ချစ်ခင်ပွန်း ( ဘာသာပြန် ) [ ဒုတိယမြောက် ]

အပိုင်း ၁၀၁ ( The President 1 )

ဥက္ကဌ

တိုက်ခန်းက သေးငယ်သည်။ သို့သော်ငြား အခန်းတွင်း အပြင်အဆင်က အလွန်နွေးထွေးပြီး ဇိမ်ကျသည်။

အတွင်းပိုင်းအလှဆင်မှုပုံစံကား ယနေ့ခေတ်တွင် *ရေပန်းစားသော Scandinavian စတိုင်ပုံစံ ဖြစ်သည်။ ဧည့်ခန်းရှိ ဝါညိုနုရောင် ဆိုဖာသည် မကြီးမားချေ။ ၎င်းအပေါ်တွင် နူးညံ့ပျော့ပျောင်းသော ခေါင်းအုံးအနည်းငယ် ရှိသည်။ ဆိုဖာနှင့် မျက်နှာချင်းဆိုင်တွင် ကြီးမားသော တီဗီတစ်လုံး ရှိ၏။ တီဗီအောက်တွင် အခွေများ အများအပြား ရှိပြီး စတီရီယိုတိပ်ခွေများလည်း ရှိသည်။ တီဗီဘေးရှိ သစ်သားစင်ပေါ်ရှိ *တွဲလောင်းကျသစ်ခွပင် ပန်းအိုးတစ်အိုးမှာ အလွန်သန်စွမ်းစွာ ကြီးထွားနေပြီး အကိုင်းအခက်များစွာကို တွဲလျားချထားလျက်ရှိသည်။

**

ယန်ကျင်းဇီ ဆိုဖာပေါ်တွင် နိုးလာသည်။ ဤခန္ဓာကိုယ်ဟာ ယခင်က ဆိုဖာပေါ်တွင် အိပ်မောကျခဲ့ခြင်း ဖြစ်နိုင်သည်။ သူ့ခန္ဓာကိုယ် အနည်းငယ် ကိုက်ခဲနေလေသည်။

ဒါ ဘယ်နေရာလဲ?

ယန်ကျင်းဇီသည် ရုတ်ချည်းထရပ်လိုက်ပြီး ဧည့်ခန်းဘေးနားရှိ ဆင်ဝင်ပေါ်တွင် မှန်တစ်ချပ် ရှိကြောင်းကို သတိထားမိလိုက်သည်။ သူသည် လမ်းလျှောက်‌သွားသောအခါ အလွန်ခွန်အားမဲ့သည့်ပုံပေါ်လျက် တွန့်ကြေနေသည့် ဝတ်စုံကို ဝတ်ဆင်ထားသည့် မျက်လုံးအောက်များတွင်လည်း အနက်ရောင်မျက်လုံးအိတ်များ ရှိနေသော လူငယ်တစ်ဦးကို မှန်ထဲတွင် တွေ့လိုက်ရသည်။