Unicode ver
ဗိုက်ကလေးပေါ်လက်ဖဝါးဖြင့်ဖွဖွပွတ်သပ်ရင်း ကြည်နူးခြင်းများကရင်မှာတပွေ့တပိုက်နှင့်...။
ပါးပြင်မှာလည်းမျက်ရည်တွေရွှဲနေသလို နှုတ်ခမ်းဖျားလေးများကပါ တဆတ်ဆတ်တုန်ယင်လို့နေသည်။ထို့နောက် စိတ်ကိုအနည်းငယ်တည်ငြိမ်အောင်ထိန်းကာ ဖုန်းကိုခပ်မြန်မြန်ကောက်ယူ၍ မောင့်နံပါတ်လေးအားခေါ်လိုက်သည်။
''ဟင့်! ဟင့်!´´
တစ်ဖက်သို့ဆက်သွယ်နေသောခေါ်ဆိုခြင်းမှာတင် လူကကိုယ်လေးသိမ့်သိမ့်တုန်အောင်ငိုနေမိဆဲ။ဘဝမှာ ပျော်လွန်းလို့ငိုမိရသည်ဆိုတာလည်း အပိုတွေမဟုတ်ချေဘူးပဲ။အခု သည်းသက်ရင်ထဲအူလှိုက်သည်းလှိုက်နဲ့ တအားကိုငိုချင်နေတယ်။
''Hello ကလေးလေး´´
''အင့်!´´
ဖုန်းကိုထုတ်ကိုင်လိုက်ပေမယ့် တစ်ဖက်ကစကားသံလေးမကြားရဘဲ အင့်ခနဲရှိုက်ငိုသံလေးသာကြားလိုက်ရတာမို့ ကောင်းကင်ရင်ထိတ်သွားရ၏။
''အသည်း...ငိုနေတာလား
ဘာဖြစ်လို့လဲ?ကလေးဘာဖြစ်လို့လဲ!!´´''မောင် အသည်းဆီလာခဲ့ပါလား´´
ဒီထက်ပို ဘာမှဆက်ဖြေသံမကြားရသေး။ငိုနေသည်ဟူသောအသိမှာတင် လူကစိုးရိမ်တကြီးထရပ်ကာ ခြေလှမ်းကလည်းအလိုလိုနောက်လှည့်မိလျက်သား...။
သူ့ပုံစံကိုနားမလည်လိုက်သောအဖွဲြ့သားတွေဟာလည်း ချက်ချင်းလှုပ်လှုပ်ရှားရှားဖြင့်...
''ကိုဆက် ဘာဖြစ်တာလဲ´´
''ဘာလဲ မိန်းမကလွမ်းလို့တဲ့လား ဟီး!ဟီး!´´
''ကျစ်!! နေစမ်းပါကွာ
ငါဒီမှာမကြားရတော့ဘူး´´''.....´´
''ကလေး နားထောင်
မောင်အခုပြန်လာပြီ...ပြန်လာပြီနော်´´နှုတ်ကအထပ်ထပ်ရေရွတ်ရင်း ခြေလှမ်းကလည်းတည်းခိုဆောင်ရှိရာဆီ အပြေးသွားနေမိ၏။
''အသည်း!!´´
စိုးရိမ်စိတ်တွေနဲ့အတူအခန်းတံခါးခပ်မြန်မြန်ဆွဲဖွင့်ဝင်လိုက်တော့ သူမကကုတင်ခြေရင်းကသစ်သားမှန်တင်ခုံလေးမှာထိုင်လျက်ရှိနေသည်မို့ သူထိုအနားသို့အမြန်လျှောက်သွားကာ...
YOU ARE READING
💞'အမုန်းတော်ခံ မိန်းမသား'💞 (Completed)
Romance''ခြားနားခြင်းတွေ ဘယ်လောက်များလည်း... နာကျင်ခြင်းတွေ ဘယ်လောက်များလည်း... အရာရာဟာ ပြောင်းလဲသွားခဲ့လည်း... နှလုံးသားတွေ မပြောင်းလဲခဲ့တဲ့အခါ ကိုယ်တို့ကျိန်းသေထပ်ချစ်နိုင်ကြတယ်....၊ မိုင်ပေါင်းများစွာ ဝေးကွာခဲ့ရလည်း ဒီနှောင်ကြိုးတွေဟာဖြင့် ဘယ်အခါမှ မပြယ...