البــــــارت 12:
كي سمع الصوت تلافت عندها مخرج عينيه كيشوف فعينيها لي كيبانو حمرين كجغمة دم.. هبطات للأرض هزات طرف من الزاج كان طويل وحاد من للقدام تمشات حتى وقفات حداه بلاما تدوي هزات ايديها لي فيها ديك الزاجة لي كتبان ماضية حاطاها مباشرة على عنقو كتشوف فيه شوفة فشكل عمرو شافها من قبل محس غير غرسات ليه الطرف فعنقو حتى سال شوية ديال دم ..
نجلاء : مباغيش تفهم ياك ؟ مغادي تهنى حتى واحد فينا يخص واش عند بالك انرجع ليك بحالا موقع والو ههههههه مضنيتكش بحال هكدا على كل انشرح ليك بالخوشيبات على الله تفهم بلي سالينا..
مراد لدابا غير ساكت كيشوف فيها هادي تسيفات عليه مرة وحدة مبقا عرف ميدير معرف ميقول والمشكلة كيحس بعنقو كيتدبح بالعرض البطيئ كل كلمة كتخرجها من فمها كتزير عليه بالزاج لي فإيديها كتر... بتاسم بجنب فاش شافها رجعات نجلا لي كيعرف ولي بغاها عمر رضات على راسها الذل وهو هادشي لي مطيحو فيها قبل حتى ميحل عينيه فهاد دنيا ويولي يفهم ، غمضات عينيها فاش شافت بتسامتو لي ستفزاتها وزادت غرقات ليه الضربة كتر ودم بدا كيسيل شوية مجهد هزات فيه راسها بمعنى كتقلب على الموت... بعدات عليه ومشات كلسات فوق فوطوي ضورات عينيها ليه زعما گلس اش كتسنا..
نجلاء : اه قبل اتخليني نكمل هضرتي وغادي ندويو بحال جوج ديال الناس متحضرين فهمتي " متحضرين "
"هز راسو بأه زعما فهمت"
نجلاء : كتبغيني؟
" استغرب من سؤلها وجاوب.. "
مراد : مدام تزوجتك الا وكنبغيك اولا!
نجلاء : لي كيبغي مكيخونش
مراد: خنت بدافع الشهوة وخيانتي مكتجاوزش 8 سوايع
نجلاء: واشنو الفرق ماهي فالنهاية خيانة.. بغيتي علاقتنا تصلح ؟
مراد: مكرهتش
نجلاء : شحال من وحدة درتي معاها علاقة وانا مراتك؟
مراد: " هز راسو لفوق تكا على الفوتوي دوا وهو مغمض عينيه" معرفتش بزاف ماشي مرة ماشي جوج
نجلاء : انرجع ليك بشرط ، شرط واحد الى قلبتي بيه كنواعدك ننسسى كولشي ونبداو انا وياك صفحة جديدة
مراد: لي هو!!
نجلاء : شرطي يا اتوافق عليه يا...
مراد: يا ؟
نجلاء : يا اترفضو و الطريق لي دزت منها قلبها نتا حيت مبقيتش كنستحملك
مراد: إيييه وشنو هو هاد الشرط
نجلاء : نتا نعستي فالفراش مع بزاف فالمقابل انا انعس غير مع واحد وهكدا انتعادلو ونرجعو نكملو حياتها كيف قبل ولا حسن گاع
ابتاسم بالفقصة هادي اش كتقول كيفاش تنعس مع واحد اخر غيرو زعما داكشي لي عاش معاها اتعيشو مع غيرو ؟ زعما كيف هو فاش كولشي فيها واحد اخر ايشوف لي شاف سرعان مبداو كيرجعو ليه لذاكرتو لحظات من ليلة لي سلماتو راسها باش فالاخير ايصبح على واقعو المر... الدم تحقن فوجهو وهو كيتخايلها مع غيرو لي كيشكلها كيف بغا هو.... والاصوات لي المفروض هو بوحدو يسمعهم واحد اخر ايسمعهم وحتى من لخالة لي عندها فحوضها واحد اخر ايشوفها ويقبلها فيها ... ودنيه حمارو وعروق عنقو طرطقو محس براسو غير هاز ديك الطابلة لي كانت وسطهم قلبها على وجهها مع كانت من الزاج دانيا كاملة عمرات والقضية ترونات اما واحد نجلا حاطا رجل على رجل كتشوف فملاميحو كل مرة كيوليو فشكل شافتو قلب طابلة كتسناه يوصل عندها قبل ميحط ايديه عليها هزات داك الطرف ديال الزاج لي بقا فإديها كتلعب بيه وعينيها عليه
نجلاء : خديتي راحتك هاد الفترة ها مرة مصرفقني مرة خانقني "بدلات نبرة صوتها فتانية لحدة" نسيتي راسك معامن واقلة؟؟؟ كنقسم بلي خلقني وخلقك ونفخ فيها الروح الى باقي ديك الايد تهزات عليا انخوي البلاد وعمر وجهك يجي مع وجهي
مراد : " بحدة كتر من ديالها " نجلاااااا
نجلاء : اش قلنا ؟ قلنا انتهدنو وندويو بحال اي جوج اشخاص متحضرين ياك؟ ايوا خلينا ندويو وقول ليا واش اتقبل الشرط ولا لا؟؟؟
أنت تقرأ
حب بطعم مر "بالدارجة المغربية"
Misterio / Suspensoهي فكرة مني جامعة #الواقع_و_الخيال #المنطق_و_اللامنطق #الحب_و_الخيانة في آن واحد قصتي كتناول مختلف المواضيع الإجتماعية لي كتهمني أنا ونتي وهي.. ابطالها أشخاص عاديين ليسو بمتاليين لكن واحد منهم عيب هي أنانية.. متكبرة.. مغرورة.. مكتعرف...
