حب بطعم مر "بالدارجة المغربية"

البــــــارت 24

البــــــارت 24:

نهار جديد..

تنسيم :  مليت انا من هاد العيشة مليت من برودك مليت منك كاملك ماشي هدا هو الزواج لي كنت راسمة فعقلي عشر سنين أيوسف   براااااكة 

يوسف :(ببدود) مفهمتش اشنو لي معجبكش بالضبط  الحاجة قبل متحلي عليها فمك كتكون عندك  لي قلتيها كنديرها ولي مقلتيها كنديرها اشنو واقع دابا

تنسيم :   (بعصبية)  مبغييييييتش انا هاد الحيااااة مبغيتهاش مبغيتتتتش نكوووون مررتك غييير فالفرااااش  مبغيتتش دوووز معااااها سااااعات زوينييين من بعددد تقلللب وجهههك  وتنعس مبغيتش هاااادشي  م...

قبل متكمل محسات غير على طرشة عوجات ليها الحنك هبطو دموعها بلاما تحس كتشوف فكمية الذل والحگرة ابسط حقوقها متقدر طالب بيهم ماشي  هدا الراجل لي تمنات صبرات حتى عيات على ود ولدها  يتربا مع باه ومتحرموش منو ياما سكتات ومتلات الحياة السعيدة ياما رسمات ضحكة مزورة قدام  ولدها وغيريهم من البشار داك الحب كامل لي كان قبل زواج كتحس بيه مات هدا شحال لي خلاها معاه هادي سنين غير العشرة اولا الشمل لي مبغاتو يتفكك بغات ولدها يكبر فجو عائلي متوازن حتى من حق فولد اخر حرمها منو  ...

تنسيم :  طلقني

هي كلمة وحدة عمرها فكرات انها تقدر تخرجها من فمها بهاد البساطة وللأنها كتحس براسها من بعد مقالتها مرتاحة بحالا حمل كبير وتحيد على كتفها لي عارفاه ومتأكدة منو هو انه بعد الكلمة مستحيل ميحققها ليها نفسو حسن ليه منها وعشرة بحالها وهادشي لي كرهها فيه وخلاها تنطق بهاد خمس حروف لي سنين طويلة وهي كتكابر باش متوصل لنهار لتضطر  انها تقولها ليه...

يوسف :  تسناي طلاقك ابنت الناس العشرة معايا  مرارت وانا كيف سبق ووعدتك حريتك فأي وقت تقدري تاخديها

قال ليها هاد الهضرة وخرج.. زادت تجننات الى وهي هازا باغفان  من ديالو مشتتاه على المراية لي قدامها...

تنسيم : كذاااااااااااب وعدتيني  ببزاف ديال الحوايج من بينهم كاملين اتحقق ليا غير وحدة كذاااااااب كنكرههك كنكرهك هيء هيء واااااااااع  الله ياخدك ونتهنى كرهتيني فحياتي هيء هيء

محسات  الى على ولدها معنقها وكيطبطب عليها يمسح ليها دموعها بتاسمات ليه بحزن كبير ونطقات بصوت مغموم

تنسيم :  باباك مشا أأمين مشا

أمين :  شوش متبكيش دابا يرجع

بتاسمات ليه وعنقاتو  ولد واحد لي عندها تبيع الدينا كاملة ومتخليه  يتأثر بمشاكيلهم كيف ما كان راه باقي صغير  وأي حاجة شافها تقدر تأثر عليه وتنقلب ضد فشخصيتو الولاد بصفة عامة  سوا كبار او صغار نحاولو ما امكن نبعدوهم على المشاكل لي عندنا مع اي واحد كان غالبا  الاب كيضرب الام والولد كيصور فيهم. بدم بارد باش فالاخير يطلع نسخة طبق الاب ولما لا يكون اكتر منو لذلك  بعدوهم من مشاكلكم.. اما واحد نوع الاب كيعاير الام قدام الابناء باش فالغد نفيقو على الابن كيطبق نفس تصرف الاب..  نصيحة الاباء والامهات المستقبل واخا يكون وقع لي وقع واخا تكونو كضاربو بالجناوا  قدام ولادكم كونو سمن على عسل وخليو حروبكم فغرف نومكم  لأنو الولد كي كيتزاد كيكون ورقة بيضة نتوما كتكتبوو فيه ونتوما كتصنعوه على حساب تربتكم ليه والطريقة اكيد  ..  تنسيم فلحظة ضعف قالت لأمين بلي باباك خلانا ولكن اكيد ادير قدر المستطاع باش  ميتأثرش وميحسش بالفرق