'ရှန်လျန်က ကိုယ့်သေတွင်းကိုယ်တူးနေတယ်'
လင်းယွီချိန် ယှဉ်ပြိုင်ချင်တဲ့ ကစားနည်းက တုတ်ချောင်းပစ်တာလောက်လွယ်မနေဘူး ။ မြှားပစ်ပြိုင်မှာလေ.. အဲ့ဒါကို ရှန်လျန် တစ်ကယ် သဘောတူချလိုက်တယ်လား?
ရှန်လျန့်ဘက်က လူတွေမပြောနဲ့ သူ့ကို မနာလိုနေတဲ့သူတွေတောင်မှ ဒီယှဉ်ပြိုင်ပွဲက ဆွံ့အသွားစေတယ်...
လင်းယွီချိန် ဆိုတာ စစ်မြေပြင်မှာ ကြီးပြင်းလာပြီး ငယ်စဉ်ကတည်းက ကိုယ်ခံပညာအတတ်တွေကို ရင်းနှီးနေတဲ့သူဖြစ်ပြီး လေးနှင့်မြှားဆိုတာ ကျွမ်းကျင်တဲ့ပညာရပ်ဖြစ်မှန်း စကားထဲ ထည့်ပြောစရာပင် မလိုအပ်။ သို့သော် ရှန်လျန်မှာမူ မျက်နှာသာ ပေးမခံရတဲ့သားတစ်ယောက်... ကံကြမ္မာဖတ်သူတွေကြောင့် တောရွာမှာ အသက်ဆယ်နှစ်အရွယ်ထဲက ရုန်းကန်နေခဲ့ရတဲ့သူဖြစ်ကာ မြို့တော်ဆီ ပြန်ရောက်လာတာမှ လအနည်းငယ်သာ ရှိသေးသည်။ ဒီလိုပုံစံနဲ့ လင်းယွီချိန် ကို ယှဉ်ရဲသေးတာလား?
လူအုပ်ဟာ ရှန်လျန်ရဲ့ သဘောတူညီမှုကြောင့်သာမက တည်ငြိမ်နေတဲ့ဟန်ကြောင့် လည်းအံ့အားသင့်နေကြသည်။
ကျန်းမိန်းကလေးကို အနိုင်ယူခဲ့တဲ့အချိန်ကပုံစံနဲ့ သိပ်မကွာဘူး...အရပ်မြင့်မြင့်နဲ့ ပိန်ပါးတဲ့ခန္ဓာကိုယ်က ထောင်လွှားနေခဲ့ပြီး နူးညံ့လှပသည့်အသွင်အပြင်က အနည်းငယ်သော်မျှ ပျက်ယွင်းသွားခြင်းမရှိခဲ့။ သူ့မျက်ဝန်းအိမ်က ရေပြင်လိုတည်ငြိမ်နေပြီး အကြောက်တရားတွေ မပေါ်အောင် ကာကွယ်ပေးနေသကဲ့သို့ ဖြစ်၏။
"သူ့ကိုယ်သူ တော်သလိုတတ်သလို လုပ်နေတာ၊ သူ့မှာ လျှို့ဝှက်ချက်တွေဘာတွေရှိနေမယ်လို့ ငါတော့မယုံဘူး"
ရှန်လျန်က ထပ်စိန်ခေါ်ခံလိုက်ရတာကြောင့် အားလုံးရဲ့ အာရုံစိုက်မှုကို တစ်ဖန်ပြန်ရလိုက်ကတည်းက ရှန်ချန် စိတ်မကြည်တော့ပေ။ လျိုရှုဟန်က ကိုယ့်ဇာတ်ကိုယ် မထိန်းနိုင်ပေမယ့် လင်းယွီချိန်ကတော့ မတူဘူး.... မတော်တဆ ရှန်လျန်ကို သတ်မိသွားလည်း ဘယ်သူမှ အပြစ်ပြောကြမှာ မဟုတ်ဘူး မလား?
YOU ARE READING
အဆိပ်ပြင်းသော ကြင်ယာတော်၏ ပြန်လည်မွေးဖွားလာခြင်း (BL)
Historical FictionCh197ကစပြီး book 2 ဖြစ်သွားပြီနော် Author 颜若优雅 Ch-551,extra 8 To original uploader.... Not my own and sorry for this, I'm just sharing...the novel. . .
