتي غير أمين
دينا: بابا
قيس: نقدر نعرف اشنو المشكل لي بيناتكم
ليلى: المشكل هو مكاين حتى شي مشكل ياك ادينا
دينا: لا كاين
ليلى: أشنو كاين احبيبة
دينا: ضربتيني نتي
ليلى: أنا
دينا: أه نتي
ليلى: امتا هادشي
دينا: ديك المرة
ليلى: " بهمس " الله واكبر الباطل مولفة انا نطيحوو على عباد الله جات برهوشة طيحاتو عليا
قيس: مسمعتك أش كتقولي
ليلى: ههههه لا والو احم دينا اش بان ليك اماما نبداو من لول
دينا: نتي ماشي ماما
ليلى: شكون كال ليك باغيا نكون اصلا ههه زعما نكونو صحابات أش بان ليك
دينا: مبغيتش
ليلى: AA " عبارة كدل على الاستغراب " تشوك أيب "عيب بزاف " قيس بان ليا بنتك قلبها كحل
قيس: دينا أش بان ليك تدوي نتي وياها مرة اخرى اممم تقدرو تفاهمو
دينا: " دورات عنينيها كتفكر " واخا
ليلى: واو مزيان احم سميتي ليلى العلاوي " مدات ليها ايديها "
دينا: أنا دينا الايوبي
ليلى: مشرفين
دينا: حتى انا
ليلى: أجي عندي نبوسك اجي
قيس: لا خليها فبلاصتها لا نديرو اكسيدو الله يحفظ
ليلى: مرة اخرى نبوسك صاف
دينا : صاف
ليلى: اوووه دابا نقدر نفطر ونشرب دوايا
دينا: تفطري!
ليلى: اهاه شفتي على معگازة انا
هزات الشاسية لي كانت بينها وبين قيس فتحات دوك البلاستيكات كان فيهم فطائر تركيين مالحين وكاس القهوى لي كانت واخدة رجعات كولشي جمعاتو
قيس: كنسوگ انا
ليلى: هاه
قربات عندو فاتحة السمطة.. باغيا توكلو حتى هو عطاها وجهو وخدا عضة ورجع كيركز.. بغات تزيدو
قيس: صاف براكة حنا فاطرين قبل
ليلى: اك
رجعات لبلاصتها صوبات السانتيغ كتفطر .. ماشي بزاف ديال الوقت وصلو لبلاصة التصوير هاد النهار ..
ليلى: باي باي
قيس: بسلامة
ليلى: الخايبة مغاديش تبوسيني
دينا: اممم لاء
ليلى: وعلاش ياك تصالحنا
دينا: انا ماشي خايبة
ليلى: اه نتي برانسيس ياك
دينا: evet "اه"
ليلى: تشوك اوزولديرم گارتشيكتان " سمحي ليا بزاف "
دينا: سيكنت يوك " ماشي مشكل
ليلى: اه كتدوي تركيا مزيان
دينا: شوية
ليلى: بوسيني باش نمشي
دينا: اجي عندي اجي
ليلى: ههه ها انا
دينا: موووواح
ليلى: AA ولكن هادي ماشي فوجهي
دينا : بوساتني هكداك انا
ليلى: اك خودي حتى نتي موااح
دينا: باااي
ليلى : باي باي "شافت فقيس" سعداتك بيها
قيس: دابل تزوجي وديري حتى نتي وليدات
ليلى: الله يحفظني منهم باش تخصر ليا لاطاي ديالي نووو تانكس
أنت تقرأ
حب بطعم مر "بالدارجة المغربية"
Misterio / Suspensoهي فكرة مني جامعة #الواقع_و_الخيال #المنطق_و_اللامنطق #الحب_و_الخيانة في آن واحد قصتي كتناول مختلف المواضيع الإجتماعية لي كتهمني أنا ونتي وهي.. ابطالها أشخاص عاديين ليسو بمتاليين لكن واحد منهم عيب هي أنانية.. متكبرة.. مغرورة.. مكتعرف...
