အဆိပ်ပြင်းသော ကြင်ယာတော်၏ ပြန်လည်မွေးဖွားလာခြင်း (BL)

ch-60 အဆုံးသတ်မှာ စိတ်အေးသွားရပြီ

'အဆုံးသတ်မှာ စိတ်အေးသွားရပြီ'

ပထမဆုံး မြားပစ်ဖူးတာတဲ့လား?

လင်းယွီချိန် မယုံပေမယ့် သူတို့နှစ်ဦးက ရင်းနှီးကြသူတွေလည်း မဟုတ်တော့နှိုက်နှိုက်ချွတ်ချွတ် မမေးမြန်းခဲ့ပါ။

"ဖြစ်နိုင်ရင် ငါ မင်းရဲ့ ရန်သူထက် မိတ်ဆွေပဲဖြစ်ချင်တယ်"

ရှန်လျန်ရဲ့ ရန်သူဖြစ်ရတာ ကြောက်စရာကောင်းတယ်..

သူက ကိစ္စ တစ်ခုကို သဘောပေါက်လွယ်တဲ့သူ ဖြစ်ပြီး ဖြစ်သင့်တာကိုဦးစားပေးမည်ဖြစ်သည်။ ဖြစ်ပျက်သမျှ ကို စဉ်းစားကြည့်ရင် ရှန်လျန့်ရန်သူဖြစ်ရခြင်းထက် ‌မိတ်ဆွေဖြစ်ခြင်းက ပျော်ရွှင်မှုကို ယူဆောင်လာပေးလိမ့်မည်။

"ခင်ဗျားသာ တစ်စုံတစ်ယောက်ရဲ့ မျက်နှာစစ်ကို မမြင်နိုင်သေးဘူးဆိုရင် ကျွန်တော်တို့တွေ မိတ်ဆွေ ဖြစ်မလာနိုင်မှာပဲ စိုးရိမ်မိပါရဲ့"

ရှန်လျန် အဓိပ္ပာယ်ပါပါပြုံးလိုက်ပြီး နှုတ်ခမ်းတစ်ဖက်က ပြုံးလိုက်သည်။

"ဘာကိုဆိုလိုတာလဲ?"

လင်းယွီချိန်မျက်မှောင်ကြုံ့သည်။

သို့သော် ရှန်လျန်က သူ့ကိုအရေးစိုက်မနေတော့ပဲ ဖြတ်လျှောက်သွားကာ ‌လက်နှစ်ဖက်ကို ရှေ့သို့ဆန့်ထုတ်ကာ အချင်းချင်း ဆုပ်ကိုင်၍ဂါရဝပြု၏။

"မင်းသမီးကြီးနဲ့ သွမ့်ကျွမ်း မြို့စား ခင်ဗျ.. ကျွန်တော်က နှစ်ကြိမ်တိုင်တိုင် စိန်ခေါ်ခံရပြီး တစ်ဖက်လူတွေကို မကျေမနပ်ဖြစ်စေခဲ့ပါတယ် အဲ့ဒီအတွက် ကျွန်တော့်ဘက်က တောင်းပန်တဲ့အနေနဲ့ ဆန်စပါး ရှီတစ်ထောင် ကိုလှူဒါန်းချင်ပါတယ်... မင်းသမီးကြီးနဲ့ သွမ့်ကျွမ်း မြို့စားတို့ ကျွန်တော်မျိုးကို ခွင့်လွှတ်ပေးကြဖို့ မျှော်လင့်မိပါတယ်" *တစ်ရှီ- လီတာ တစ်ရာ*

သူ့စကားလည်းဆုံးရော ခန်းမတစ်ခုလုံး အုတ်အော်သောင်းနင်း ဖြစ်ရပြန်သည်။ ဆန်စပါးရှီတစ်ထောင်တဲ့! ချမ်းသာတဲ့မိသားစုက
ဒီပမာဏက သိပ်မပြောပလောက်ပေမယ့် ယခု လှူတဲ့သူက ရှန်လျန်လေ..သူ့အိမ်တွင်းရေးကို မသိသူ ဘယ်သူရှိလို့လဲ... လူချမ်းသာ သားသမီးတွေတောင် တစ်လလုံးမှ အများဆုံး ငွေတစ်ရာ သာ ရသည်။ ဒီလောက်များတဲ့ ဆန်ပမာဏကို မြို့တော်ရဲ့ ဘယ်နေရာမှာ သွားဝယ်မလဲ.. ယခုတလော မိုးများတာကြောင့် နေ့စဉ်နဲ့အမျှ ကုန်ဈေးနှုန်းကတက်နေသေးသည်။ ဆန်စပါးရှီတစ်ထောင်က လွယ်လွယ်ရနိုင်မည်မဟုတ်....ထို့အပြင် ရှန်လျန်က ဒီပွဲမှာ စိန်ခေါ်ခံရသူဖြစ်ပြီးအနိုင်ရခဲ့သူကလည်း သူပင်... တောင်းပန်သည့်အနေနဲ့ လှူဒါန်းစရာမလိုအပ်ပါချေ။