حب بطعم مر "بالدارجة المغربية"

البــــــارت 45

البــــــارت 45:

قيس:  أصاحبي فتح خلاص نشوفو النتيجة

يوسف:  فتح نتا حسن

قيس:   واش كتشك فتنسيم؟! باينة من الطيارة ايكون شي خطأ

يوسف:  الى مكان ولدي غادي نموت بهاد المعنى

قيس:  "طلع ليه الزعف"  أرا ديك الورقة لا ما بغيش تفتحها ونتا قربتي تبكي 

" يوسف عض شفايفو  فاتح داك الظرف قلبو يمكن أيضرب بهاد الطريقة لتاني مرة  ..  جبد الورقة كيقرا ويعاود عينيه دمعو ملي شاف التطابق بينو وبين أمين.. بحالا حياتو رجعات ليه..  كان حتى قرب لعتبة الموت وهووووب بسرعة رجع وكتاب ليه عمر جديد..

باش من بعد 11 عام ديال  الزواج تجي تلقا راسك عاگر مكتولدش ونتا عندك ولد..  راه فغيمو صعيبة واحد بلاصتو يقدر يقطع مراتو وحتى ولدو وميحس.. 

لكن هو خباها فقلبو لشهور..  وما مل ماوالو الكلينيك لي مشا ليه كيقولو ليه ميمكن تولد إدن كيفاش وقع الحمل لول.. 

قرر غدا يرجع  يعاود ليزاناليست عند دكتور أخر للمرة الرابعة والاخيرة الى طلع نفس المشكل يخوي الدولة يمشي لوحدة اخرى هاد تركيا  حتى هي بحال المغرب غير حنا ديالونا ممفاهمين وديالهم مفاهمين على  حاجة  وحدة ولكن الجواب مكامل  شي صحفة ناقصة فالكتاب أشنو هي شكون عرف!  

قيس:  دوي أصاحبي أش طلع

يوسف: "  عينيه قربو يدمعو " ولدي

قيس:   قلتها ليك

يوسف:  يقدر يكون شي خطأ! 

قيس:  الخطأ هو دوك الاطباء لي مشيتو عندهم غير سامعين بالطب قلنا ليك عندك عقم بعد الإنجاب..  كون قريتي فگوگل قبل متدوي مع تنسيم كنتي اتفهم..  ودابا حلها لا قدرتي 

يوسف:  أش وقع! 

قيس:  "لاح ليك الورقة جاتو"

يوسف:  أشنو هادي

قيس:  إستدعاء من المحكمة

يوسف:  علاش

قيس:  قرا أصاحبي قرا

يوسف:  بغات الطلاق! 

قيس:    وي

يوسف:  مقالت عيب

قيس:  أصاحبي ديك النفس حيديها شوية

يوسف:  "خبط على كتفو"  تهلا العود

قيس:  فين غادي

يوسف:  نلقا حل  لمشكيلتي

قيس:  متغبر

غالبا بعد ولادة الطفل الاول فأي عائلة..  كيتصور الرجل و حتى المرأة  انه مكاين حتى مشكل ويقدرو يولدو مرة تانية فأي وقت بغاو وبسهولة.. ولكن هادشي ماشي صحيح حيت يقدرو يوقعو تغييرات تقدر تأدي لعقم و لأن هاد المرض مكيشملش غير الرجال يقدر يصيب حتى النساء لكن غادي نركزو على العقم عند الرجال وهو  العقم بعد الانجاب او العقم الثانوي ومن الاسباب لي كتأدي ليه هي #ضعف_الخصوبة  وماشي شرط تكون بحال قبل داكشي علاش كيحتاج علاج باش يحصل الحمل وتاني سبب #الاصابة_بدوالي_الخصية وهي من الامراض  الشائعة لي ممكن تحصل ولي لازم اكيد العلاج باش يتم الانجاب #التدخين وهو من الاسباب لي كضر الخصوبة ولي كيصعاب يكون حمل خصوصا فاش  كيكون الرجل مدخنا.. وغيرها من الاسباب لي كاملين كيضرو  خصوبة الرجل وايضا الاصابة ببعض الامراض كمرض السكري والقلب باش فالاخير يكون خلل في الاداء الجنسي ..