အဆိပ်ပြင်းသော ကြင်ယာတော်၏ ပြန်လည်မွေးဖွားလာခြင်း (BL)

ch-56 'ရှန်လျန်ရဲ့ အရည်အချင်းကို ထပ်စမ်းသပ်ပြီ

'ရှန်လျန်ရဲ့ အရည်အချင်းကို ထပ်စမ်းသပ်ပြီ'

ကျင်းရှီယန်နဲ့ ဖေးယွမ်ရွှင်းရဲ့ယှဉ်ပြိုင်မှုတွင် ပြတ်ပြတ်သားသား ပဲ ကျင်းရှီယန် ရှုံးနိမ့်ခဲ့သည်။ သို့ဖြစ်ရာ အဖိုးတန်လှပသည့်ရှေးဟောင်းပစ္စည်းတစ်ခုကို လှူဒါန်းပေးခဲ့သည်။ သူတို့နှစ်ဦးပါဝင်ဆင်နွှဲလိုက်တာကြောင့် အလှူပွဲတော်ကပိုပြီးအသက်ဝင်လာသည်။ သခင်လေးများနှင့် သခင်မလေးများက သူတို့အိမ်တော်၏ဂုဏ်သရေညှိုးနွမ်းမည်ကို မူလကစိတ်ပူနေကြသော်လည်း ယခုတော့ စိတ်အေးသက်သာရာရကာ တစ်ဦးပြီးတစ်ဦးယှဉ်ပြိုင်ရန် ပေါ်ထွက်လာကြသည်။

မည်သူမဆို ကိုယ့်အတတ်ပညာ အရည်အချင်းကိုအကောင်းဆုံးထုတ်ပြရမည့်အစား ရှန်လျန်နဲ့ ကျန်းအိမ်ကမိန်းကလေးလို ဂုဏ်သိက္ခာအတွက် ယှဉ်ပြိုင်တိုက်ခိုက်ရခြင်းများ ထပ်ဖြစ်မည်ကိုစိုးရိမ်ကြသည်။

မည်သို့ပင်ဆိုစေ ကျန်းမိန်းကလေးက ဥပမာကောင်းဖြစ်သွားသည် ထင်၏။ နာရီ အနည်းငယ်ကြာသည်အထိ မည်သူမျှ ရှန်လျန့်အား ထပ်စိန်ခေါ်လာသူမရှိချေ။ ထို့ကြောင့် အနည်းနှင့်အများ ဝေဖန်နေသူများ၏အကြည့်မှ လွတ်မြောက် ကာ စိတ်အေးလက်အေး နေနေရ၏။

"သခင်မလေးရဲ့ လက်ရေးအလှ က အတော် လှပတာပဲ.. တစ်ခြားသူတွေတော့ တုန်လှုပ်နေလောက်ပြီ"

"အဲ့လိုပဲဖြစ်နေရမယ်လေ.. ငါတို့သခင်မလေးရဲ့လက်ရေးနဲ့ အတွက်အချက်ပညာက အကောင်းဆုံးပဲ"

"အကောင်းဆုံးတဲ့လား? ဘယ်သူ့ကိုလာနောက်နေတာလဲ? သခင်မလေးက သခင်လေး၅ရဲ့ ပန်းချီ ပညာကိုမယှဉ်နိုင်လောက်ဘူးလို့ ‌ပြောနေကြတာ မကြားမိဘူးလား?"

"လုကျစ်.. နင်ဘာပြောလိုက်တယ်?"

"ငါပြောတာ မှားလို့လား? သခင်မလေး ရဲ့ လက်ရေးက မလှဘူးလို့ ငါမပြောပါဘူး... ဒါပေမယ့် နင် သူ့မျက်နှာကိုမတွေ့ဘူးလား.. ပျော်နေတဲ့ပုံမပေါက်ဘူး"

လူတစ်ချို့က အလှူပွဲကျင်းပရာနေရာမှ ဝမ်းကျန်းမာရေး ဖြေရှင်းရန်ထွက်လာကြသည်။ တိုက်တိုက်ဆိုင်ဆိုင်ပင် ရှန်ကျင်း၏ အစေခံများက အကြွားသန်နေကြရာ ရှန်ချောင်၏အစေခံ လုကျစ်က ဝင်ပြောပြီး အောင်အောင်မြင်မြင် ဖြတ်သန်းသွားကာ မည်သည့်အနှောင့်အယှက်မှ မဖြစ်ခဲ့သကဲ့သို့ပင်။ ရှန်ကျင်း၏အစေခံနှစ်ယောက်မှာ ရှက်စဖွယ်အနေအထားနှင့် ကျန်ရစ်ခဲ့သည်။