البــــــارت 65:
• إنها الأوجـاع يا عـزيزي التي جعـلتني لا اُبالي ! •
ليلى: بنتك زوينة بزاف فخبارك
قيس: عجيب هاد مكتگوليها ليها ملي كتكون فايقة
ليلى: كيعجبني نجاكر الداري الصغار
قيس: تقدري تكوني حيت كتشبهي ليهم لا!
ليلى: ههه لا مكنشبهش ليهم
قيس: مكيبانش ليا انا هادشي
ليلى: " هزات راسها فيه" الدراري الصغار كيكونو بحال الملائكة مفيهمش الشر ومكيعرفوهش اصلا بريئين لدرجة نحشم نشبه راسي بيهم
قيس: علاش نتي شريرة
ليلى: شكون فينا لي مافيهم جانب شرير من غير لابغينا نكذبو على راسنا بديك انا قلبي بيض حليب
قيس: مقصحة
ليلى: كنفضل نكون انا لي نجرح بدل الطرف المجروح
قيس: مدام قررتي تجرحي إذن سبق وتجرحتي
ليلى: وأشنو ايجرحني مثلا
قيس: ممكن الحب!
ليلى: الحب هي أكبر كذبة تختارعات باش يضحكو علينا ويوهمونا بيه وفالاخير نطلعو حتى لسما واووووب نتخبطو للأرض
قيس: نتي مجروحة كتر من داكشي لي تخيلت خيانة!
ليلى: الى كانت خيانة كنفضل نكون انا طرف لي كيخون
قيس: يعني!
ليلى: فرضياتك خاطئين نتا مكتعرفنيش امسيو قيس نهائيا
قيس: كنضن انا اول واحد ايلاحظ هاد الوجه بحال هكدا وهاد التعابير!
ليلى: تعابيري مالهم
قيس: إيديك تعرقو ونتي كتلعبي بيهم وحتى قلبك كنقدر نحس بدقاتو ورجليك لي مزاگينش ووجهك لي فكل لحظة كيعطي تعبير اما عينيك حكاية أخرى كتحاولي متشوفيش فيا وتشتتي نظرك لأي حاجة غلطت!
ليلى: تصبح على خير
قيس: غادي نعرف شكون جرحك لدرجة فقدتي تيقتك فالحب لهاد الدرجة متخافيش
ليلى: "تلافت عندو" نخاف فطريقك ونتا باغي تعرف.. طيح فهاد الحب لي مغادي تربح من موراه غير جرح فوق جرح
قيس: " وقف عندها " نعتابرو إعتراف منك؟
ليلى : على أش؟
"هز إيدو حطها على قلبها والعين فالعين "
قيس: باقي كيضرب؟
ليلى: مجاوبتنيش
قيس: قلبك مجروح بزاف مكنتش متوقعها نهائيا
ليلى: شفتي شي جروح مكيبانوش لينا بالعين المجردة
قيس: وانا علاش شفت جروحك
ليلى: حيت انا لي فصحت عليهم بإرادتي
قيس: غادي نعرف قصتك وعلاش وليتي هكدا
ليلى: مغادي تربح والو
قيس: نقدر نعطي مبرر لشخصيتك هادي لي كتجيني متناقدة
ليلى: يعني
قيس: على سبيل المثال اول مرة شفتك ضنيت غير انك فاسقة ولكن تاني مرة كتباني ليا بريئة هديك ليلى ديال ليل ماشي هي ديال النهار أشنو السبب؟
ليلى: "قربات لودنو ودوات بهمس" انا حرباية كل مرة كنبدل لوني على حساب الشخص لي معايا متيقش بزاف ماهي غير خدعة "غمزاتو" بونوي
" مشات مخلياه فحيرة من أمرو "
قيس: interesting very interesting
مثير للإهتمام
أنت تقرأ
حب بطعم مر "بالدارجة المغربية"
Mystery / Thrillerهي فكرة مني جامعة #الواقع_و_الخيال #المنطق_و_اللامنطق #الحب_و_الخيانة في آن واحد قصتي كتناول مختلف المواضيع الإجتماعية لي كتهمني أنا ونتي وهي.. ابطالها أشخاص عاديين ليسو بمتاليين لكن واحد منهم عيب هي أنانية.. متكبرة.. مغرورة.. مكتعرف...
