His Personal Maid

HPM 24

Nakauwi rin kami agad dahil hindi naman kami nagtagal sa tiyanggian. Nakabili naman ako ng mga damit at ang anim na short na gagamitin ko. Bumili narin ako ng isang dosenang undies at ganun narin sa pantaas.

Yung akala ko isang Dress lang ang ibibigay sa akin ni Albert ay nadagdagan pa. Hindi ako pumapayag doon ngunit basta nalang nitong binibili kaya no choice na ako. Kung hindi ang magpasalamat. Hindi naman nito kinukuha ang perang binibigay ko dahil libre naman daw iyon.

"Pumasok kana sa loob,"Tumingin ito sa kalangitan kaya napatingin din ako doon."Hindi maganda ang panahon ngayon baka abutin ka dito sa loob."Sambit nito.

Inalalayan ako nito pababa sa motor.

"Salamat ulit!"Pagakatapos kong sabihin iyon ay nagmadali na akong pumasok sa looban ng bahay, ako na ang nagdala ng mga binili ko samantalang naman ito ay iginarahe ang motor.

Habang naglalakad ako sa looban ng bahay ay hindi matanggal ang ngiti ko.

Nakapag padala na ako ng pera sa mga kapatid ko. Naka bili narin ako ng sarili kong mga damit.

Malawak ang aking ngiti sa labi ngunit nakita ko si Annabelle at Charlotte na nag-uusap. Naramdaman yata ng dalawa ang presensya ko kaya tumingin ito sa aking gawi.

Agad na tumalim ang mga tingin nito sa akin. Kumunot ang aking noo dahil wala naman akong ginagawa pero ang mga mata ng mga ito ay parang sobrang laki ng kasalanan na nagawa ko.

"Kanina kapa hinahanap ni Sir!"Galit na sigaw ni Charlotte sa akin.

Kumunot ang aking noo dahil sa pagalit na sigaw nito sa akin, tumingin ito sa aking dalang mga pinamili sa sarili.

"Inuuna mo pa yung landi mo keysa sa trabaho mo!"Dagdag nito.

Huminga ako ng malalim dahil sa sinabi nito.

"Hindi ako lumalandi."Kalmadong sambit ko dito.

Huwag niya nalang sanang palakihin ito dahil alam kong hindi ko na naman makakaya ang sarili ko, hindi ko na naman alam ang masasabi kong hindi magaganda at baka makasakit lang dito.

"Talaga lang ah? Ano 'yan? Binigyan kalang ni Albert ng walang malisya? C'mon, I know you, gusto mo lang magatasan sila."Nakangising sambit nito sa akin.

Nainsulto ako pero mas pinili ko parin tumahimik. naglakad ako at balak na sanang hindi ito pansinin ngunit hinila nito ang aking braso at hinaltak ang aking mga binili.

"Ano ba! Akin 'yan!"Sigaw ko dito. Kukunin ko na sana yung mga nasa paper bag at eco bag ngunit hinawakan ako ni Annabelle.

Kinagat ko ang aking labi dahil sa namumuong luha at inis sa aking katawan.

"Please, Amina 'yan."Pagmamakaawa ko sa mga ito.

Ngumisi lang si Charlotte dahil sa sinabi ko, sinira nito ang paper bag na hindi kalakihan kung saan nandodoon ang apat na Dress na iba-iba ang kulay.

"Ooww,"Manghang usal nito. Tumingin ito sa akin bago ngumisi.

"P-please, wala naman akong ginagawa sa inyo ah?!"Inis na sigaw ko sa dalawa. Pinipilit kong umalis ngunit hindi ko magawa. Hindi ko magawang maka alis sa kamay ni Annabelle na ngayon ay bumabakat na ang mahabang kuko sa aking braso.

Hindi nagsalita ang dalawa, nagpupumilit parin akong makawala sa kamay ni Annabelle pero hindi talaga ako makaalis.

Tumulo ang luha ko ng lahat ng Dress na binili ko ay isa-isa nitong sinira.

"Ano bang kasalanan ko sa inyo!"Sigaw ko sa galit. Ang aking luha ay nag-uunahan ng tumulo."Ganyan naba kayo ka-insecure sa akin ah?!"Pumikit ako ng mariin pagmulat ko ay napahikbi ako."Ganyan naba kayo?! Wala akong ginagawa sa inyo!"