حب بطعم مر "بالدارجة المغربية"

البــــــارت 36

البــــــارت 36:

دخل عندها عاقدوهم  .. كيحاول يهدن ولكن منظن يقدر يديرها

سيلين  : صباح الورد والفل

مراد :  رتاحيتي

سيلين :  كيفاش انرتاح وانا ولدي يالله مات

مراد  : مباينا عليك متأترة

سيلين: إش تقصد بكلامك

مراد:  والو.. احم كنظن أقولك مزال معطيتيهم لبوليس

سيلين: الصراحة كنت  استناك

مراد:  السبب

سيلين: عشان ما اشهد بحبيبة القلب عندي شرط

مراد  :  ولي هو؟

سيلين  : تزوجني

" عض حنكو من الداخل ورسم ابتسامة واسعة حتى ترسمو غمزاتو  بجوج ولون عينيه الزرق بدا كيتخلط مع الحمر  .. الدليل على العصبية لي من لبارح وهو كابتها.. قرب حتى لعندها جاب وجهها قدام وجههو وشد شعرها لي كان قصير  مزير عليه نطق عاض على الحروف..

مراد :   حياتي هديك  لي كاينة فالكوميسارية ليلة كاملة وهي كتبكي بلا هادشي حالتها ماشي نورمال يعني عندها اظطرباات نفسية لو كنت باغي كنت  نخرجها من تم بكتر من مليار سبب ولكن انا بغيتها تخرج براءة  .. انا ونتي عارفين بلي ما كانت قاصدة ضربك ايدخلو دابا ياخدو شهادتك  اتقولي الحقيقة فهمتيني ياك! 

سيلين:  على أشمن حقيقة كتدوي عليها طليقتك البسيكوباط خاوية ليسونس  فالارض ديال بيتي كانت باغيا تحرقني ونتا كتقول الحقيقة اشمن حقيقة أه

مراد: " زاد تعصب كتر " واش دارتهااا  ؟! لااااا ايوا قولي داكشي لي كاين

سيلين :  كتعتابر محاولة قتل حتى لو مكانش  فنيتها دفعني ديك اللحظة ولكن كانت مخططة تحرقني هدا الاهم

مراد : سيلين  سيلييين  معارفاش راسك فأشمن جهنم طحتي" شد فكها " أقسم بلي خلقني وخلقك وتزيد ليلة وحدة فديك البلاصة حتى نعيشك الجحيم

طلق منها  وتم خارج من الغرفة متنكرش أن طيلة الحوار كانت خايفة منو خصوصا ان نظراتو ليها كيبانو بواحد القسوة عمر شافتها وزيد عليها نهار وليلة  وهو  بلا نعاس عينيه طبيعي يحمارو.. باالاعصاب كيبانو بحالا باغين يدمعو ..هضرتو  دخلات ليها مع العضم وكيفاش كيهددها  على قلبها أقل حاجة ممكن يديرها يلبق ليها شي جريمة مدايرة فيها لا بإيديها ولا برجليها وسيفطها لبلاصة لي كانت باغيا دخل نجلا..  اسهل طريقة عندو باش تخرج هي يجيب الملف صحي ديالها ويدفعو ليهم ويعرفو بلي حالتها العقلية ماشي مستقرة ولكن مباغي يفكر فهاد الحل مباغي الكل يعرفها كتعاني من الاضطرابات نفسية ويوليو ينعتوها بألفاظ لي تحطم من نفسيتها هو باغيها واخا تكون كتقطع حوايجها..  ميقدر يحطها فهاد الموقف ومباغيش يفكر فهاد الحل..

كي خرج من عندها بانت ليه مو وباه وحتى جدو گالسين تم هز ايدو ضاربها مع الحيط..

مراد:  "  بالغوات " شكوووون قال ليها بلي ليسونس كان فالارض

رانيا: " تهز قلبها من غواتو " حتى واحد

مراد:  يااااك انا قلت خاصها متعرف والو ولا سولات على البوليس قولو بلي اجراءات عادية وصافف

رانيا:  " ناضت عندو باغيا تشوف ايديو " ها ها نتا كنت كندوي مع باباك يمكن سمعاتنا انا مقلت ليها والو

جواد:"بالغوات كتر منو "   مرااااااد حتارم راسك اش هاد الاسلوب

مراد :  الى زادت ليلة وحدة أخرى عندهم أقسم بالله حتى نحرق الحزاق كامل