حب بطعم مر "بالدارجة المغربية"

البــــــارت 98

البــــــارت 98:

محسات غير بدقة من ايديه جاتها مباشرة لفخضدها  وهي عريانة غير بالبنوار ديال الحمام الدموع تحنقو ليها فعينيها بحر الدقة لي عطاها..  هزات فيه راسها سرعان منزلو كيتسابقو بعدات ايديه عليها كتشوف ففخضها لي حمار

تنسيم:  وااااش حماقيتي 

يوسف:  دايراني قرد كضحكي عليا  وأنا من نيتي عند بالي مريضة

تنسيم:  غير لبغا يضحك معاك  تفووو

" ناضت كتجري لحمام تقلب على شي حاجة  ديريها لحمها لي كتحس بيه كيوزوز بالسخونية..   شافها غادية جاية هكداك عرف راسو قصحها بزاف ناض خارج من البيت ساد الباب "

تنسيم:  اعععععععع الله يعطيك الهرس نشاء الله حيوان اه ياسيدي ياربي رجلي هيء هيء

رجعات  كتقلب على شي بوماض نزلات گاع مكياجها لا تكون حاطاها معاه لاحت كولشي فالاخير ملقات والو دخلات لحمام  .. فتحات الما بارد فالبانيو  يعمر وخشات فيه رجليها على الاقل يمنع الانتفاخ.. لحمها حساس اي دقة جاتها كتحمار وتنبل ديك المرة عطاها تصرفيقة بقات ليها البلاصة حمرة سيمانة على قدها.. مرة مرة كتنزل ليها شي دمعة كتمسحها وهي كتدعي عليه فداخلها.. ضروري ما يعيشها يومين مزيانين  ويخرجهم منها.. غمضات عينيها مزيرة عليهم  فاش شافتو هزها خارج بيها من الدوش

تنسيم:  "عاضة على سنانها "  كيف ديما تجرح وداوي

"حطها فوق الفراش  وناض هز داك  ميكة لي دار فيها تلج طلع ليها البينوار حتى بانت الدقة بلاصتها حمرة غض فمو من الداخل بغيض وحط داك الكيس على لحمها..

خدات ايديه نازلة عليها بالقمش تبرد فيه غير شوية من الحر لي دار فيها.. محنات فيه كيف ما حنش فيها.. تقصح ولكن مقال والو..

  مدة وهو حاطو حتى بان ليه بغا يدوب ناض جاب البوماضا لي خدا من عند ليلى.. دهنها ليها بلاما يدوي حتى واحد فيهم وناض خارج من البيت..

هزات الوسادة عاضة فيها حابسة صباعها  بزز باش متهرس حتى حاجة فداك البيت 

كي تهدنات شوية ناضت لبسات  حوايجها..  وسدات عليه الباب باش ميدخل لبيت ودخلات لفراش طفات الضو ونعسات

فالنص ليل كتسمع  الباب كيتزدح باغي يفتحو بقات مدة كتشوف أش ايدير فالاخير خلاه ومشا

تنسيم: تستاهل الحيوان لاخر لامربيتكش من أول وجديد مسميتيش تنسيم 

رجعات لفراشها ناعسة فيه الطول والعرض كولو ديالها فرحانة بإنجاز لي دارت