အဆိပ်ပြင်းသော ကြင်ယာတော်၏ ပြန်လည်မွေးဖွားလာခြင်း (BL)

ch-19 ' ငါ ပြန်လာပြီ

' ငါ ပြန်လာပြီ '

လျိုဖန်အဆောက်အဦးက ရိုးရှင်းသည့်နေရာ မဟုတ်သလို ဒီကိုရောက်လာသည့်လူတိုင်းကလည်း ရိုးရှင်းမနေပါ။ ရှန်လျန်စီးနှင်းလာတဲ့ ယာဉ်ရပ်တန့်သွားသည်နှင့်တစ်ပြိုင်နက် သန့်သန့်ပြန့်ဝတ်စားထားသည့်လူတစ်ဦး ခပ်သွက်သွက် ထွက်လာကာ တလေးတစားဖိတ်ခေါ်လာသည်။ ယခင်ဘဝမှာ အရာအားလုံးကြုံဖူးသူမို့ရှန်လျန် မည်သို့မှ မနေသော်လည်း၊ ချီယွဲ့နှင့်ချီရွှမ်းမှာ သူစိမ်းထံမှ ပထမဆုံးအကြိမ် လေးစားစွာ ဆက်ဆံခံရသဖြင့် ရှိုးတိုးရှန့်တန့်ဖြစ်ကာနေသည်။

"ဟင်? လျန်အာ... ပဉ္စမ သခင်လေးမဟုတ်လား"

ရှန်လျန်ကိုတွေ့သည်နှင့် ထိုလူမှာ အပေါ်
ဘက်သို့မော့ကြည့်သည်။ ချီယွဲ့လည်း စိတ်ရှုပ်ထွေးစွာနှင့် လိုက်မော့ ကြည့်သည်။ သို့သော် မည်သူ့ကိုမျှ မတွေ့ပေ။

"အထဲဝင်ကြစို့"

ရှန်လျန့်ရင်ထဲ ထူးဆန်းသလိုခံစားရသည်။သို့သော် ဟန်ကိုယ့်ဖို့ပြင်ကာ လျိုဖန်အဆောက်အဦးတွင်းသို့ ဦးဆောင် ဝင်လိုက်သည်။

"ကျွန်တော်က လျန်ရင်းပါ၊ ဧည့်သည်တော်တို့ဘာများလိုအပ်ပါသလဲ?"

အသက်နှစ်ဆယ်ထက်မပိုသော အခြားလူရွယ် တစ်ဦးက အပြုံးလေးဖြင့် နှုတ်ဆက်လာသည် ။ ချီယွဲ့ရော ချီရွှမ်း ပါ ဤနေရာသို့ ဘာအကြောင်းကြောင့်ရောက်လာရသည်ကိုမသိသဖြင့် ရှန်လျန်ဆီသို့ တစ်ပြိုင်တည်း လှည့်ကြည့်ကြသည်။

"တစ်စုံတစ်ခုကို ရောင်းချင်လို့ပါ"

ဆိုင်ထဲမှ ခမ်းနားတဲ့အပြင်အဆင်ကိုတစ်ချက်ဝေ့ကြည့်ပြီးနောင် ရှန်လျန်ဖြေသည်။

"ဒါဆို ဧည့်သည်တော် ... ဒီဘက် ကြွပေးပါခဗျ..."

ဒီဧည့်သည်နှင့် စဆုံကတည်းက ဤဆိုင်အကြောင်း သိပြီးသူမှန်း ခန့်မှန်းမိသည်။

လျန်ရင်းမှာ ယဉ်ကျေးသမှုဖြင့် အထူးဖန်ပြင်တံခါးများရှေ့သို့ဦးဆောင်ခေါ်လာကာ ရောင်းမည့်ပစ္စည်း ကိုထုတ်ပြရန် တောင်းဆိုသည်။

"ဧည့်သည်တော် ဘယ်ပစ္စည်းကိုများရောင်းချချင်ပါသလဲ၊ ကျွန်တော့်ကို ကြည့်ရှု ခွဲခြားခွင့်ပြုပါဗျ"