အဆိပ်ပြင်းသော ကြင်ယာတော်၏ ပြန်လည်မွေးဖွားလာခြင်း (BL)

ch151 လှုပ်ရှားမှု ဘာရှိလဲ

'လှုပ်ရှားမှု ဘာရှိလဲ'

"ဦးလေးဖု ယွင်ရှီးကို ဇနီးရှာ‌ပေးတော့မှာလား"

ရှန်လျန် ဖေးယွမ်ရွှင်းနဲ့ စကားဆက်မပြောတော့ပဲ ဖုရင်ကိုမေးလိုက်သည်။ ဖေးယွမ်ရွှင်းက ဝင်မနှောင့်ယှက်ပေ၊ ထိုအစား စိတ်ထဲကနေ တေးထားလိုက်သည်။ သူနဲ့ရှန်လျန် သားဦး အရင်ဆုံးမွေးလာမယ်ဆိုရင် ဟော်ရဲ့လင် ရဲ့သားထက် အရင်ဆုံး ‌သူ့သားကိုချွေးမရှာပေးမယ် ။

"ဟင်?"

ရုတ်တရက် သူ့နာမည်ခေါ်လာမယ်မထင်ထားတာကြောင့် တာ့ပေါင်ကိုခေါ်ထားတဲ့ ဖုရင်က ခေါင်းမော့လာပြီးနောက် ...

"ယွင်ရှီးက မငယ်တော့ပေမယ့် အသက်ဆယ့်ရှစ်ပဲရှိသေးတာဆိုတော့ နောက်နှစ်နှစ်လောက်မှ ရွေးချယ်လည်း နောက်မကျသေးပါဘူး၊ လျန်လျန့်ကိစ္စက ပိုအရေးကြီးတယ်"

ချင်တိုင်းပြည်တွင် ကျား၊မ မရွေး အသက် ဆယ့်ငါးနှစ်ဆို အိမ်ထောင်ပြုနိုင်ပြီဖြစ်၏။ အထူးအခြေအနေတစ်ချို့ရှိပါက အထူးသဖြင့် မိသားစုအခြေအနေချို့တဲ့လျှင် အသက်ဆယ့်နှစ်၊ဆယ့်သုံးနဲ့ အိမ်ထောင်ပြု၍လည်းရ၏။ အမှုထမ်း၊အရာရှိ သားသမီးများကိုတော့ အသက်ဆယ့်ရှစ်နှစ်နဲ့ အိမ်ထောင်ချပေးတာများ၏။

ပို၍ အင်အားကြီးသော မိသားစုမှဖြစ်လျှင် အလျင်မလိုပဲ နောက်နှစ်နှစ်လောက် နောက်ဆုတ်တတ်သေး၏။ သို့နှင့် ကလေး အဖေစဖြစ်လျှင် ခင်ပွန်း၏အသက်က နှစ်ဆယ်ဝန်းကျင်နှင့် အမျိုးသမီး၏အသက်က ဆယ့်ခုနှစ်၊ ဆယ့်ရှစ်နှစ်ဝန်းကျင်ရှိတတ်၏။

"ကောင်းပြီ"

ရှန်လျန် ခေါင်းငြိမ့်၏။ ဖုရင် စိတ်ထဲ ထူးဆန်းနေသဖြင့် မနေနိုင်ပဲ မေးလိုက်သည်။

"လျန်လျန် ဒီအကြောင်းဘာလို့မေးတာလဲ"

"ဒီတိုင်းမေးကြည့်တာပါ"

မသေချာပဲ ရှန်လျန်က ထုတ်မပြောချင်၊ သို့ပေမယ့် ယခုအခ်ျန်ကတည်းက ဖုရင်နဲ့ ရှဲ့ယန်တို့ချင်းတွေ့ဖို့အခွင့်ရေးရှာပေးနိုင်မယ်ဆိုရင် ရှဲ့ယန်က လူကောင်းမှန်းသိပြီး နှစ်ယောက်သားအဆင်ပြေပြီး ပျော်ပျော်ရွှင်ရွှင် ပေါင်းဖက်သွားနိုင်သည်ကိုမြင်ရလေမလား....