البــــــارت 11:
• أحدهم يعدبها لأنها تحبه..
والأخر يسعدها لكي تحبه..•
داز الوقت طويل على كل من مراد وقيس كيتسناو شي واحد يطمأنهم على نجلا ... وهما على اعصابهم خصوصا مراد لي كيلوم نفسو وكيتمنى انو متكونش حاملة .. گالس شاد راسو بإديه باغي يقرعو حتى بانو ليه مخرجينها فبياس والاكسجين على وجهها ... سيروم فإيديها... بغا يوقف وحدة من الممرضات بانت ليه طبيبة خارجا مشا عندها ...
مراد: واش ولات بيخير البيبي بيخير
الطبيبة: اشمن بيبي؟
مراد: واش مكانت حاملة؟
الطبيبة: لا المريضة جاتها ايموغاجي بسباب دم الحيض ... لحسن الحظ فصيلة دمها متوفرة عندنا كنا غادين نخصروها لأنو نبض قلبها كان ضعيف بزاف بالنسبة لإحمرار لي كان فمنطقة العنق شكون سبابو؟
" فرح حيت مكانتش حاملة وفنفس الوقت تنهد وحدر راسو اش عندو ميگول راني شفت "طليقتي" مدخلة الزا*مل لدار وهادشي كامل ضد فيا حيت خنتها ومن غيرتي عليها كنت انقتلها "
الطبيبة: اسيدي نتا راجلها لمشاكل ماشي بالضرب كيتحلو و ليوم وصلتي مراتك لعتبة الموت تعلم تحكم فأعصابك
مراد : قلب عينيه ودخل لشومبر فين ناعسة نجلا بلاما يجاوبها...
دازت هاد ليلة كابوس عند البعض فحين البعض الاخر مجايبين لدنيا خبار كي رجعو من مشوارهم كلا واحد طلع لجناحو حتى من الخدمات مقدرو يحلو فمهم حيت حدرهم مراد باش ميقولو والو...
بدات كتحل فعويناتها شوية بشوية والشميسة لي ساطعة فيهم معنكشاها حسات بشي حاجة متقلة ليها على ايديها دورات راسها بان ليها شاد ايديها وسط ايديه مقربها لفمو وناعس عليها رجعات راسها لفوق وغمضات عينيها تحاول تفكر اشنو وقع فتحاتهم اتر شي واحد فتح الباب كانت الممرضة لي بتاسمات ليه بدورها نجلا رجعات ليها الابتسامة
الممرضة: على سلامتك امدام كيف بقيتي
نجلاء : بغات تحيد الاكسجين تجاوبها وقفاتها
الممرضة: غير خليه مكاين لاش تدوي يكفي تهزي راسك راجلك مشافش النعاس ليل كامل باينا كيبغيك بزاف الله يخليكم لبعض
نجلاء : قلبات عينيها متسوقاتش لهضرتها دماغها كيمشي غير لليلة البارح كان عند بالها ليوم ايكونو كيقراو عليها صلاة الجنازة
الممرضة : واحد الشخص على برى كيقول انو صديق ديالك حتى هو من لبارح كاين
نجلاء : تقدري تقولي ليه يدخل
الممرضة: واخا ميكون عندك باس
كي خرجات الممرضة تلافتت جيهة مراد بان ليها كاس كبير فيه الما فوق الكومودينو طولات ايديها حتى وصلات ليه محافظة على هدوئها باش ميفيقش... غي شداتو قرباتو لعندها خواتو عليه فدقة وحدة حتى فاق مدعوق
أنت تقرأ
حب بطعم مر "بالدارجة المغربية"
Misterio / Suspensoهي فكرة مني جامعة #الواقع_و_الخيال #المنطق_و_اللامنطق #الحب_و_الخيانة في آن واحد قصتي كتناول مختلف المواضيع الإجتماعية لي كتهمني أنا ونتي وهي.. ابطالها أشخاص عاديين ليسو بمتاليين لكن واحد منهم عيب هي أنانية.. متكبرة.. مغرورة.. مكتعرف...
