حب بطعم مر "بالدارجة المغربية"

البــــــارت 23

البــــــارت 23:

كي فاقت وجدات راسها  مشات لتصوير نهارها كامل كيخادو ليها من لي كتحل عينيهت حتى كتبغي تسدهم  تقريبا 15 ساعة وخصوصا وان نهاية مابقا ليها والو...

حمدات الله ان مسلسلها غادي يسالي بعزو ماشي حتى يتوقف لأنو الريت غادي وكينزل والظاهر ان السيناريو غادي فالمماطلة هادو هما المنتجين كي كيشوفو شي عمل نجح كيبداو يماطلو  ويطولو فالقصة باش يربحو الفلوس.. وبما انها مبتدأة  فالدراما التركية ماشي فصالحها اول مسلسل بطولي ليها يسالي بالتوقيف...

يعتبر العمل فاشل واخا الريت ماشي شي حاجة ولكن كوميم كيتعتابر ناجح اللهم العمش ولا لعما.. كي دخلات قلباات عينيها على جان محاشاتهاش ليه وحتى هو  تجاهلها..كتفكر تصرفاتو لمكب ـوتة معاها البارح كيحس بالشمتة كطلع وتزل فيها وباغياه غير يدوي معاها باش تفرگع عليه متعقل لا على مخرج لا غيرو..

أعدى حاجة عندها هي شي شخص يشوف فيها كجسد ويختزالها كأنثى على هاد الاساس كتفقص..

دوزات نهارها عادي كي كتسالي مشهد توجد لمشهد واحد اخر وصل وقت الغداء دوموندات ليها والفريق كامل على الماكلة ..

سلات رجعات لخدمتها بالرغم من انها انتى مجنونة.. غير مبالية.. عنيدة.. انانية..  واحيانا مغرورة الى انها كفوؤة بخدمتها   كيف ما كان الخلاف مع الشخص لي امامها كتنسى كلشي وتركز على شخصية لي خاصها تعيشها باش تقنع المتلقي وتبان واقعية بالرغم من بعض الاخطاء لي طفيفة ولكن كتحاول ما امكن تخدم على راسها كتر وكتر وداك لي فوغ لي كتعطي معندهاش مشكل تعطيه بقوة اكتر وحماس اكتر من ديما هوسها بالاضواء والشهرة غير..

بالرغم من ان هادشي كانت ولازلت حاصلة عليه قبل مهنتها بالتمتيل الا ان لذة مزاولة مهنة او هواية كيف كتعتاربها هي،   والاهم انها راضية ومقتانعة وكتخدم بشغف ومعندهاش مشكل تَنصح وتْنْصح من قبل اي شخص كيف ماكان هادشي ليه مكانة خاصة كبيرة فقلبها..

وما احلى انك تزاول اشياء كنت تحلم في فعلهم منذ طفولتك كانو هما الهدف لي راسم بين عينيك باش فالاخير تغمضهم وتفتحهم على ان الاحلام لي كانو فقط فمخيلتك اصبحو حقيقة  عالم الاضواء وفاشن  ليه ضربية وضريبة كبيرة  من اهمها ان حياتك ابدا واش تبقى ليك..

ولكن الواحد لازم يكون واعي لأنو لايعقل انت كشخص كتشارك معايا معاش فقتي ومعاش نعستي وفين مشيتي وفين جيتي ومعامن كنتي ومعامن اتكون فالمستقبل وتطلب مني فموضوع محدد منتدخلش وانما هديك تعتبر حياتك انت!!؟ بأي حق..

  تو سامبلومو  انا ك "فان ليك" عارفا كولشي عليك وهدا هو السبب الاول والاخير لي مخليني داير ليك ديك ابوني فالانستغرام وغيرها من مواقع التواصل الاجتماعي لذلك متطلبش مني مندخلش لأنو النهار الاول ماشي انا لي قلت ليك وريني حياتك وشارك معايا ادق التفاصيل حيت من ديك لحظة مبقات ديالك ولات ديال جمهورك ..

هادشي لي عارفاه ليلى و داكشي باش متفادية مواقع التواصل لأبعد حد ناذرا ما كتشارك شي حاجة من حياتها وكتحطها امام العلن  .. اك هي ممتلة  محتاجة لترويج إسمها باش تجيها خدمة وتخلي  المنتجين  يردو ليها البال ككل واحد داخل لهاد المجال كتخرج اشاعات على نفسها باش يتداول الاسم ديالها باش فالاخير تخرج بتصريح وتنفي الخبر لي المصدر ديالو مدير اعمالها وغيرها من الشركات لي متعاقدة معاهم..

كملات تصوريها ورجعات لدار عيانة..

ليلى: الله اشكن  (رجاءا)  متقولي ليا ممطيبة العشا

نجلاء :   مطيبت ولكن دابا نصاوب شي عشا خفيف  اش مشهية

ليلى:  صاوبي غير لي باط   فيا الموت ديال الجوع

ناضت  لكوزينة جبدات سباكيتي حطاتها تسلق مع شوية زيت بلديية والملحة  خدات مقلة اخرى شدات  الكفتة من الفليزير دارت فيها الما سخون وهي باقيا جامدة اكيد باقي فيها بلاصتيك خدات ماطيشة حكاتها وحطاتها فديك المقيلة دارت عليها شوية زيت  ولاحت ديك الماطيشة لي قطعاات زادت شوية ديال بابريكا والبزار وزنجبيل وشوية ديال سوس حارة مع طوماط سوغيس.. خلات هادشي كيطيب شوية وزادت ديك الكفتة لي طلقات شوية كتحاول تهرسها ودوب مع السخونية ديال الطوماط لي كطيب سدات عليها وزادت تصاوب السوس لي اترافقهم خدات كسرونة دارت جوج معالق الزبدة مع نفس الكمية ديال دقيق الذرة هادشي خلاتو يتحمص وبدات كتزيد بالتدريج فالحليب مع مليحة وبزار باش تبنين فالاخير  زادت فروماج حمر مع المودزاريلا  .. كي طابت ديك سباكيتي حطاتها فبلا ديال الگرطان قبل منها خدات شوية ديال الصوص حطاتو فالارضية من بعد حطات سباكيتي  موراها ديك الكفتة مع الماطيشة ومن بعد صوص فالاخير دازت الفروماج فالوجه ودخلات كولشي لفران واحد عشرة الدقايق.. حيت سخناتو قبل..

حطو لي بلا ديالهم فطابل فالكوزينة نيت معاهم   ليموناد على حساب كلا  وحدة واش كيعجبها كي سلااو جمعو الكوزينة والماعن تحطو فلاماشين يتغسلو الخدامة كتجي مرة فالسيمانة اما الايام العاديين ليلى كتعول على راسها مكيعجبهاش كترة البشار خصوصا دومين ديالها صعيب بزاف اي حاجة واخا تكون تافهة بالنسبة لصحافة مهمة بحال والو يرشيو خدامتها تخرج ليهم اخبارها داكشي علاش كتفضل ماتحتك مع الناس بزاف