Unicode ver
''Ring! Ring!´´
တစ်ခေါက်ပြီးတစ်ခေါက် ဆက်တိုက်ဆိုသလိုအဝင်ပြနေသည့်ဖုန်းကောလ်တွေအား ကောင်းကင်သတိမပြုမိပေ။ဒီနေ့ကoutdoor sceneရိုက်ကူးရေးမို့ shootingမှာလူတွေလည်းများပြီး သူကိုယ်တိုင်ကလည်း အလုပ်မှာစျာန်ဝင်သွားတဲ့အခါ ဘေးကိစ္စတွေကိုမေ့သွားတတ်သည်ပင်။
သည်လိုနှင့်အချိန်ဟာညနေပိုင်းသို့ရောက်သွားခဲ့၏။ဒါတောင် အလုပ်ကအဆတ်မပြတ်သေး။တစ်ခါတစ်လေဆို မိုးလင်းပေါက်အထိတောင် မအားတဲ့အခါတွေရှိသည်မို့ ထူးထွေစွာတော့ပင်ပန်းမနေပါ။သူက အခုလိုCameraတွေ၊Lighting controlတွေကြားကစီမံခန့်ခွဲသူဘဝကို အနှစ်သက်ဆုံးမဟုတ်လား။
''ok! ရပြီ Lightingချိန်းမယ်
ဒါပြီးရင် 20mins out´´အဖွဲ့ကိုခဏလေးအနားပေးလိုက်ပြီးမှ သောက်နေကျgreen teaဗူးလေးကိုကိုင်ကာ တစ်ဖက်သို့လမ်းလျှောက်လာခဲ့ရင်း ကားပေါ်မှာထားသည့်ဖုန်းကိုလှမ်းယူလိုက်သည်။အလုပ်လုပ်နေစဥ်ဖုန်းပြောရတာကို သူ,မကြိုက်ပေ။တစ်ခါတစ်လေများဆို စက်ပါပိတ်ထားပစ်သည်အထိ။
''ကျစ်!´´
ဖုန်းကိုဖွင့်ကြည့်သည်နှင့် မြောက်များစွာသောခေါ်ဆိုခြင်းတွေကဆီးကြိုနေသည်မို့ စိတ်တွေရှုပ်ထွေးသွားရ၏။အဲ့ဒီအိမ်ကဖုန်းတွေဆို သူတော်ရုံနဲ့ကိုင်လေ့မရှိပါဘဲ အမြဲတမ်းခေါ်နေတော့တာ။
ဖုန်းကိုကားထဲပြန်ပစ်ထည့်လိုက်ပြီး အလုပ်ဘက်သာ အာရုံစိုက်လိုက်တော့သည်။နောက်ထပ်နာရီအနည်းငယ်ကြာမှ ရိုက်ကူးရေးကိုအဆုံးသတ်ကာ အိမ်သို့ပြန်လာခဲ့၏။ဆောင်းကာလဟာ ဒီနှစ်မှာတော့ အသက်ဝင်တယ်ပြောရမည်။သူပြန်လာတဲ့လမ်းတစ်လျှောက် အနည်းငယ်အေးစိမ့်စိမ့်ရှိပြီး အိမ်ရောက်တော့လည်း အန်တီမြင့်ကအနွေးထည်နှင့်...။
''အစ်ကိုလေး
ပြန်လာတာနောက်ကျလိုက်တာ´´''အင်း အလုပ်ကအခုမှပြီးလို့´´
''ဒါနဲ့မမလေးရောဟင်´´
''ကျွန်တော်ဘယ်သိမှာလဲ
သူ့အခန်းမှာသွားရှာလေ´´''မဟုတ်ဘူး မမလေးကအိမ်မှာမရှိဘူးလေ´´
စကားဆုံးသည်နှင့် ညာဖက်လက်ကနာရီအား သူတစ်ချက်ငုံ့ကာကြည့်လိုက်သည်။ည၉နာရီထိုးခါနီး။
YOU ARE READING
💞'အမုန်းတော်ခံ မိန်းမသား'💞 (Completed)
Romance''ခြားနားခြင်းတွေ ဘယ်လောက်များလည်း... နာကျင်ခြင်းတွေ ဘယ်လောက်များလည်း... အရာရာဟာ ပြောင်းလဲသွားခဲ့လည်း... နှလုံးသားတွေ မပြောင်းလဲခဲ့တဲ့အခါ ကိုယ်တို့ကျိန်းသေထပ်ချစ်နိုင်ကြတယ်....၊ မိုင်ပေါင်းများစွာ ဝေးကွာခဲ့ရလည်း ဒီနှောင်ကြိုးတွေဟာဖြင့် ဘယ်အခါမှ မပြယ...