တရိပ်ရိပ်မောင်းဝင်လာသော ကားအဖြူလေးသည် Rit Emperorရဲ့ကျယ်ဝန်းခမ်းနားလှသောဆေးရုံဝန်းကြီးထဲ နေရာယူလို်က်ပြီးနောက် သည်းသက်ကားပေါ်မှခပ်ဖြေးဖြေးဆင်းခဲ့သည်က လေးလံသောခြေလှမ်းလေးများနှင့်...။
ရွှေကျေးငယ်ရှိနေတယ်ဆိုတဲ့ ဒီနေရာကိုလာခဲ့ခြင်းက လွန်လေပြီးသောအဖြစ်အပျက်တွေကို ရင်ထဲကအစိမ်းလတ်လတ်ပြန်ဆွဲထုတ်ရတာမို့ မသက်မသာဖြစ်မိသော်လည်းမတတ်နိုင်။သည်းသက်ဒီနေရာကိုလာဖို့ဆုံးဖြတ်ခဲ့ပြီး လူတစ်ယောက်ရဲ့နောက်ဆုံးသောဆန္ဒပါလို့ခေါင်းစဥ်တပ်ခဲ့တဲ့တောင်းဆိုချက်ကိုလိုက်လျောမည်။အထူးသဖြင့် ဒေါက်တာမြသက်လယ်ကိုနောက်တစ်ကြိမ်တွေ့ချင်သည်။မာမီက အခုချိန်မှာသည်းသက်သိချင်နေတာတွေကို ပြန်ရှင်းပြဖို့နေနေသာသာ စကားပင်ဖြောင့်အောင်ပြောတာမဟုတ်။ဒီတော့ အစရှာရဖို့အရေးက ဒီအမျိုးသမီးပဲရှိတာမဟုတ်လား။
''မင်္ဂလာပါ
ဘာများလိုအပ်ပါလဲရှင်´´''ဒီဆေးရုံက နှလုံးအထူးကုပါရဂူDr.မြသက်လယ်နဲ့တွေ့ချင်ပါတယ်´´
''booking noယူထားပါသလားရှင်´´
''မယူထားပါဘူး´´
''ဟုတ် ဒါဆိုခဏလေးစောင့်ပါနော်´´
''သမီး!´´
Receptionကမိန်းကလေးဖုန်းဆက်အကြောင်းကြားမည်အပြုမှာတင် အနောက်ဘက်မှခေါ်သံတစ်ချက်ကြားရလေ၏။သည်းသက်လှည့်ကြည့်တော့ ကြက်သွေးရောင်မြန်မာဝတ်စုံဝမ်းဆက်လေးပေါ်မှ ဂျူတီကုတ်အဖြူကိုထပ်ဝတ်ထားသော ထိုအမျိုးသမီးဟာအနားသို့ရိပ်ခနဲရောက်လာပြီး...
''သမီးတကယ်ပဲရောက်လာတယ်နော်
အန်တီကျေးဇူးတင်လိုက်တာကွယ်´´''ရပါတယ်အန်တီ ဒါပေမဲ့သမီးလာခဲ့တာက ရွှေကျေးငယ်ကိုတွေ့ဖို့ထက် အန်တီနဲ့စကားနည်းနည်းပြောချင်လို့ပါ´´
''အေးပါကွယ်
အရင်ဆုံးတော့ အန်တီနဲ့ခဏလိုက်ခဲ့နော်´´လက်ဆွဲခေါ်တော့ သည်းသက်ခေါင်းတစ်ချက်ငြိမ့်ပြလိုက်၏။တစ်ခုကိုလိုချင်ရင် ကိုယ်ကလည်းတစ်ခုကိုလိုက်လျောရမည်ဆိုတာ သဘာဝကျပါသည်။
ESTÁS LEYENDO
💞'အမုန်းတော်ခံ မိန်းမသား'💞 (Completed)
Romance''ခြားနားခြင်းတွေ ဘယ်လောက်များလည်း... နာကျင်ခြင်းတွေ ဘယ်လောက်များလည်း... အရာရာဟာ ပြောင်းလဲသွားခဲ့လည်း... နှလုံးသားတွေ မပြောင်းလဲခဲ့တဲ့အခါ ကိုယ်တို့ကျိန်းသေထပ်ချစ်နိုင်ကြတယ်....၊ မိုင်ပေါင်းများစွာ ဝေးကွာခဲ့ရလည်း ဒီနှောင်ကြိုးတွေဟာဖြင့် ဘယ်အခါမှ မပြယ...