Unicode ver
ခပ်ဖျော့ဖျော့အလင်းငယ်သာရှိသောအခန်းထဲငြိမ်သက်စွာထိုင်နေသည့်ပုံရိပ်တစ်ခု...။
လူကငြိမ်နေပေမယ့် အတွေးများကတော့ငြိမ်သက်မနေကြောင်း မှေးကျဥ်းကျဥ်းမျက်ဝန်းတို့ကသက်သေပြုနေသည်။ပြီးတော့ လက်ကြားထဲညှပ်ထားသောစီးကရက်အား မကြာခဏရှိုက်ဖွာရင်း မီးခိုးငွေ့တွေကို အဓိပ္ပာယ်မဲ့စွာငေးကြည့်လိုက်သေး၏။
တရုတ်ပြည်။
တရုတ်ပြည်နယ်စပ်...။ဟုတ်တယ် အဲ့ကလေးမက ထိုပိုင်နက်မှာပျောက်သွားခဲ့တာပဲ။မှောင်ခိုအဖွဲ့နဲ့ထည့်ပေးလိုက်တုန်းက ပြည့်တန်ဆာတန်းလျားမှာအစေခံလုပ်ခိုင်းဖို့...။အဲ့နေရာကနေဆို သေမှလွတ်မြောက်နိုင်မှာလေ...။ဒါပေမဲ့ကလေးကလမ်းမှာ ထွက်ပြေးသွားခဲ့တာ။သူများနိုင်ငံဆိုတော့ ဘယ်မှမသွားတတ်ဘဲလမ်းဘေးမှာသေသွားလိမ့်မယ်ဆိုပြီး ဒီကလေးကိုလျှော့တွက်ခဲ့မိတာ မှားချေပြီလား။''ဟူး!!´´
သက်ပြင်းတွေအကြီးအကျယ်ချနေမိရပြန်သည်။
မတွေးချင်တော့ဘူးဆိုခါမှ ထိုအတိတ်ဟောင်းကသူ့ကိုနှိုးဆွနေလေပြီ။မြပယင်းရဲ့အမှတ်အသားထွက်ပေါ်လာတာ သူ့အတွက်သေမိန့်လိုပဲ။နာကျင်စရာကောင်းတယ်။အသက်ရှူကျပ်တယ်။ဒါကို ဘယ်သူကပို့လိုက်တာဖြစ်မလဲ။ပတ္တမြားနဲ့နှင်းဆီ...။အဲ့ဒါကအမွေခံမျိုးဆက်တွေမှာသာရှိတဲ့အရာလေ...။
''ဒေါက် ဒေါက်´´
''ဝင်လာ´´
''အစ်ကိုကြီး ဘာလို်ဆေးလိပ်တွေပြန်သောက်နေတာလဲ ကျန်းမာရေးကမကောင်းဘဲနဲ့´´
''ဘာစုံစမ်းလို့ရခဲ့လဲ´´
''အဲ့ကောင်လေးကသိပ်လျင်တယ်
ကျွန်တော်တို့သူ့ကိုရှာမတွေ့တော့ဘူး´´''ငါ့ကိုသိစေချင်တာပဲ
တကယ်ဆို သူတိတ်တိတ်လေးစုံစမ်းလို့ရလျက်နဲ့ တမင်ကိုယ်ယောင်ပြသွားတာ´´''ကျွန်တော်တို့ဘယ်လိုဆက်စုံစမ်းကြမလဲ
သူက ဘယ်သူများဖြစ်နေမလဲ´´''သူက ဘယ်သူမှမဟုတ်ဘူး
သူ့ကိုခိုင်းတဲ့သူကသာ...´´''မဟုတ်မှ ဟိုကောင်မလေးမသေဘူးလား?´´
ESTÁS LEYENDO
💞'အမုန်းတော်ခံ မိန်းမသား'💞 (Completed)
Romance''ခြားနားခြင်းတွေ ဘယ်လောက်များလည်း... နာကျင်ခြင်းတွေ ဘယ်လောက်များလည်း... အရာရာဟာ ပြောင်းလဲသွားခဲ့လည်း... နှလုံးသားတွေ မပြောင်းလဲခဲ့တဲ့အခါ ကိုယ်တို့ကျိန်းသေထပ်ချစ်နိုင်ကြတယ်....၊ မိုင်ပေါင်းများစွာ ဝေးကွာခဲ့ရလည်း ဒီနှောင်ကြိုးတွေဟာဖြင့် ဘယ်အခါမှ မပြယ...