البــــــارت 75:
ليلى: " بادلاتو العناق مزيرة عليه " عندي غير هي لي كتصبر على هبالي
قيس: مغادي تخلينا
كمال: ليلى
دورات راسها لجيهة الصوت بان ليها جدها جاي بعدات عليه كتمسح فدموعها لي مبغاوش يحبسو هي تمسح وهما يطيحو.. جاو عندها مشات عنقاتو كتبكي
ليلى: جدي
كمال: " كيطبطب على ضهرها " أش قالو ليكم
ليلى: مزال مخرج حتى واحد
جواد: "خبط على كتاف قيس" الله يرضي عليك اولدي
مدة وهو غادي جاي .. حتى كيبان ليه عماد جاي و يطيح بوحدو ودموعو سابقينو
عماد: بنتي بنتي أش وقع ليها بنتي
كمال: عماد تهدن بحالنا بحالك
عماد: بنتي ابابا بنتي
قيس: عمي اجي كلس حتى حنا باقي معرفنا والو
جواد: عماد تهدن شوية ايكون غير الخير
ليلى: ايييه من صباح مدوا معانا حد أش واقع قولو ليا غير واش حية ولا ميتة
ناضت غادية باغا دخل عندهم شدها قيس من إيديها
قيس: خليهم يديرو خدمتهم
ليلى: منقدرش عينا بالصبر
قيس: اجي معايا تشمي الهوا شوية
كمال: سيري معاه عندو الحق
قيس: مغاديش نتعطلو
ليلى: الى سمعتو شي حاجة قولوها لينا
جواد: انشاء الله
خرجات معاه كتحس بنفسها مقطوع بحال شي حجرة محطوطة على صدرها الشتا خيط من السما كلسات قدام داك الجو لي كيتعتابر بكأبة قلبها وصوت الرعد لي مرا مرة كيسمع مجهد كيخليها تقفز بلاما تحس.. دورات وجهها القدام كتشوف فداك الشارت لي خاوي.. صوتها تنغنغ مرة تانية بالبكا
ليلى: هادي تاني مرة اتنتاحر فيها
قيس: نجلا مريضة بزاف وكتحس بالوحدة حد مفاهمها قداش كتعاني
ليلى: " تنهداات من اعماقها" غير ترجع عمري ندوي معاها ولا نعايرها لي بغاتو نديروه
قيس: محتاجاكم تبينو ليها داك الوسط العائلي لي فتاقداتو داك الحب لي مبقاتش حسات بيه معاكم وديك الوحدة لي ولات فيها.. خرجوها من قوقاعتها
ليلى: ندير أي حاجة مهم ترجع ليا ختي هيء
قيس: " دورها عندو "عينيك طيبتيهم براكة من البكا
ليلى:" شافت فيه مطولا " نقدر نعنقك
قبل متسنى جوابو تلاحت عليه كتبكي بصوت مرتافع.. مقدراش تسيطر على راسها ولا حتى على دموعها حاجة وحدة لي باغيا هي متخليهاش ختها ويوقع لي بغا يوقع من بعد
أنت تقرأ
حب بطعم مر "بالدارجة المغربية"
Mystery / Thrillerهي فكرة مني جامعة #الواقع_و_الخيال #المنطق_و_اللامنطق #الحب_و_الخيانة في آن واحد قصتي كتناول مختلف المواضيع الإجتماعية لي كتهمني أنا ونتي وهي.. ابطالها أشخاص عاديين ليسو بمتاليين لكن واحد منهم عيب هي أنانية.. متكبرة.. مغرورة.. مكتعرف...
